Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ՆԵՐՔԻՆ ԿՅԱՆՔ


Խոշոր վթար հանրապետության էներգահամակարգում

Պատճառները կհստակեցվեն ուսումնասիրություններից հետո

Արմենուհի ՄԵԼՔՈՆՅԱՆ
a.melqonyan@hhpress.am


Երեկ օրվա երկրորդ կեսից գրեթե ամբողջ հանրապետությունում էներգամատակարարման հետ կապված խնդիր առաջացավ՝ խաթարելով երկրի բնականոն կյանքը։ Պարզվեց՝ էներգահամակարգում վթար է եղել։ Էլէներգիայի տատանումների պատճառով մետրոյի թունելներում գնացքներ մնացին, հետո գնացքները դուրս բերվեցին, ուղեւորները տարհանվեցին։ էլեկտրամատակարարման համակարգում վթարի պատճառով դադարեցվեց «Վեոլիա ջրի» պոմպակայանների աշխատանքը։ Բջջային կապի ու ինտերնետի աշխատանքը ժամանակավորապես խաթարվեց։ Ոլորտներ եղան, որ չտուժեցին։ Բանկերը բնականոն շարունակեցին իրենց աշխատանքը, «Զվարթնոց» օդանավակայանը՝ նույնպես։
Տարածքային կառավարման եւ ենթակառուցվածքների նախարարության տարածած հայտարարությունից պարզ դարձավ, որ Հայաստանի էլեկտրաէներգետիկական համակարգում տեղի են ունեցել հաճախականության տատանումներ, որի հետեւանքով աշխատել են արտադրող կայանների պաշտպանական համակարգերը։ Սկզբում անջատվել է Հրազդան ՋԷԿ—ի 5—րդ էներգաբլոկը, այնուհետեւ Երեւանի ՋԷԿ—ը եւ ավելի փոքր արտադրողներ։ Ժամը 15։40—ի դրությամբ համակարգում հաճախականության տատանումներ արդեն չկային, կայունությունը վերականգնված էր։ Տարվում էին վթարավերականգնողական աշխատանքներ, էլեկտրաէներգիայի մատակարարումն աստիճանաբար վերականգնվում էր։
Տեղեկացվեց նաեւ, որ կստեղծվի աշխատանքային խումբ՝ վթարի պատճառների ուսումնասիրման նպատակով։
Որպեսզի հանրության շրջանում ասեկոսեներ ու թյուրըմբռնումներ չլինեն, պարզաբանում հնչեց Հայկական ատոմային էլեկտրակայանի ղեկավարության կողմից։ Այն է՝ ՀԱԷԿ—ի ներքին անվտանգությունն ապահովվել է կայանի գեներատորներից ստացված էլեկտրաէներգիայով, խնդիրներ չեն ծագել։ Ի դեպ, հիշեցնենք, որ հունիսի 1—ից ՀԱԷԿ—ը չի աշխատում, վերանորոգման եւ վերաբեռնավորման գործընթաց է սկսվել։
Այնուամենայնիվ, ո՞րն էր մեր էներգահամակարգում վթարի պատճառը թեկուզ նախնական վարկածով։
Տարածքային կառավարման եւ ենթակառուցվածքների փոխնախարար Հակոբ Վարդանյանը էլեկտրաէներգետիկ համակարգի խափանումների թեմայով հրավիրված հրատապ ասուլիսի ժամանակ շեշտեց. անհանգստանալու որեւէ բան չկա, որեւէ տեխնածին աղետ տեղի չի ունեցել, չի էլ կարող ունենալ։ Վթարն ուղղակի խոշոր է եղել, ամենախոշորը 2013 թվականից սկսած։ Տատանումները մեծ են եղել, դա ամբողջ էներգահամակարգի վրա ազդել է։ Ժամը 13։46 րոպեին հաճախականության տատանում է եղել ամբողջ համակարգում։ Այդ համակարգը «սինքրոն կապի միջոցով կապված է իրանական էներգահամակարգի հետ», եւ ՀՀ—ում ցանկացած տատանում զգացվում է Իրանում, եւ հակառակը։ Ու, ըստ այդմ էլ, վարկածներից մեկն այն է, որ հաճախականության հզոր տատանումը եկել է իրանական էներգահամակարգում տեղի ունեցած վթարից։ Հայկական կողմը իրանցի գործընկների հետ կապի մեջ է եղել, նույն ժամանակահատվածում իրենց մոտ էլ են տեղի ունեցել տատանումներ։ Բայց ասել, որ վթարի պատճառը 100 տոկոսով եկել է իրանական էներգահամակարգից, չեն կարող։ Պատճառները կհստակեցվեն ուսումնասիրություններից հետո։
Դեռ մինչեւ ժամը 17։00—ն Լոռու եւ Տավուշի մարզի մի մասը անջատել են ՀՀ—ի էներգահամակարգից եւ միացրել վրացական էներգահամակարգին. մարզերի մատակարարումը վերականգնված էր։ Վրաստանից այդ պահի դրությամբ արդեն ներմուծվել էր 28 ՄՎտ էլէներգիա, 42 ՄՎտ էլ՝ Իրանից։ Ոլորտի մասնագետների հաշվարկներով՝ օրվա այդ ժամերին մեր երկրում էլէներգիայի սպառման պահանջարկը լինում է 800—850, առավելագույնը՝ 900 մեգավատ։ Մինչեւ 17։00—ն 600 ՄՎտ—ն արդեն ապահովվում էր։ Սեւան—հրազդանյան կասկադը ամբողջ հնարավորությամբ (գործող ջրի քանակով) համակարգում էր։ Այդ ժամանակ մնացել էր Հրազդանի ՋԷԿ—ի 5—րդ էներգաբլոկը եւ Երեւանի ՋԷԿ—ը, որտեղ զննության աշխատանքներ էին տարվում։
Փոխնախարարան արդեն ժամը 17։00—ի կողմերին ասաց, որ եթե նոր տատանումներ չլինեն, մոտավորապես 1 ժամվա ընթացքում հնարավոր է ամբողջ հանրապետությունում էներգամատակարարումը վերականգնվի, եւ վթարի հետեւանքները որեւէ մեկը էլ չի զգա։
Մամուլի շենքում տեղեկայված մամուլի միջոցների աշխատակիցներս դրանից հետո աչքներս ժամացույցներին հառած մնացինք։ Էլէներգիայի միացումը մեզ ուրախացրեց, սակայն, ոչ թե 1, այլ՝ 1 ժամ 40 րոպեից։
Ժամը 19։00—ի կողմերը ամեն ինչ վերադարձավ բնականոն հուն։
Վթարի պատճառները պետք է մանրամասն ուսումնասիրվեն՝ կրկնություններից խուսափելու համար։ Եվ մենք հենց այսպիսի օրերին ենք շոշափելիորեն հիշում մեր էներգահամակարգի մասին, որի հուսալիությունն այնքան անհրաժեշտ է երկրի անվտանգության համար։

11-07-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO