Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԼՂՀ


Զգացին հայի գենի ուժը

Արցախում են «Ծագումով հայեր» հեռուստանախագծի հերոսները

Հայ առաքելական եկեղեցու Արցախի թեմի վերաբացման 30—ամյակի կապակցությամբ, «Ծագումով հայեր» հեռուստանախագծի հեղինակ եւ հաղորդավար Մանանա Հակոբյանի, ԱՀ մշակույթի, երիտասարդության հարցերի եւ զբոսաշրջության նախարարության նախաձեռնությամբ Ստեփանակերտ են ժամանել աշխարհահռչակ շուրջ 100 հայեր, ովքեր ներկայացնում են չորս տասնյակից ավելի երկրներ։
Նրանց շարքում են ճանաչված գիտնականներ, գրողներ, մշակույթի եւ արվեստի գործիչներ, բժիշկներ, գործարարներ, մարզիկներ, այլ ոլորտների ներկայացուցիչներ։
Հյուրերի առաջին կանգառը Նիկոլ Դումանի ծննդավայր Ծաղկաշեն գյուղն էր, որտեղ տանտերերն ավանդական աղուհացով, զուռնա—դհոլի սրտաբուխ նվագով են դիմավորել հյուրերին՝ հրավիրելով նրանց ուրախ շուրջպարի։ Նախագծի հերոսները, որոնցից շատերն առաջին անգամ են Արցախում, այցը համարելով ուխտագնացություն եւ խանդավառված ջերմ ընդունելությունից, չթաքցրին իրենց ոգեւորությունը՝ գողտրիկ ու անկրկնելի բնաշխարհի, պատմամշակութային հինավուրց հուշարձանների եւ ազգային մյուս արժեքների, երկրի սահմաններն աչալրջորեն հսկող զինվորի, արարչագործ շինականի ու շինարարի տքնանքի, նրանց զորեղ հավատքի նկատմամբ։ Իսկ երբ այցելեցին Նիկոլ Դումանի թանգարան եւ ծանոթացան այնտեղ ցուցադրվող պատմագիտական բացառիկ ցուցանմուշներին, վերստին համոզվեցին այն իրողության մեջ, որ հերոսներ ծնած ժողովուրդը դատապարտված է միայն հաղթելու եւ տնօրինելու սեփական ճակատագիրը։
«Ես շատ եմ լսել ու կարդացել Արցախի մասին եւ ծանոթ եմ նրա ժողովրդի հնադարյա եւ նորօրյա պատմությանը,– ասում է ֆրանսահայ երգչուհի Ռոզի Արմենը։–Միշտ էլ երազել եմ գոնե մեկ անգամ ոտք դնել այս հերոսական, ազատամարտում նահատակված տղաների արյամբ սրբացած հողի վրա։ Ու այսօր երջանիկ եմ, որ բախտ է վիճակվել հաղորդակցվելու մեր արմատներին, զգալու հայկական գենի ուժը, հպարտանալու Գանձասարի, Դադիվանքի եւ Ամարասի ճարտարապետությամբ՝ ականջալուր մեր վանքերի եւ եկեղեցիների զանգերին, որ հաղթանակի, հավատքի ու միասնության խորհուրդն են իրենց մեջ բովանդակում։
Թեեւ ես ապրում եւ ստեղծագործում եմ հայրենիքից հեռու, բայց իմ երգը ծառայում է հայրենիքին»,— ասել է երգչուհին՝ խոստանալով հաջորդ տարի Արցախում հանդես գալ մենահամերգով։
Ուխտագնացության մասնակիցներից յուրաքանչյուրն ունի իր հետաքրքրությունների աշխարհը եւ փորձում է հուզող հարցերի պատասխանները ստանալ՝ հակամարտության կարգավորման, բանականաշինության ու երկրի անվտանգության ապահովման ռազմավարական ծրագրերի, տնտեսության զարգացման, եկեղեցու դերի եւ նշանակության, այլ խնդիրների վերաբերյալ։ Եվ առնչվելով երկրի զարգացմանն ու ամրապնդմանը, Արցախի ապագային միտված ծրագրերին, որոնց իրագործմանն են ուղղված մարդկանց ջանքերը, հյուրերը կիսելով նրանց լավատեսությունը, իրենց պատրաստակամությունն են հայտնում արտերկրում, միջազգային ամենատարբեր հարթակներում բարձրաձայնել արցախցիների ազատության եւ իրավունքների մասին, ամեն կերպ սատար կանգնել Արցախին եւ թույլ չտալ, որպեսզի հակառակորդը վերստին խախտի հրադադարը ու դիմի ռազմական արկածախնդրության։
«Ես միշտ հպարտացել եմ, որ արմատներով հայ եմ եւ իմ երակներում արմենականի արյուն է հոսում։ Մի քանի անգամ եղել են Հայաստանում։ Իսկ Արցախ սա իմ երրորդ այցն է։ Ցավում եմ, որ հակամարտությունը դեռ կարգավորված չէ։ Բայց այսօր շրջելով երկրում, մենք կարծես չզգացինք, որ սահմաններում լարվածությունը պահպանվում է, մինչդեռ թշնամին անկանխատեսելի է, ու ցանկացած պահի կարող է խաթարել այս փխրուն խաղաղությունը։ Ու մտածում ես, ինչպես աշխարհի ցանկացած ժողովուրդ, արցախցիները նույնպես ազատ եւ անկախ ապրելու իրավունք ունեն։ Ինչո՞ւ հարեւան երկրում այս իրողությունը չեն գիտակցում, ու քաղաքակիրթ մյուս պետությունների պես չեն ուզում հարգել մարդկանց իրավունքը։ Խաղաղության կամուրջներ կառուցելու փոխարեն, ինչո՞ւ ատելություն եւ բռնություն են սերմանում սեփական ժողովրդի մեջ,–իր մտահոգությունները չի թաքցնում Պատրիկ Ֆիորին։–Միեւնույնն է, վաղ թե ուշ խնդիրն իր լուծումն է գտնելու։ Արդար նպատակների եւ իղձերի համար պայքարը միշտ էլ հաղթանակով է ավարտվել։ Եվ վստահ եմ, որ այս պարագայում եւս բացառություն չի լինելու»։ Պատրիկ Ֆիորին հավելում է, որ հաջորդ այցը Ստեփանակերտ մտադիր է կատարել ընկերների հետ ու «մեծ համերգ կազմակերպել Արցախի մայրաքաղաքում»։
Նրա հետ համակարծիք է նաեւ «Ծագումով հայեր» հեռուստածրագրի համակարգող Կարեն Խաչիկյանը, ով աշխարհահռչակ հայերին կոչ է անում ավելի միասնական լինել իրենց վճիռներում ու որպես պահանջատեր, գրողի, արվեստագետի, գիտնականի եւ քաղաքագետի իրենց ազդեցիկ ձայնը բարձրացնել հանուն ազատ ու անկախ Արցախի։
«Ծագումով հայեր» ծրագրի հերոսները Գանձասարի Սուրբ Հովհաննես Մկրտիչ եկեղեցում ներկա են գտնվել Պարգեւ արքեպիսկոպոս Մարտիրոսյանի ձեռամբ հանրապետական մաղթանքի արարողությանը՝ նվիրված Արցախի թեմի վերաբացման 30—ամյակին։
Հոլիվուդյան ճանաչված դերասան Մարկո Խանը խոստովանում է, որ վաղուց էր երազում լինել Գանձասարում, մոմ վառել ու աղոթել։ «Ուրախ եմ ու երջանիկ, որ այսօր այդ ցանկությունն իրականություն դարձավ։ Որոշել եմ այցելել նաեւ սահմանում կանգնած հայ զինվորին, սեփական աչքով տեսնել, թե ինչպես է նա կատարում մարտական իր հերթապահությունը՝ պահպանելով երկրի անդորրը։ Մենք հերոսական պատմություն ունենք, որի յուրաքանչյուր դրվագ խորհելու եւ անցյալին հետադարձ հայացք ձգելու առիթ է տալիս։ Ամենատարբեր շփումների ժամանակ ես իմ գործընկերներին, ամերիկացի ու եվրոպացի դերասաններին, ռեժիսորներին պատմում եմ մեր ժողովրդի անցած դժվարին ճանապարհի եւ ողբերգական իրադարձությունների մասին, որոնց մասամբ նրանք տեղյակ են։ Ձգտում եմ իրազեկել եւ Արցախի հիմնախնդրի, ադրբեջանա—ղարաբաղյան հակամարտության դրդապատճառների մասին։ Ոմանք զարմանում են, որ հայկական այս հինավուրց, պատմական հողի վրա ապրող մարդկանց իրավունքներն անտեսվում են, ու պատմամշակութային արժեքների տեր ժողովրդին Ադրբեջանը փորձում է նորից բռնակցել իրեն։ Բայց մի՞թե հնարավոր է նրան կտրել արմատներից՝ հարազատ մորից։ Այստեղ ամեն ինչ բնական է, անաղարտ ու մաքրամաքուր։ Եվ շատ կուզենայի, որպեսզի հոլեվուդյան ֆիլմերից մեկը հենց Արցախում նկարահանվեր։ Կարծում եմ, որ դրա ժամանակն էլ կգա»,–hամոզված է Մարկո Խանը։
Այցի շրջանակում ուխտագնացության մասնակիցներին հյուրընկալել, նրանց առաքելությունն արժեւորել է ԱՀ պետնախարար Գրիգորի Մարտիրոսյանը՝ ընդգծելով, թե «նախագծի հերոսների այցն անպայմանորեն կնպաստի Արցախ—սփյուռք կապերի ամրապնդմանը»։
Պետնախարարը խոստացել է աջակցել նրանց համագործակցության ցանկացած հարթակում եւ Արցախյան շարժման 30—ամյակին նվիրված հոբելյանական հուշամեդալներ ու շնորհակալագրեր է հանձնել։ Պատվիրակության անդամների անունից շնորհակալություն հայտնելով ջերմ ընդունելության համար, Գլենդելի քաղաքապետ Արա Նաջարյանը վստահեցրել է, որ վերադառնալուց հետո անպայման ճշգրտելու եւ հստակեցնելու է Ստեփանակերտի հետ համագործակցության ուղղությունները եւ իր գլխավորած համայնքի անդամների մասնակցությամբ նպաստելու է սկզբնավորված ավանդույթների զարգացմանը։ «Սա իմ առաջին այցն է քաղաքապետի պաշտոնում։ Սակայն վստահեցնում եմ, որ այն վերջինը չէ, եւ փոխայցելությունները կլինեն շարունակական»,–փակագծերը չբացելով՝ նշել է Ա. Նաջարյանը եւ ընդգծել, որ հերթական այցը շատ գործնական է լինելու։
Արցախի թեմի վերաբացման հոբելյանական միջոցառումները եզրափակվել են բերդաքաղաք Շուշիում՝ «Ծագումով հայեր» հեռուստանախագծի հեղինակի եւ բարերարների, ԱՀ մշակույթի, երիտասարդության հարցերի եւ զբոսաշրջության նախաձեռնությամբ կայացած տոնական համերգով, որին ներկա են գտնվել նախագահ Բակո Սահակյանը, ԱԺ ղեկավար Աշոտ Ղուլյանը, պետնախարար Գրիգորի Մարտիրոսյանը, Պարգեւ արքեպիսկոպոս Մարտիրոսյանը, պատգամավորներ, կառավարության անդամներ, հասարակության ներկայացուցիչներ, արտերկրից ժամանած աշխարհահռչակ հայեր։
Դավիթ ՄԻՔԱՅԵԼՅԱՆ
d.miqayelyan@hhpress.am
Ստեփանակերտ

02-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO