Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ՍՈՑԻՈՒՄ


Լցնովի պաղպաղակ, ֆրեշ եւ քաղցր բամբակ

Պահպանվո՞ւմ են արդյոք վաճառքի նորմերը

Սննդամթերքի անվտանգության պետական ծառայության ուսումնասիրությունները ցույց են տվել, որ Երեւանում նորմերին չհամապատասխանող, դրսում արեւի տակ տեղադրված սարքերով լցնովի պաղպաղակների վաճառք չի իրականացվում։ Այնուամենայնիվ, մասնագետը խորհուրդ է տալիս բարձր ջերմաստիճանի պայմաններում արեւի ուղիղ ճառագայթների ազդեցության տակ պաղպաղակ չուտել, խստորեն հետեւել սանիտարական պայմաններին։ Մեզ հետ զրույցում սննդի անվտանգության պետական տեսչության սննդամթերքի անվտանգության եւ որակի հսկողության տեսչության պետ Վահե Դանիելյանն անդրադարձավ լցնովի պաղպաղակի, ֆրեշի եւ քաղցր բամբակի վաճառքի խնդիրներին։
«Լցնովի պաղպաղակների եւ ֆրեշների վաճառքի համար կան համապատասխան նորմեր, դրանք պետք է լինեն առանձնացված տարածքներում, որտեղ պետք է լինի մշտական հոսող ջուր։ Համապատասխան սանիտարական հսկողություն պետք է իրականացվի նաեւ տվյալ տնտեսավարող սուբյեկտի կողմից։ Մեր վերջին դիտարկումները ցույց են տվել, որ նորմերին չհամապատասխանող պաղպաղակների իրացման կետեր Երեւանում չկան։ Դրանք բոլորն առանձնացված տարածքներում են իրականացվում։ Ամեն դեպքում, եթե տնտեսավարողները չհետեւեն սանիտարահիգիենիկ նորմերին, սարքավորումների ախտահանման, մաքրման աշխատանքներին, մենք կարող ենք ունենալ խնդիրներ»,—ասաց Դանիելյանը։
Լցնովի պաղպաղակի հետ կապված վերջին ուսումնասիրություններն իրականացրել են երկու շաբաթ առաջ Երեւանի մի շարք վարչական շրջաններում։ Ուսումնասիրություններն իրականացրել են ընտրողական, սակայն ընդգրկված են եղել բոլոր վարչական շրջանները։ Արդյունքում պարզ է դարձել, որ լցնովի պաղպաղակների սարքերը խանութների ներսում, կրպակների ներսում են։ «Փողոցում դրված առանձին սառնարաններով իրացման դեպքեր մենք չենք արձանագրել»,—ասաց Դանիելյանն ու հորդորեց քաղաքացիներին նման դեպքեր նկատելու պարագայում տեղեկություն հաղորդել իրենց։
Ծառայությունը նման վերլուծություն դեռ չի կատարել մարզերում։ Սակայն Դանիելյանը վստահեցնում է, որ մարզային կենտրոնները եւս ստացել են անհրաժեշտ ցուցումներ՝ լցնովի պաղպաղակների իրացման նկատմամբ հսկողություն իրականացնելու։
Հարցին, թե արդյոք հետեւում են, որ լցնովի պաղպաղակ վաճառողները գիշերները չանջատեն սառնարանները, Դանիելյանը նշեց՝ նման դեպքում կաթնային հումքը մինչեւ առավոտ կփչանա, պիտանի չի լինի, վաճառելու համար նույնիսկ ապրանքային տեսք չի ունենա, համահոտային հատկանիշները կփոփոխվեն։ Եվ սառնարան չանջատելու պահանջ միանշանակ դնում են։ Եթե սառնարանը պատշաճ ջերմաստիճան չի ապահովում, ապա տալիս են համապատասխան ցուցումներ։ «Մենք չենք կարող անտարբեր լինել հատկապես, երբ խոսում ենք պաղպաղակի սառնարանի չաշխատելու մասին՝ հասկանալով, որ դա ջերմային հստակ ռեժիմ պահանջող սննդամթերք է»,—նշեց նա։
Տնտեսավարող սուբյեկտները շատ են, եւ ծառայությունը չի կարող բոլորի շրջանում ստուգումներ անցկացնել, իրականացնում են մարդաշատ վայրերում, նաեւ հաշվի առնելով քաղաքացիների բողոքները։ Սակայն Դանիելյանը նշեց՝ եթե կան համապատասխան փաստաթղթերը, պահպանված են սանիտարական պայմանները, ապա լցնովի պաղպաղակ ուտելիս մտահոգություն ունենալ պետք չէ։
Անդրադառնալով դրսում քաղցր բամբակներ պատրաստելուն եւ վաճառքին՝ Դանիելյանը նշեց՝ իրենք վերահսկողություն իրականացնում են գրանցված իրավաբանական եւ ֆիզիկական անձանց շրջանում։ «Դրանք հիմնականում ֆիզիկական անձանց կողմից իրականացվող գործառույթներ են, որոնք կարող են դիտարկվել որպես փողոցային առեւտուր։ Դրանք մեր վերահսկողությունից դուրս են։ Ֆիզիկական, չգրանցված անձանց նկատմամբ մենք ոչ պատասխանատվության միջոցներ, ոչ էլ վերահսկողություն չենք կարող իրականացնել»,—ասաց նա ու հավելեց՝ տեղական ինքնակառավարման մարմինները պետք է վերահսկեն նրանց գործունեությունը։
Անդրադառնալով դրսում վաճառվող ֆրեշներին՝ Դանիելյանը նշեց, որ կրկին մարդիկ պետք է ուշադրություն դարձնեն պատրաստման սանիտարական պայմաններին։ Պետք է լինեն մշտական հոսող ջուր, սանիտարական անհրաժեշտ պայմաններ, հիմնական վտանգն այդտեղից է գալիս։ «Հիմնականում խախտումներ եղել են սանիտարահիգիենիկ նորմերի պահպանման հետ կապված, աշխատակիցների սանիտարական գրքույկների բացակայության հետ։ Մեր վերահսկողական գործառույթների ընթացքում այդ խնդրին պարբերաբար բախվում ենք։ Դրանք հայտնաբերվել են տարվա ընթացքում իրականացված գործառույթների շրջանակում»,—ասաց նա։
Դանիելյանը քաղաքացիներին խորհուրդ տվեց փողոցային իրացման կետերից ընդհանրապես չօգտվել։ Նա նկատեց՝ պետք է ուշադրություն դարձնել ինչպես իրացման կետերի մաքրությանը, կանոնների պահպանմանը, այնպես էլ սեփական մաքրությանը։ «Ես ինքս եմ տեսել, որ վաճառողը պաղպաղակը տալիս է թղթից անձեռոցիկով, մարդը դա նետում է աղբամանի մեջ եւ պաղպաղակը ձեռքը շրջում քաղաքում։ Դա արդեն իսկ երկրորդային աղտոտվածության արդյունք կարող է դառնալ»,–նշեց նա։
Մասնագետը նաեւ շեշտեց՝ բարձր ջերմաստիճանային պայմաններում արեւի ուղիղ ճառագայթների ազդեցության տակ պաղպաղակ ուտելը շատ ռիսկային է։ «Մի կողմից կա 40 աստիճանի հասնող բարձր ջերմաստիճան, մյուս կողմից օգտագործում ենք պաղպաղակ, օրգանիզմը սթրեսի է ենթարկվում, չի բացառվում, որ լինեն անցանկալի հետեւանքներ»,–նկատեց Դանիելյանը։
Աննա ԳՐԻԳՈՐՅԱՆ

25-07-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO