Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԶԱՆԱԶԱՆ


Հայաստանի խոստումնալից մեկնարկը

Իտալական Նեապոլում մեկնարկեց ամառային 30-րդ համաշխարհային Ունիվերսիադան։ Ստուգատես, որը նշանակությամբ եւ բովանդակությամբ փոքր օլիմպիական խաղերի համարում ունի։ Այս անգամ Հայաստանը 14 մարզիկ է գործուղել մրցավայր, որոնցից մեկն արդեն հասցրել է մեդալակիր դառնալու լուրջ հայտ ներկայացնել։
Մեր հայրենակիցներից առաջինը մրցումներում ներգրավվել է մարմնամարզիկ Արթուր Ավետիսյանը, որը հանդես գալով միայն օղակների վրա վարժությունում՝ երկրորդ արդյունքով անցել է եզրափակիչ փուլ։ Նախնականում նա վաստակել է 14,750 միավոր՝ ընդամենը 0,1 նիշ զիջելով ավելի բարձր դասված թուրք Իբրահիմ Ցոլակին։ Մեդալների համար վճռական պայքարը կծավալվի հուլիսի 7—ին։
21—ամյա երեւանցուց բացի մեր երկիրը ներկայացնելու են թաեքվոնդոյիստներ Սերգեյ Վարդազարյանը, Սերգեյ Ավանեսովը եւ Արսեն Գրիգորյանը, հրաձիգներ Էլմիրա Կարապետյանը, Զավեն Իգիթյանն ու Հրաչյա Բաբայանը, ջրացատկորդներ Լեւ Սարգսյանն ու Վլադիմիր Հարությունյանը, թեթեւատլետներ Երվանդ Մկրտչյանը եւ Լեւոն Աղասյանը, ձյուդոյիստներ Բորիս Շատվերյանը եւ Սամվել Խաչատրյանը ու սուսերամարտիկ Էմմա Պողոսովան։ Նրանց ուղեկցում են մարզիչներ Հրաչյա Չանդիրյանը (ջրացատկ), Հայկ Նազարյանը (մարմնամարզություն), Զորայր Մեկինյանը (թաեքվոնդո), Գոռ Մկրտչյանը (ձյուդո) եւ պատվիրակության ղեկավար Հովհաննես Գաբրիելյանը։
Ընդհանրապես, Հայաստանը ունիվերսիադաներին մասնակցում է 1993 թվականից ու պարբերաբար վերադառնում մեդալներով։ Թերթենք վիճակագրությունը. 1993 թվական՝ 1 արծաթե մեդալ, 1995՝ 1 արծաթե, 2003՝ 1 բրոնզե, 2005՝ 1 արծաթե, 4 բրոնզե, 2007՝ 3 բրոնզե, 2009՝ 1 արծաթե, 2 բրոնզե, 2011՝ 1 ոսկե, 2013՝ 1 ոսկե, 5 արծաթե, 4 բրոնզե, 2015՝ 1 ոսկե, 2017՝ 3 ոսկե, 1 արծաթե, 2 բրոնզե պարգեւ։
Այդպիսով, անկախության շրջանում Հայաստանն ունեցել է ամառային ունիվերսիադաների 32 մեդալակիր։ Իսկ երկու տարի առաջ Ղազախստանում անցկացված ձմեռային համանման մրցումներում բրոնզե մրցանակակիր էր դարձել աշոցքցի դահուկորդ Սերգեյ Միքայելյանը։ Դա ճերմակ մրցուղիներում մեր առայժմ միակ նվաճումն է։ Ամառային խաղերում Հայաստանը ձեռնունայն է մնացել 1997, 1999 եւ 2001 թվականներին։ Տարբեր տարիներին չեմպիոն դարձած հայ մարզիկներն են ծանրորդ Աղասի Աղասյանը (2011), սամբիստ Տիգրան Կիրակոսյանը (2013), մարմնամարզիկ Արթուր Թովմասյանը (2015, 2017), որին երկու տարի առաջ ընկերակցեցին ծանրորդներ Սիմոն Մարտիրոսյանը եւ Գոռ Մինասյանը։
Վերադառնանք Իտալիա. Նեապոլ, Կազերտե եւ Սալերնո քաղաքներում մինչեւ հուլիսի 14—ը 18 մարզաձեւերում կմրցեն ավելի քան 150 երկիր ներկայացնող շուրջ 8 հազար մարզիկ—մարզուհիներ։ Նրանք մեդալներ են վիճարկելու ջրագնդակ, վոլեյբոլ, բեյսբոլ, ձյուդո, թեթեւ ատլետիկա, սեղանի թենիս, լող, ջրացատկ, սպորտային մարմնամարզություն, նետաձգություն, թենիս, թաեքվոնդո, սուսերամարտ, գեղարվեստական մարմնամարզություն, հրաձգություն, ռեգբի—7, ֆուտբոլ եւ առագաստանավային սպորտ մարզաձեւերում։ Նշենք, որ ունիվերսիադաների ծրագրում ընդգրկված մարզաձեւերի ցանկը պարբերաբար փոխվում է։

Հրայր ՆԱԶԱՐՅԱՆ

05-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO