Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԶԱՆԱԶԱՆ


Արդյունքը պայմանավորված է հետեւողական աշխատանքով

Եվրոպական խաղերում մեր թիմում տիրող մթնոլորտի, նախապատրաստության եւ մասնակցության որոշ մանրամասների մասին է «ՀՀ»—ի հարցազրույցը ՀԱՕԿ—ի նախագահի խորհրդական, Հայաստանի պատվիրակության ղեկավար Արմեն Գրիգորյանի հետ։
–Ինչպիսի՞ն են Ձեր տպավորությունները խաղերի կազմակերպումից։
–Բելառուսը հիրավի ոչինչ չէր խնայել մրցումները լավագույնս կազմակերպելու համար եւ փայլուն լուծեց այդ խնդիրը։ Այսպես, օլիմպիական ավանում շուրջօրյա գործում էին սննդի բոլոր կետերը, տրանսպորտը մշտապես հասանելի էր մասնակիցներին, մարզադահլիճները կահավորված էին ժամանակակից պահանջներին համապատասխան, իսկ պարգեւատրման արարողություններն էլ անցկացվում էին բարձր մակարդակով։ Չափազանցրած չեմ լինի՝ ասելով, որ Մինսկը իրավամբ կարող է հավակնել նաեւ օլիմպիական խաղեր անցկացնելուն, քանզի ապահովված է մարզական բոլոր անհրաժեշտ ենթակառուցվածքներով։
–Ի՞նչ պայմաններում էին առօրյան անցկացնում եւ մարզվում Հայաստանի թիմի անդամները։
–Մեր պայմանները ոչնչով չէին տարբերվում մյուս պատվիրակություններին ընձեռած հնարավորություններից։ Հայաստանի հավաքականին հատկացվել էին 3—րդ մասնաշենքի 14—րդ եւ 15—րդ հարկերը։ Մեր անմիջական հարեւաններն էին շվեյցարացիներն ու հոլանդացիները։ Քանի որ շատերին է հետաքրքրում՝ ասեմ, որ Վրաստանի եւ Ադրբեջանի պատվիրակությունների հետ բացարձակապես չենք հատվել, քանզի նրանք գտնվում էին այլ մասնաշենքերում։ Ունեինք կենտրոնակայան, որտեղ ամեն երեկո հավաքվում եւ վերլուծում էինք մեզ առնչվող իրադարձությունները եւ ծրագրում հաջորդ օրվա անելիքները։
–Ո՞րն է եղել առավել սուր քննարկված հարցը։
–Որպես այդպիսին նման քննարկումներ չեղան, որովհետեւ դեռ ամիսներ առաջ ՀԱՕԿ—ի նախագահ Գագիկ Ծառուկյանի հանձնարարությամբ ստեղծվել էր խաղերին նախապատրաստության համակարգող խումբ, որն աշխատում էր բոլոր անհրաժեշտ ուղղություններով։ Ասել է թե հիմնական հարցերն ու խնդիրները լուծվել էին մինչեւ Մինսկ մեկնելը ու տեղում, մեծ հաշվով, առանձնակի անելիք չեղավ։ Մեր միակ սուր քննարկումը բայդարկայով թիավարության թիմին առնչված հայտնի միջադեպի վերաբերյալ էր։ Նախամեկնարկային ընդհանուր իրարանցման մեջ մարզիչը չէր կատարել հավատարմագրման վերջին գրանցումը։ Ընդ որում, կազմակերպիչները դա պարզել էին միայն մրցահերթի ավարտին, որին մեր թիավարները մասնակցել էին ու հաջողությամբ հատել վերջնագիծը։ Միայն դրանից հետո նրանց արդյունքները չեղարկվեցին։
–Դուք առաջ անցաք ինձնից՝ մասամբ պատասխանելով հաջորդ հարցիս։ Ի վերջո, ինչպե՞ս կարող էր նման իրավիճակ ստեղծվել, եւ արդյոք մարզիչը տեղյա՞կ էր մեկնարկից առաջ կատարվելիք քայլերի հաջորդականությանը։
–Գիտեք, շատ հարցեր տակավին մնում են անորոշ։ Գուցե նաեւ կազմակերպիչները պետք է ուղորդեին նրան։ Ընդհանրապես, յուրաքանչյուր մրցմանը ստեղծվում է մանդատային հանձնաժողով, որը զբաղվում է մարզիկների գրանցման եւ մասնակցության բոլոր հարցերով։ Այս խաղերում ամեն մի մեկնարկից առաջ մեր թիմին կցված կամավորը, ՀԱՕԿ—ի ներկայացուցիչը եւ տվյալ թիմի մարզիչը այցելում էին նշված հանձնաժողով եւ ճշտում իրենց հետաքրքրող հարցերը։ Դա արվել էր։ Այսինքն, խնդիրը ոչ թե տեղեկացվածությունն էր, այլ նախամեկնարկային իրարանցման բովում թույլ տված վրիպումը։
–Նմանապես, կարծես, անորոշություն առաջացավ նաեւ մարմնամարզության մրցումներում, քանզի նախօրոք որոշված էր, որ բազմամարտի եզրափակիչում յուրաքանչյուր երկիր կարող է ունենալ միայն մեկ մասնակից, բայց երեք երկիր ներկայացված էին 2—ական մարզիկով։ Արդյունքում՝ Արթուր Դավթյանը դուրս մնաց մրցանակային եռյակից։ Տեղյա՞կ եք այդ իրավիճակից։
–Իրոք, բոլոր ժողովներում խոսվում էր ձեր նշած առաջին տարբերակի մասին, բայց, հավանաբար, վերջին օրը փոփոխություն է եղել, որի մասին ճիշտ կլինի հարցնեք այդ մարզաձեւի մեր մասնագետներին։ Ամեն դեպքում, նման մրցումից 11 մեդալով վերադառնալն արդեն շատ մեծ նվաճում է, որը մեր մարզական բոլոր օղակների հետեւողական աշխատանքի արդյունքն է։
–Որքանո՞վ էր նպատակահարմար հեծանվորդ Էդգար Ստեփանյանի մասնակցությունը, նկատի ունենալով, որ նա ձեռքի կրկնակի կոտրվածք ուներ։
–Այդ որոշումը կայացվել է բժիշկների հետ խորհրդակցության արդյունքում։ Նա նույնիսկ բուժման արագացված կուրս անցավ։ Մրցումներից երկու օր առաջ նրա ձեռքից հանեցին գիպսը, եւ Էդգարը նույնիսկ մի քանի մարզում անցկացրեց տեղում։ Սակայն նման դեպքերում զգուշավորությունն ավելորդ չէ։

Հրայր ՆԱԶԱՐՅԱՆ

04-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO