Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ԼՂՀ


Արցախը բոլոր հյուրերին կընդունի գրկաբաց

Ստեփանակերտը համահայկական ամառային խաղերի մեկնարկից առաջ

Դավիթ ՄԻՔԱՅԵԼՅԱՆ
d.miqayelyan@hhpress.am


Տոնականորեն զարդարված Արցախի մայրաքաղաքը, որ այսօր «հեղեղված» է ամենատարբեր գովազդներով, նկարներով եւ պաստառներով, Համահայկական 7—րդ ամառային խաղերի մեկնարկից առաջ ավելի գեղեցիկ, ներդաշնակ ու բարեկարգ է ու աշխարհի տարբեր ծայրերից ժամանած միջոցառման մասնակիցներին կհյուրընկալի գրկաբաց։ Այդ մասին վստահեցնում են ինչպես Ստեփանակերտի քաղաքային իշխանությունները այնպես էլ խաղերի կազմակերպման կառավարական հանձնաժողովի անդամները, որոնք նախագահ Բակո Սահակյանի գլխավորությամբ նախապատրաստական աշխատանքների ընթացքը քննարկել են ընդլայնված խորհրդակցությունում։
Ամառային խաղերի հանդիսավոր բացման արարողության գլխավոր ռեժիսոր Ռուբեն Հովհաննիսյանի հավաստմամբ, մինչեւ օգոստոսի 5—ը Ս. Շահումյանի անվան հանրապետական մարզադաշտում կշարունակվեն գեղարվեստական, տոնական ծրագրի միասնական, ապա՝ գլխավոր փորձերը (բեմականացման պատասխանատուն է Հրաչ Քեշիշյանը)։ Չբացելով որոշ փակագծեր, Ռ. Հովհաննիսյանը տեղեկացրեց, թե ծրագրված ներկայացումը բաղկացած է 5 հատվածներից, որոնցից առաջինը վերաբերում է Հայոց պատմությանը՝ հեթանոսության շրջանից մինչեւ քրիստոնեություն, մեսրոպատառ այբուբենի ընդունումը։ Առանձին դրվագներով կներկայացվի եւ Արցախը։ Հատկանշական է, որ ներկայացմանն անդրադարձ կլինի Վաչագան Բարեպաշտ թագավորի ժամանակաշրջանին եւ Մ. Մաշտոցի կողմից Ամարասում առաջին կրթօջախի բացմանը։ Ուշագրավ տեսարանների ցուցադրում է նախատեսվում եւ Արեւմտյան Հայաստանից՝ եռաչափ պատկերներով։ Ըստ գլխավոր ռեժիսորի՝ «լուսավոր հզոր էֆեկտներով հագեցած թատերականացված ներկայացումը կեզրափակվի արցախյան պատերազմի ավարտի եւ հայ ազատամարտիկների համոզիչ հաղթանակի տեսարանով։ Օրվա սպասված անակնկալներից կլինի եւ մարզադաշտում նախատեսված տոնական հրավառությունը, որը, «անվտանգության ապահովման նկատառումներից ելնելով, նախապես կփորձարկվի»։
Տոնական ծրագրի անբաժան մաս կկազմեն եւ մարզամշակութային տարաբնույթ միջոցառումները։ Հյուրերի համար զբոսաշրջային երթուղիներ են նախատեսվում դեպի Գանձասար, Դադիվանք եւ Ամարաս, Շուշի, Հունոտի կիրճ, Տողի Մելիքական ապարանք, Տիգրանակերտ եւ այլուր։ «Արդեն պատրաստ են զբոսաշրջային եռալեզու բուկլետները, որոնցով դյուրին կլինի առաջնորդվելը,–ասում է մշակույթի, երիտասարդության հարցերի եւ սպորտի նախարար Լեռնիկ Հովհաննիսյանը։–Հյուրերին ճիշտ ուղղորդելու նպատակով 20 էքսկուրսավարներ հատուկ դասընթացներ են անցել ու վերապատրաստվել»։
Նորոգվել, կահավորվել ու վերջնական տեսքի են բերվել ֆուտբոլային դաշտերը՝ ինչպես Ստեփանակերտում, այնպես էլ Ասկերան, Մարտունի եւ Մարտակերտ քաղաքներում՝ անհրաժեշտ բոլոր ենթակառուցվածքներով, բարվոք վիճակում են գտնվում նաեւ ամառային խաղերի համար նախատեսված մյուս մարզադաշտերն ու հրապարակները։ Կազմակերպիչների կողմից ներկայումս աշխատանքներ են տարվում հանրապետությունում առկա հյուրանոցների, հյուրատների եւ ճամբարների տեղակայման ուղղությամբ։ Այդ նպատակով հիմնանորոգվել են երեք տասնյակից ավելի հյուրանոցներ եւ սննդի ապահովման կետեր։ Հյուրերի ընդունելությունը, հյուրասիրությունը կկազմակերպի քաղաքային օդանավակայանի տարածքում, ուր ստեղծված են անհրաժեշտ բոլոր պայմանները։ Նրանց տեղաբաշխման խնդրով կզբաղվեն կամավորների եւ մենեջերների հատուկ խմբերը։ Միջոցառման հետ կապված՝ փրկարարական խմբեր կգործեն Ստեփանակերտում, շրջկենտրոններում եւ զբոսավայրերում։ Առողջապահության բոլոր հիմնարկները կաշխատեն ուժեղացված ռեժիմով։
Համահայկական խաղերի համաշխարհային կոմիտեի նախագահ Իշխան Զաքարյանի խոսքով՝ միջոցառման հանդիսավոր բացման արարողությունը կմեկնարկի մարզիկների շքերթով։ Նա ընդգծեց, թե խաղերին մասնակցելու համար մարզիկների կողմից 5344 հայտ է ներկայացվել, իսկ թե կոնկրետ որ երկրներից են հյուրեր ժամանելու, նա չմանրամասնեց։ Ուշագրավ է, որ խաղերի ժամանակ տարբեր մարզաձեւերից, ընդհանուր առմամբ, 352 մրցանակներ են խաղարկվելու։
Հավելենք, որ մարզիկների շքերթին կհաջորդի տոնական մեծ համերգը, որի ժամանակ հանդես կգան Հայաստանի աստղերը, սփյուռքից՝ ճանաչված երգիչներ ու երաժիշտներ, Արցախի լավագույն կատարողները։ Ծրագրված բոլոր միջոցառումները կհեռարձակվեն ուղիղ եթերով։ Համահայկական խաղերը կցուցադրվեն նաեւ Ղարսի, Վանի ու Դիարբեքիրի հեռուստատեսությամբ։
Ստեփանակերտ

30-07-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO