Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԼՂՀ


Համագործակցելով մեկ միասնական հարթակում

ՀՀ փոխվարչապետի գլխավորած պատվիրակությունն այցելել է Արցախ

Դավիթ ՄԻՔԱՅԵԼՅԱՆ
d.miqayelyan@hhpress.am


«Մեր նպատակն է՝ արդյունավետ համագործակցելով արցախցի գործընկերների հետ ու աշխատելով մեկ միասնական հարթակում, համատեղ իրագործել ռազմավարական նշանակության ծրագրեր եւ տնտեսության տարբեր ոլորտներում հասնել շոշափելի ձեռքբերումների»,–Արցախի պետնախարար Գրիգորի Մարտիրոսյանի հետ ունեցած հանդիպումից հետո ճեպազրույցի ժամանակ ասել է ՀՀ փոխվարչապետ Տիգրան Ավինյանը, որի գլխավորած պատվիրակության անդամներն աշխատանքային երկօրյա այցով Արցախում էին։
Ոլորտների պատասխանատուների մասնակցությամբ քննարկվել են գյուղատնտեսության, արտադրական ենթակառուցվածքների եւ արդարադատության ուղղությամբ համագործակցության ընդլայնման հնարավորությունները։ Գրիգորի Մարտիրոսյանը պատրաստակամություն է հայտնել աջակցել նախանշված ծրագրերի իրականացմանը եւ ԱՀ կառավարության անդամներին հանձնարարել հայաստանյան գործընկերների հետ հստակեցնել առաջնահերթությունները միասնական դաշտում։ Գյուղնախարար Ժիրայր Միրզոյանն անդրադառնալով ոլորտում առկա խնդիրներին՝ մասնավորապես պահանջված է համարել մասնագիտական կադրերի վերապատրաստման, հակակարկտային նոր համակարգի կիրառման բնագավառում փորձի ուսումնասիրման ու փոխըմբռնման, ինչպես նաեւ անասնապահության հետագա զարգացման նպատակով խոշոր եղջերավոր անասունների տոհմի բարելավման, կենդանիների հաշվառման եւ համարակալման գործընթացի արդյունավետ կազմակերպման անհրաժեշտությունը։
Հանդիպմանը քաղաքաշինության նախարար Կարեն Շահրամանյանն ընդգծել է Ստեփանակերտի գլխավոր նոր հատակագծի ուրվագծման հարցում Հայաստանի քաղաքաշինության պետական կոմիտեի աջակցման անհրաժեշտությունը։ Առաջարկվել է նաեւ համատեղ ծրագիր մշակել Մարտակերտ—Սոտք ավտոճանապարհի սպասարկման վերաբերյալ։ Տիգրան Ավինյանը  նշել է, թե «հնչեցված առաջարկները բխում են հայկական երկու պետությունների շահերից, եւ միասնական դաշտում «խաղի կանոնները» հավասար պիտի լինեն բոլորի համար, երկու կառավարությունների միջեւ ավելի պիտի սերտացվեն համագործակցության ուղղությունները, որպեսզի լիարժեք լուծում տրվի նախանշված ծրագրերին»։
Եթե արտադրական ենթակառուցվածքների նախարար Լեւոն Գրիգորյանը կարեւորել է միասնական էլեկտրոնային համակարգի ներդրման եւ դեպի Ռուսաստանի Դաշնություն երթուղային կապի կարգավորման հարցերը, ապա արդարադատության նախարար Արարատ Դանիելյանը հանդիպմանը բարձրացրել է ՀՀ—ում Արցախի դատարանների վճիռների պահանջների կատարման խնդիրը։
Այցի շրջանակում ՀՀ փոխվարչապետը Արցախի պետնախարարի ուղեկցությամբ ծանոթացել է նախկին «Ղարմետաքսկոմբինատի» տարածքում հիմնադրված գորգագործական եւ հագուստների արտադրման ձեռնարկությունների աշխատանքային առօրյային, թողարկվող արտադրանքների ծավալներին եւ ընկերությունների հեռանկարներին։ Հայաստանից ժամանած հյուրերն այցելել են նաեւ «Թումո» ստեղծարար տեխնոլոգիական կենտրոն եւ հետաքրքրվել սովորող շուրջ 1200 երեխաների ուսուցման պայմաններով։
Այցի հաջորդ օրը Տիգրան Ավինյանի գլխավորած պատվիրակության անդամները եղել են Շուշիի «Եզնիկ Մոզյան» արհեստագործական ուսումնարանում, ուր նրանց հաճելիորեն ուրախացրել են կրթահամալիրում ներդրվող նորարարությունները եւ տնտեսության համար բարձրորակ կադրերի պատրաստման ուղղությամբ արձանագրված ձեռքբերումները։ Տեսարժան վայրերի շարքում հյուրերի վրա մեծ տպավորություն են թողել քաղաքի նորակառույցները, պատմամշակութային հուշարձանները եւ թանգարանները, մասնավորապես՝ արվեստի թանգարանը, որտեղ տեղադրված քանդակների եւ կտավների հարուստ հավաքածուների վերաբերյալ ուշագրավ տեղեկություններ է հաղորդել օջախի հիմնադիր, ակադեմիկոս Գրիգորի Գաբրիելյանցը։

09-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO