Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.10.2019
ԼՂՀ


Ժողովրդական տոնախմբություն՝ վերածնված գյուղում

Ջրաղացներ բնակավայրը 300 տարեկան է

Դավիթ ՄԻՔԱՅԵԼՅԱՆ
d.miqayelyan@hhpress.am


Արցախի Ջրաղացներ բնակավայրի մասին տեղեկությունների հանդիպում ենք հայ պատմիչների եւ հոգեւոր ներկայացուցիչների, մասնավորապես՝ Մակար եպիսկոպոս Բարխուդարյանցի աշխատություններում, որոնք վկայում են օտար բռնակալների եւ ավազակախմբերի դեմ գյուղի բնակչության հերոսական դիմադրության, նրանց աշխատասիրության, հարուստ ավանդույթների եւ սովորությունների մասին։
Ըստ պատմիչների՝ բնակավայրը Ջրաղացներ անունը ստացել է շրջակա տարածքում մեծաթիվ ջրաղացներ ունենալու համար։ Հատկանշական է, որ այսօր էլ դեռ պահպանվում են Աղաբեկանց, Աղալունց, Ջալալենց, Մախմուրանց, Կճուրանց եւ հինավուրց մյուս ջրաղացների փլատակները։ Տարեցների հավաստմամբ, ցարական Ռուսաստանի բանակի գեներալ Մադաթովը 17—րդ դարի վերջերին վերադառնալով Ավետարանոց, իր հետ բերում է եւ երեք եղբայրներին, որոնք բնակություն են հաստատում Ավետարանոցից հարավ—արեւելք տանող նոր բնակատեղիում՝ իրարից 2 կիլոմետր հեռավորության վրա։ Երեքն էլ ճանաչված արհեստավորներ էին։ Մեկը դարբին էր, մյուսը՝ գինեգործ, իսկ երրորդը՝ կառուցելով մի քանի ջրաղաց, շրջակա մյուս գյուղերին ապահովում էր ալյուրով։
Բնակավայրը, որ Մադաթով եղբայրների առաջարկությամբ կոչվել է Ջրաղացներ, հմուտ արհեստավորների եւ շինարարների շնորհիվ արագ կառուցվում, վերածվում է բազմանդամ համայնքի, ուր պտղատու այգիներ են հիմնադրվում, մարդկանց տնամերձ հողամասեր են տրամադրվում՝ վարուցանքի, բանջարաբոստանային մշակաբույսերի աճեցման համար։ Պատահական չէ, որ Ջրաղացները որպես հաց, գյուղատնտեսական առատ մթերքներ արտադրող բնակավայր՝ արագ աչքի է ընկնում հարեւան գյուղերի շարքում, դառնում աշխույժ առեւտրի կենտրոն։
Ջրաղացների բնակիչներն իրենց արժանի ներդրումն են ունեցել ինչպես Մեծ հայրենականում, այնպես էլ արցախյան ազատամարտում, որոնք ձեւավորելով կամավորական ջոկատներ, ակտիվորեն մասնակցել են ռազմագործողություններին։ Ցավոք, դաժան մարտերում հերոսաբար նահատակվել են 7 համագյուղացի երիտասարդներ, որոնց աճյուններն ամփոփված են նրանց հիշատակին կառուցված հուշահամալիրում։ Ապրողները՝ մեծ ու փոքրով, վառ են պահում հայրենիքի արժանավոր զավակների պայծառ հիշատակը, ամենատարբեր առիթներով այցելում են հարազատները, մարտական ընկերները, ճանաչողները եւ ծաղիկներ խոնարհում։
Գյուղի հիմնադրման 300—ամյակի առթիվ կազմակերպված միջոցառումը, ավանդույթի համաձայն, մեկնարկեց հանդիսության մասնակիցների՝ հուշահամալիր այցելությամբ՝ հարգանքի տուրք մատուցելով նահատակներին։
Տոնախմբության առիթով Ջրաղացներում էին պետական այրեր, ծննդով գյուղից սերված, բայց հեռուներում վերաբնակվողներ, բազմաթիվ հյուրեր՝ Հայաստանից ու արտերկրից։ «Մենք անկեղծորեն ուրախանում եւ հպարտանում ենք գյուղի անցյալով ու ներկայով եւ համոզված ենք, որ բնակավայրն իր նախկին համբավն է ձեռք բերելու աշխատասեր ու նվիրյալ համագյուղացիների միջոցով, որոնք ապրում, շենացնում են Ջրաղացները, նաեւ այն մարդկանց շնորհիվ, որոնք արտերկրում են բնակվում, սակայն երբեք իրենց արմատները չեն մոռանում եւ բարեգործական ծրագրերով սատար են կանգնում համայնքին, աջակցում սոցիալ—կենցաղային խնդիրների լուծմանը»,–ասում է համայնքապետ Արսեն Հայրապետովը, որի հավաստմամբ, վերջին տարիներին երիտասարդ բազմանդամ ընտանիքների համար նոր տներ են կառուցվում, եւ աճի շոշափելի միտում է նկատվում գյուղում։ Հուսադրող են նաեւ անասնապահությամբ եւ հողագործությամբ զբաղվող տնտեսավարների աշխատանքի արդյունքները։
Համայնքապետը հպարտությամբ նշում է, որ Ջրաղացները միշտ աչքի է ընկել իր անարատ մեղրով, անուշահամ պտուղներով, կաթնամթերքներով եւ «շուկայական հրաշալի տեսք ունեցող» բանջարեղենով։ Դե, իհարկե, նաեւ զուլալ օդով եւ սառնորակ աղբյուրներով, մարդկանց շռայլ հյուրասիրությամբ։ Իսկ երբ խոսք բացվեց գյուղի անվանի մարդկանց մասին, առավել նշանավորների շարքում բնակիչները նշեցին գունավոր հեռուստատեսության հիմնադիր Հովհաննես Ադամյանի անունը, որը, բնակվելով Մոսկվայում, կենդանության տարիներին ամռանը Ջրաղացներ էր գալիս՝ որպես հուշանվեր համագյուղացիներին բերելով գունավոր հեռուստացույցներ։
Ապա անդրադառնալով օգոստոսին Արցախում մեկնարկող 7—րդ համահայկական խաղերին՝ նա ուրախությամբ նշեց, որ այդ առիթով արդեն նախապատրաստվել եւ իրենց օջախներում հյուրընկալելու են 50 մասնակցի։ Ինչ խոսք, չմոռացան նաեւ շեշտել, որ գյուղի դպրոցը կրում է հայ անվանի դիվանագետ Աշոտ Մելիք—Շահնազարյանի անունը, որը առաջին համահայկական օլիմպիական խաղերի կազմակերպիչն ու կազմկոմիտեի նախագահն է։
Ստեփանակերտ

04-07-2019





19-10-2019
Հայաստանն ընտրվել է ՄԱԿ-ի մարդու իրավունքների խորհրդի անդամ
Ի՞նչ անելիք ունենք այդ կարգավիճակում

Թամարա ՄՈՒՐԱԴՅԱՆ
t.muradyan@hhpress.am


Մեր ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...


 
19-10-2019
ԱՌՁԵՌՆ ԱՌԱԾԱՆԻ
«Աղբը քանի իրար տաս՝ հոտը կելնե»

Իմաստուն խորհուրդ ...


19-10-2019
Նոր ու ժամանակակից գրապահարաններ թանգարան-ինստիտուտին
Հայ բարեգործի շնորհիվ Հայոց ցեղասպանության պատմությունը ամփոփող գրականությունն ...


19-10-2019
Չկենտրոնացնել, չկուտակել ամեն ինչ մեկ վայրում եւ մեկ ձեռքում
Էրեբունի-Երեւանի տոնակատարությունների կազմակերպման տրամաբանությունը փոխվել է

Լիանա ՍԱՐԳՍՅԱՆ
l.sargsyan@hhpress.am


Դժվարին ...


19-10-2019
Զգացմունքների մաքրությունը...
Օրերս ՀԲԸՄ համերգասրահում ՀՀ կրթության, գիտության, մշակույթի եւ սպորտի ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...



19-10-2019
Գյումրիի թանգարաններն էլ կոտրեցին կարծրատիպերը
Շիրազի հուշատուն-թանգարանը՝ որպես ...

19-10-2019
«Կուզենայի, որ երեւանցիներն ավելի շատ զբաղվեն սպորտով»
«Էրեբունի-Երեւան» տոնից ավանդաբար անմասն չեն ...

19-10-2019
Երջանկության բանաձեւը
Հայը, hայերենն ու Հայաստանը անխզելի միասնություն ...

19-10-2019
Այն, ինչ անվերահսկելի է, միշտ վտանգավոր է
Թուրքիան տոնայնությունը փոխելով՝ ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO