Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ՄՇԱԿՈՒՅԹ


«Եղիցի լույսը» հանձնվեց Ալեքսանդր Մինդաձեին

Մայր Աթոռ Սուրբ Էջմիածնում տեղի ունեցավ մրցանակի հանձնման արարողությունը

Լիանա ՍԱՐԳՍՅԱՆ
l.sargsyan@hhpress.am


«Ոսկե ծիրան» 16-րդ միջազգային կինոփառատոնի այս տարվա լիամետրաժ ժյուրիի նախագահ, կինոռեժիսոր, սցենարիստ Ալեքսանդր Մինդաձեն երեկ Մայր Աթոռ Ս. Էջմիածնում հանդիսավոր արարողությամբ ստացավ Ն.Ս.Օ.Տ.Տ. Գարեգին Բ ամենայն հայոց կաթողիկոսի կողմից սահմանված «Եղիցի լույս» մրցանակը։ Կինոռեժիսորին մրցանակը հանձնեց Մայր Աթոռի արտաքին հարաբերությունների եւ արարողակարգի բաժնի տնօրեն տեր Նաթան արքեպիսկոպոս Հովհաննիսյանը։
Միջոցառումը սկսվեց տերունական աղոթքով, որից հետո մասնակիցներին ողջունեց կինոփառատոնի հիմնադիր—տնօրեն Հարություն Խաչատրյանը։ Նա շնորհակալություն հայտնեց վեհափառ հայրապետին՝ մշակույթի եւ արվեստի տարածման գործին մշտապես օժանդակելու համար։ «Պարոն Մինդաձեն հարգված եւ սիրված արվեստագետ է ե՛ւ Ռուսաստանում, ե՛ւ այլ երկրներում։ Ի դեպ, նա առաջին անգամ է այցելել Հայաստան, առաջին անգամ նաեւ Մայր Աթոռ։ Մրցանակը շնորհելիս նկատի ունեցանք նրա ստեղծած ողջ արվեստը՝ հոգեւոր, մշակութային, համամարդկային արժեքների վրա հենված, եւ նրա վերջին տասը տարիների «վերակենդանացումը» որպես կինոռեժիսոր։ Արվեստագետ մարդու համար շատ կարեւոր է, թե ինչպիսի պատգամներ կթողնի իրենից հետո։ Նա ամենամնայուն եւ մարդկային ամենակարեւոր արժեքները կրող արվեստագետներից մեկն է։ Այդ է պատճառը, որ մեր եւ եկեղեցական խորհրդի կողմից որպես մրցանակակիր ընտրվեց հենց նա»,–ասաց Հարություն Խաչատրյանը։
Նաթան սրբազանը բարձր գնահատեց ռեժիսորի վաստակը կինոարվեստում հոգեւոր արժեքների արտացոլման գործում։ Սրբազանն ընդգծեց՝ Մինդաձեի արվեստում երեւում է այն գաղափարը, որ Աստծո արարչության մեջ մարդկային կյանքից առավել արժեքավոր բան գոյություն չունի, եւ նրա ֆիլմերում թեեւ կան շատ հակասական կերպարներ, սակայն արտացոլվում է այն միտքը, որ բոլորն էլ արժանի են կյանք ունենալու պարգեւին։ «Հայ եկեղեցին գնահատելով Աստծո բարձրագույն պարգեւի ջատագովին՝ նրան տվեց «Եղիցի լույս» մրցանակը։ Եղիցի լույս, որ արարչության առաջին իսկ խոսքը եղավ։ Պարգեւը շատ խորհրդանշական է։ Վերասլաց ձուկ։ Ձուկը քրիստոնեության առաջին իսկ օրերից որպես խորհրդանիշ, որպես Քրիստոսի անվան ծածկագիր է ծառայել։ Կենտրոնում ապակե գունդ է։ Այդ այն գունդն է, որի միջով աստվածային սերը անցնում է, լուսավորում է, եւ ջերմացնում մարդկային հոգիները»,—մեկնաբանեց Նաթան սրբազանը։
Այնուհետեւ Գեւորգյան հոգեւոր ճեմարանի տեսուչ տեր Գարեգին վարդապետ Համբարձումյանն ընթերցեց «Եղիցի լույս» մրցանակի վեհափառ հայրապետի հաստատագիրը։ «Հոգեւոր, մշակութային եւ մարդասիրական արժեքների քարոզչության եւ համաշխարհային կինոարվեստում մեծ վաստակի համար Հայաստանյայց առաքելական ս. եկեղեցու սահմանած «Եղիցի լույս» մրցանակը «Ոսկե ծիրան» փառատոնի առիթով շնորհում ենք կինոռեժիսոր Ալեքսանդր Մինդաձեին»,—նշված էր հաստատագրում։
Շնորհակալական խոսքով հանդես եկավ Մինդաձեն։ Նա նշեց, որ այս մրցանակն իր համար մեծ նվեր է, եւ որ այն խթան կհանդիսանա շարունակելու ստեղծել ֆիլմեր հանուն «լույսի» եւ հանուն մարդու։ Ռեժիսորի համար կարեւոր հանգամանք էր նաեւ, որ մրցանակը հաստատումն էր այն գաղափարների, որոնց նա ձգտել էր ամբողջ կյանքում։
Մրցանակաբաշխության ավարտին համերգային կատարումներով հանդես եկավ Մայր Աթոռի սարկավագաց երգչախումբը, որից հետո կինոռեժիսորին ընդունեց Ամենայն հայոց կաթողիկոսը։ Զրույցի ընթացքում վեհափառ հայրապետը նկատեց, որ ներկա ժամանակաշրջանում կինոարվեստը շարունակում է մնալ արժեքների քարոզչության հիմնական աղբյուրը։ Այդ իմաստով շատ կարեւոր է ռեժիսորի դերը մարդկային կյանքը բարի, ճշմարիտ, հոգեւոր, բարոյական արժեքներով լցնելու գործում։ Վեհափառ հայրապետը բարձր գնահատեց Մինդաձեի վաստակը կինոարվեստի միջոցով հոգեւոր արժեքների քարոզչության եւ խթանման գործում եւ ցանկացավ, որ այս մրցանակը ոգեւորիչ ու խթանիչ լինի ռեժիսորի հետագա աշխատանքներում եւ կյանքում։

10-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO