Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ԿՐԹՈՒԹՅՈՒՆ


Ինչպիսի բուհ ենք ուզում ունենալ

Կամ՝ պե՞տք է արդյոք կենտրոնանալ քննությունների վրա

Թամարա ՄՈՒՐԱԴՅԱՆ
t.muradyan@hhpress.am


Առանց քննությունների բուհական ընդունելության թեման մեր հասարակության համար դեռ արտասովոր է, թեեւ մասնավոր զրույցներում երբեմն ընդունելության միասնական քննություններին այլընտրանքային տարբերակներ առաջարկում են։
Բայց կրթության ոլորտի փորձագետ Սերոբ Խաչատրյանը «ՀՀ»—ի հետ զրույցում կարծիք հայտնեց, որ պետք չէ շատ կենտրոնանալ քննությունների վրա։ Նա ավելի կարեւոր է համարում հետեւյալ հարցերը՝ ի՞նչ է անում դպրոցը, որ ավելի լավ սովորեցնի աշակերտին, եւ ի՞նչ է անում բուհը, երբ սեպտեմբերի 1—ին առաջին կուրսեցին բուհ է մտնում։ «Դրանց վրա պետք է ուշադրություն դարձնել։ Պետք է կենտրոնանալ բովանդակային հարցերի վրա»,–ասում է նա։
Իսկ ընդունելության ներկայիս տարբերակի վերաբերյալ նշում է, որ միասնական քննությունները առանձնապես շատ ձախողումներ չեն ունեցել։ Նա չի համարում, որ ներկայիս տարբերակը վատ է։ Ընդհանուր առմամբ, միասնական քննությունների համակարգը հաջողված է համարում այն իմաստով, որ դիմորդները միաժամանակ ե՛ւ ավարտական, ե՛ւ ընդունելության քննություն են հանձնում։
Բովանդակային մասով էլ նկատում է, որ երկու տարբերակ կա։ Այսպես, գործող՝ շտեմարանային տարբերակի առանձնահատկությունն առաջադրանքների՝ նախօրոք հրապարակված լինելն է։ Վատ կողմն էլ, ըստ փորձագետի, հետեւյալն է՝ դիմորդը շտեմարանն անգիր է անում՝ հաճախ առանց հասկանալու եւ յուրացնելու թեման։
Բովանդակային մասով մյուս տարբերակն էլ հետեւյալն է՝ առաջադրանքները քննության օրն են իմանում։ Բայց այդ տարբերակի պարագայում փորձագետն ընդգծում է, որ շատ կարեւոր է, թե ովքեր են քննության առաջադրանքներ կազմողները. «Այդ տարբերակով, երբ Հայաստանում անցկացնում էին քննություններ, միշտ խնդիր էր առաջանում, որ առաջադրանքները կազմած խմբի դիմորդները նախապես իմացել են ու ավելի լավ են պատրաստվել»։
Այսպիսով, Ս. Խաչատրյանը բարձրաձայնում է, որ շտեմարանայինի դեպքում կոռուպցիոն ռիսկերն են նվազում, իսկ մյուս դեպքում քննության որակն է բարձրանում, բայց առաջանում են կոռուպցիոն ռիսկեր։ Նրա դիտարկմամբ, երկու տարբերակներն էլ ունեն իրենց առավելություններն ու թերությունները։
Իսկ ընդունելությունն առանց քննությունների անցկացնելու մասին դիտարկմանը պատասխանեց. «Նույնիսկ եթե քննության ձեւը փոխենք էլ՝ ի՞նչ է փոխվելու»։ Նա չի կարծում, թե դիմորդներն ավելի լավ են սկսելու սովորելու։
Իսկ դժվարացնելու դեպքում ընդամենը «կտրվողների» թիվն է ավելանում։ Եվ հենց որ տեսան՝ ավելի դժվարանում է, ըստ նրա, արդեն կոռուպցիոն ռիսկերն են մեծանում։

Եթե կարողանան ինքնուրույն պարապել, կամ էլ թե հիմք  ունենան…

Սերոբ Խաչատրյանը նշեց, որ կրկնուսույցի ինստիտուտը չի վերանում նաեւ աշխարհի ամենազարգացած երկրներում՝ ամեն տեղ կա։ Մեր իրականության մեջ կրկնուսույցի դիմելու հիմնական պատճառներից նա առանձնացրեց աշակերտների՝ ինքնուրույն պարապելու կարողություն չունենալը։ «Եթե ունենան ինքնուրույն պարապելու կարողություն, սովորեն առանց որեւէ մեկի՝ իրենց գլխին ոստիկանի պես կանգնելու, ապա կրկնուսույցների դիմողմերի թիվը կպակասի։ Բայց քանի որ աշակերտները միշտ կարիք ունեն, որ որեւէ մեկն իրենց պարտադրի, կարգ ու կանոն սահմանի, առաջադրանքներ տա, հետո ստուգի՝ կատարել են թե ոչ՝ շատերն անխուսափելիորեն դիմում են կրկնուսույցի»,–նկատեց նա՝ խոսելով նաեւ մյուս պատճառների մասին։ Խաչատրյանի խոսքերով, շատ բաներ կան, որոնք երեխան ինքնուրույն չի կարող հաղթահարել՝ մեկը պետք է օգնի։ «Բանալիներ, գաղտնիքներ կան, որոնց տիրապետում են միայն մասնագետները։ Ինչ—որ մեկի կարիքը զգացվում է, ով հետը պետք է աշխատի»։
Հարցին, թե դպրոցի ուսուցիչը չի՞ կարող հանդես գալ այդ աշխատող անձի դերում՝ պատասխանեց, որ դժվար է։ Այսպես մեկնաբանեց՝ դպրոցի ուսուցիչը աշխատում է 25—30 հոգու հետ, որոնցից յուրաքանչյուրն ունի իր նախընտրությունը, եւ կա պետական ծրագիր։
«Նշվածներից բացի, կրկնուսույցի մոտ գնալու մի պատճառ էլ կա՝ քանի որ միջին դպրոցի ծրագիրը սովորած չեն լինում, ավագ դպրոցում հիմք չեն ունենում։ Իսկ ուսուցիչը չի կարող դպրոցի ծրագիրը հետ տանել՝ 7—րդ դասարանի ծրագրից սկսել։
Ստիպված է 10—րդ դասարանի ծրագրով աշխատել, եւ երեխան ստիպված պետք է գնա կրկնուսույցի մոտ, որովհետեւ նա 0—ից է սկսում։ Իսկ դպրոցը չի կարող 0—ից սկսել»,–ասաց մեր զրուցակիցը։

Բուհական կրթությունը պետք է արդյունավետ  լինի եւ օգուտ տա

Հաճախ է շրջանառվում թեման, թե ազգը միայն բարձրագույն կրթություն է ստանում՝ անկախ նրանից, դրա կարիքն ու անհրաժեշտությունը կա, թե ոչ։
Ու դեպի բուհեր ինքնանպատակ մեծ հոսքի հետեւանք են համարում բարձրագույն կրթությամբ տաքսու վարորդներ, բանվորներ, վաճառողուհիներ ունենալու հանգամանքը։ Բայց հենց դիմորդների թվի նվազում է նկատվում, անմիջապես բուհերի ձայնն է լսելի դառնում՝ դիմորդներ չկան, տեղերը թափուր են…
Ասվածի վերաբերյալ փորձագետը կարծում է. «Օբյեկտիվ դատելու դեպքում, իսկապես, բուհեր պետք է շատ մարդ դիմի»։ Տեսակետը, թե բոլորովին պարտադիր չէ, որ դիմեն բուհ՝ սխալ է համարում։ Նա ընդգծում է, որ սա 21—րդ դարն է, եւ մարդիկ պետք է բարձր կարգի հմտություններ ունենան։
Միաժամանակ նշում է, որ դա ամենեւին չի նշանակում, թե արհեստները կարեւոր չեն, բայց մեր երկրում գոնե 50—60 տոկոսը պետք է բուհերում սովորի։
Ս. Խաչատրյանի խոսքերով, աշխարհում երկրներ կան, որտեղ թիվն ավելի մեծ է. «Խնդիրն այն է, որ բուհական կրթությունը պետք է արդյունավետ լինի եւ օգուտ տա։ Սխալ է տեսակետը, թե ինչիս է պետք բուհը։ Ոչ, պետք է։ Ուրիշ խնդիր է, որ որակը լավը չէ, սովորելու միջավայր չկա»։ Դրանք արդեն այլ հարցեր է համարում։

27-07-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO