Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.09.2019
ՄԱՐԶԵՐ


Հայկական խոհանոցի չիրացված ներուժը

Ուտելի բույսերը կներկայացվեն բազմատեսակ ու յուրովի

Լուսինե ՆԱԶԱՐՅԱՆ
l.nazaryan@hhpress.am


Հայկական լեռնաշխարհում աճող խոտաբույսերն ունեն վաղեմի ծագում։ Հին ժամանակներում նրանցից շատերը բուժական նպատակով էին կիրառվում, տարատեսակ հիվանդություններ բուժում, վերքեր դարմանում, նույնիսկ կիրառվում ծերացման դեմ։ Ըստ մեր ունեցած աղբյուրների՝ Հայաստանի տարածքում աճում է ավելի քան 300 անուն ուտելի բույս, որոնցից, սակայն, մի քանիսն են առօրյա սննդում կամ բուժական այլ նպատակներով օգտագործվում։
Եթե մարդու օրգանիզմը ձմռանն ավելի շատ էներգիայի կարիք ունի, ապա գարնանը եւ ամռանը բնակլիմայական պայմանների շնորհիվ կենսաբանորեն ձգտում է բուսական սննդի։ Սակայն ավանդական խոհանոցում ուտելի բույսերի սահմանափակում կա, մինչդեռ երկրի կլիմայական պայմանների ու աշխարհագրական դիրքի շնորհիվ զանազան բուսատեսակներ են աճում, որոնց մասին հանրությունը թերեւս քիչ է իրազեկված։
Ինչպես նշել էր «Հայ խոհարարական ավանդույթների զարգացման եւ պահպանման» հ/կ նախագահ Սեդրակ Մամուլյանը, մենք՝ հայերս, ծնված օրից փնտրում ենք դրախտը, բայց դրախտում ենք ապրում, քանի որ տարվա չորս եղանակներն իրենց բնականոն առանձնահատկություններով գործում են Հայաստանում։ Ըստ նրա՝ խոհանոցում ազգային հարյուրքսան բաղադրության կերակուրներից ութսուն եւ ավելի տեսակները վայրի ուտելի բույսերից են։
«Ուտելի բույսերը հայկական խոհանոցում» խորագիրը կրող փառատոնը, որը կմեկնարկի օգոստոսի 17—ին Լոռու մարզի Դսեղ գյուղում, նպատակ ունի ներկայացնել այն բուսատեսակները, որոնցով հարուստ է Լոռու մարզը։
Առաջին անգամ նման խորագրով կազմակերպվող փառատոնը, ըստ ծրագիրն իրականացնողների, կդառնա շարունակական, կարեւորը միջոցառման գաղափարն ընդգծելն է, կարեւորությունը տեղ հասցնելը։
Այն կազմակերպվում է «Համայնքահենք էկոտուրիզմը որպես կայուն ապրուստի միջոց Թումանյանի տարածաշրջանում» ծրագրի շրջանակներում, «ՀԿ Կենտրոն» քաղաքացիական հասարակության զարգացման ՀԿ—ի կողմից Հայաստանում ՄԱԶԾ—ի կողմից իրականացվող Գլոբալ էկոլոգիական հիմնադրամի (ԳԷՀ) Փոքր դրամաշնորհների ծրագրի (ՓԴԾ) ֆինասավորմամբ, գործընկերներն են Լոռու մարզպետարանն ու Դսեղի համայնքապետարանը։
Համայնքահենք էկոտուրիզմի ծրագրի ղեկավար Սյուզան Հովսեփյանը «ՀՀ»–ի հետ զրույցում տեղեկացրեց՝ փառատոնի նպատակը հայկական ավանդական խոհանոցի գաղտնիքները ճանաչելի դարձնելն է ու Լոռու մարզում տուրիզմի զարգացմանը նպաստելը։ Փառատոնի ընթացքում տեղադրված 40—ից ավելի տաղավարներում հայկական խոհանոցի առանձնահատկությունները կներկայացնեն Լոռու մարզի գյուղական համայնքների բնակիչները։
Լոռեցիներն իրենց ձեռքով հավաքված, մշակված եւ պատրաստված բուսական ուտելիքները կհյուրասիրեն հյուրերին, հենց տեղում կպատրաստեն համեղ կերակրատեսակներ։ Առանձին տաղավարներում կներկայանան նաեւ ՀՀ–ում գործունեություն ծավալող սոցիալական ձեռնարկությունները եւ զարգացման կազմակերպությունները։
Փառատոնը հիմնված է էկո մոտեցման եւ էկո մտածողության տարածման գաղափարի վրա, այդ է պատճառը, որ ողջ ընթացքում տարածքում տեղակայված կլինեն աղբի տեսակավորման աղբամաններ։
«Նպատակ ունենք էկոտուրիզմի զարգացման միջոցով ակտիվացնել համայնքների տնտեսական կյանքը, ներգրավել զբոսաշրջիկների, օգտագործել առկա ներուժը։ Այս պահին մի քանի գյուղ ենք թիրախավորել՝ Դսեղը, Դեբեդը, Վահագնին, Ձորագյուղը եւ այլն։ Տարբեր գործընթացներով փորձում ենք զարգացնել էկոտուրիզմը, որոնցից մեկն էլ այս փառատոնի կազմակերպումն է, որպեսզի շատերը այցելեն համայնք, օգտվեն Լոռու հարուստ բնաշխարհի հետաքրքիր ուտելի բույսերից պատրաստված կերակրատեսակներից։
Երբ հյուրեր ենք ընդունում, այցելուները հիմնականում օգտվում են ոչ ավանդական խոհանոցից, փոխարենը՝ միայն սփյուռքահայերին է հետաքրքրում հայկական ազգային խոհանոցը, եւ մենք այս վայրին բնորոշ ուտելի բույսերից պատրաստված կերակուր ենք մատուցում նրանց»,–ասաց ծրագրի ղեկավարը՝ հավելելով, որ շատ համեղ են այդ բույսերից պատրաստված կերակուրները եւ մշտապես շոյում են ճաշակողների քիմքը։ Ակնկալում են, որ շատ այցելուներ կլինեն, նույնիսկ Երեւանից անվճար փոխադրամիջոց են ուզում ներառել, որպեսզի ցանկացողները Դսեղ հասնելու խնդիր չունենան, այցելեն ու ծանոթանան Լոռու մարզում աճող բացառիկ ու համեղ բուսատեսակներից պատրաստված կերակուրներին, իսկ հետո դրանք կիրառեն արդեն իրենց խոհանոցում։ Կարողանան տեսնել ու գնահատել այս տարածաշրջանի տուրիստական ներուժը եւ կարողանան տնտեսական հնարավորությունները ճիշտ պատկերացնել։
Փառատոնն ուշագրավ է նրանով, որ կերակուրները պատրաստելու են բոլոր ցանկացողները եւ իրացնելու են իրենց գիտելիքներն ու ներուժը վարպետաց դասերի տեսքով։
Դսեղի մշակույթի տան աշխատակից Սյուզաննա Խառատյանի տեղեկացմամբ, փառատոնն ունենալու է նաեւ մշակութային բաղադրիչ, այն կուղեկցվի երաժշտական, պարային կատարումներով, ինչն ավելի ուրախ ու տպավորիչ կդարձնի միջոցառումը։ Նա հույս հայտնեց, որ փառատոնը կդառնա ավանդական, քանի որ հետաքրքրությունն է մեծ, սեզոնն էլ բարենսպաստ է, ուստի կարող էզբոսաշրջության զարգացման խթան լինել, նպաստել էկո եւ գյուղական տուրիզմի զարգացմանը համայնքում։

30-07-2019





14-09-2019
Սուրբ Խաչն ուրախության տոն է
Իսկ ննջեցյալների գերեզմաններին այցելում են հաջորդ օրը

Թամարա ՄՈՒՐԱԴՅԱՆ
t.muradyan@hhpress.am




14-09-2019
Պետությունը կաջակցի ջերմատնային տնտեսություն կառուցողներին
Ծրագիրը քննարկման փուլում է

Արմենուհի ՄԵԼՔՈՆՅԱՆ
a.melqonyan@hhpress.am


Էկոնոմիկայի նախարարությունը մի ...


14-09-2019
«Պապական խոսքի» վարքակարգավորիչ ներուժը
Հայոց առածանին, որպես անձի, խմբի եւ հանրության վարվելակերպի նմուշների ...


 
14-09-2019
Միայն գիտակցելով անցյալը
Մենք կարող ենք երաշխավորել ազատության ապագան

Դրանով հանդերձ ...


14-09-2019
Ձգտումները ժողովրդավարական են...
Վաղը ժողովրդավարության համաշխարհային օրն է

Լիանա ՍԱՐԳՍՅԱՆ
l.sargsyan@hhpress.am


2007թ. աշնանը ...


14-09-2019
Եղել է դեպք, երբ փաստաբանը վարակվել է բանտարկյալից
Կստեղծվեն հատուկ պայմաններ բանտարկյալներին այցելողների համար

Լիանա ՍԱՐԳՍՅԱՆ
l.sargsyan@hhpress.am


Ազգային ...


14-09-2019
Պետությունը կաջակցի ջերմատնային տնտեսություն կառուցողներին
Ծրագիրը քննարկման փուլում է

Արմենուհի ՄԵԼՔՈՆՅԱՆ
a.melqonyan@hhpress.am


Էկոնոմիկայի նախարարությունը մի ...



14-09-2019
Թումանյանն ու Կոմիտասը «պաշտում» էին միմյանց
Նրանք հանդիպել են կյանքի տարբեր ...

14-09-2019
Մշակութային, գիտակրթական կենտրոն դառնալու հայտ
Արցախում անցկացվել է հայագիտական ...

14-09-2019
Շահագրգիռ քննարկումներ՝ օրենսդրական փոփոխությունների շուրջ
Նախարարը հանդիպել է քաղաքացիական ...

14-09-2019
Մարմնամարզիկները պատրաստ են արդարացնելու սպասելիքները
Սպորտային մարմնամարզության աշխարհի առաջնության ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO