Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ՄՇԱԿՈՒՅԹ


Սպիտակի ողբերգությունը՝ լուսանկարներով

Մինսկում բացվել է «Արմենպրեսի» եւ «ԲելՏԱ»-ի լուսանկարների ցուցահանդեսը

Բելառուսում ՀՀ դեսպանության, Բելառուսի ազգային պատմության թանգարանի, «Արմենպրես» եւ «ԲելՏԱ» լրատվական գործակալությունների նախաձեռնությամբ Մինսկի Ազգային պատմական թանգարանում բացվել է «Սպիտակի ողբերգություն. հիշատակի հետահայաց» խորագրով լուսանկարների ցուցահանդեսը։
Ներկայացնելով ցուցահանդեսի խորհուրդը՝ «Արմենպրես» պետական լրատվական գործակալության տնօրեն Արամ Անանյանը նշել է. «Սա ոչ միայն հարգանքի տուրք է հիշողությանը, այլ նաեւ յուրատեսակ երախտագիտություն բոլոր մարդկանց, կազմակերպություններին, պետություններին եւ ժողովուրդներին, որոնք արհավիրքի այդ ծանր պահին եղել են հայ ժողովրդի կողքին եւ ուժերի ներածին չափով նպաստ են բերել աղետի գոտու վերականգնմանը։ Մենք ցանկանում ենք այս լուսանկարները ներկայացնել Սպիտակում՝ Բելառուսի կողմից վերականգնված մշակույթի պալատում՝ որպես ապագայի եւ վերածննդի խորհրդանիշ։ Այս ցուցահանդեսով մենք նաեւ խոսում ենք ապագայի մասին, որը նույնպես այսօր է գրվում»։
Անանյանը մեծապես կարեւորել է նմանօրինակ միջոցառումների իրականացումը եւ նշել, որ աղետի հետեւանքների հաղթահարման գործում նշանակալի դեր են ունեցել լրագրողները, որոնք բնական արհավիրքի մասին իրականության ներկայացմամբ խթանել են մարդասիրական առաքելության իրականացումը աղետի գոտում
«Արմենպրեսի» հաղորդմամբ՝ Բելառուսում ՀՀ արտակարգ եւ լիազոր դեսպան Արմեն Ղեւոնդյանը հիշեցրել է, որ 1988 թվականի դեկտեմբերի 7—ի Սպիտակի ուժեղ երկրաշարժը տեւել է ընդամենը 30 վայրկյան, բայց խլել է 25 հազար մարդու կյանք։
«Ավելի քան 30 տարվա ցավ հարազատների, ընկերների եւ գործընկերների նկատմամբ։ 30 վայրկյանը տարեգրության սկիզբ դարձավ, որը տեւում է մինչեւ օրս՝ հանուն ավերված գյուղերի եւ քաղաքների վերականգնման ու բարգավաճման։ Սպիտակի ողբերգությունը նաեւ մարդասիրության եւ փոխադարձ օգնության տարեգրություն է։ Սարսափելի ողբերգության լուրը աշխարհի հարյուրավոր երկրներից հազարավոր բժիշկներ եւ փրկարարներ է ուղարկել Հայաստան, որոնք երկիր են բերել ոչ միայն դեղորայք եւ սարքավորումներ, այլ նաեւ ամրապնդել են հավատը եւ իրենց մասնակցությամբ հույս են ներշնչել։ Ամենադժվար օրերին Բելառուսը նույնպես իր օգնության ձեռքն է մեկնել եւ նպաստել յուրաքանչյուր կյանքի փրկությանը։ Եվ այսօր այս ցուցահանդեսը լռությամբ խոսում է լուսանկարներով եւ փոխանցում է այդ օրերի ողջ մթնոլորտը»,–ասել է Ղեւոնդյանը։Դեսպանը ընդգծել է, որ «Սպիտակի ողբերգություն. հիշատակի հետահայաց» նախագիծը հնարավոր է դարձել կյանքի կոչել «ԲելՏԱ»—ի եւ «Արմենպրեսի» գործընկերային հարաբերությունների շնորհիվ։
«ԲելՏԱ»—ի գործադիր տնօրեն Իրինա Ակուլովիչը Ազգային պատմական թանգարանում ցուցահանդեսի բացման ժամանակ նշել է, որ «Սպիտակի ողբերգություն. հիշատակի հետահայաց» թեմայով լուսանկարների ցուցահանդեսը ցույց է տալիս, որ ցանկացած ողբերգություն կարելի է հաղթահարել միասին։ «Հայաստանում ողբերգությունը հաղթահարել են միասին։ Ի վերջո, երբ մենք բոլորս միասին ենք, այդ ժամանակ ամեն ինչ ստացվում է։ Նախ եւ առաջ, մենք ցանկանում էինք այս իմաստը ներդնել ցուցահանդեսում, ոչ միայն հիշել, այլ նաեւ իմանալ, որ միասնությունը միակ բանն է, որը հնարավոր է այսօրվա աշխարհում»,–ասել է Ակուլովիչը։ Նրա խոսքով՝ լուսանկարիչների, ինչպես լրագրողների դեպքում, աշխատելը շատ դժվար է, քանի որ թեմաները տարբեր են՝ ուրախ եւ տխուր, երբ պետք է տեսնել թե՛ վիշտը, թե՛ մահը, եւ դա շատ բարդ է, հետեւաբար «ԲելՏԱ»—ի ներկայացրած լուսանկարները հուզիչ են եւ բարդ։ Սպիտակի երկրաշարժի 30—րդ տարելիցին նվիրված «Սպիտակի ողբերգություն. հիշատակի հետահայաց» թեմայով ցուցահանդեսում ներկայացված են «ԲելՏԱ» եւ «Արմենպրես» լրատվական գործակալությունների ֆոտոթղթակիցների 34 լուսանկարները, որոնք կատարվել են ողբերգական օրերին՝ արտացոլելով աղետը, ինչպես նաեւ ողջ մարդկության, մասնավորապես, բելառուս ժողովրդի արձագանքը հայ ժողովրդի ցավին։
«Սպիտակի ողբերգություն. հիշատակի հետահայաց» ցուցահանդեսը բացառիկ նախագիծ է, որտեղ ներկայացված են մեծ պատմական արժեք ունեցող լուսանկարներ, որոնք հիշեցնում են մի լայնամասշտաբ բնական աղետի եւ այն հաղթահարելու ամուր կամքի մասին։ 1988թ. դեկտեմբերի 7—ին Հայաստանի հյուսիսում գրանցված հզոր երկրաշարժի ցնցումների հետեւանքով կես րոպեում ավերվել է հանրապետության գրեթե ողջ հյուսիսային հատվածը։ Կես միլիոնից ավելի մարդ կորցրել է օթեւանը, երկրաշարժի հետեւանքով շարքից դուրս է եկել Հայկական ԽՍՀ արդյունաբերական ներուժի շուրջ 40%—ը։ Ամբողջովին ավերվել են Սպիտակ քաղաքն ու 58 գյուղ, մասամբ ավերվել են Լենինական (ներկայում՝ Գյումրի), Ստեփանավան, Կիրովական (ներկայում՝ Վանաձոր) քաղաքներն ու ավելի քան 300 բնակավայրեր։ Ողջ մարդկությունը արձագանքել է հայաստանյան աղետին, Խորհրդային Միության հանրապետություններն ու աշխարհի 113 երկիր, բազմաթիվ միջազգային մարդասիրական կազմակերպություններ ու անհատներ նեցուկ կանգնեցին Հայաստանին։ Հայ ժողովրդին օգնության ձեռք մեկնեցին նաեւ բելառուսները, որոնք աղետի առաջին իսկ օրերից մասնակցում էին փրկարարական եւ վերականգնողական աշխատանքներին։ Բազմաթիվ հայ երեխաներ աղետից հետո հետցնցումային վերականգնում էին անցնում բելառուսական հաստատություններում, բելառուս լրագրողներն իրենց հանրությանն ու աշխարհին էին ներկայացնում Հայաստանի մեծ աղետը։

26-07-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO