Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

12.08.2020
ԶԱՆԱԶԱՆ


Դրական արդյունքի սպասումով

Հայաստանի եւ Իտալիայի ազգային հավաքականների գլխավոր մարզիչները դիտարժան եւ անզիջում պայքար են ակնկալում այսօր Երեւանում կայանալիք «Եվրո-2020»-ի ընտրական խաղում։ Ընդ որում՝ երկու թիմերն էլ մտադիր են զարգացնել նախորդիվ գրանցած հաջողությունը եւ դրական արդյունքով ավարտել մրցավեճը։ Այդ մասին Արմեն Գյուլբուդաղյանցն ու Ռոբերտո Մանչինին հայտարարեցին նախախաղային ասուլիսում։
Հայ մասնագետը գտնում է, որ սեփական խաղին կենտրոնանալու եւ մրցակցի ուժեղ կողմերը չեզոքացնելու պարագայում մեր ընտրանին ունակ է հասնելու նպաստավոր արդյունքի։ Նրա խոսքերով, այդպիսին կհամարվի նաեւ ոչ—ոքին։ «Բոլոր թիմերը, այդ թվում եւ Իտալիան, ունեն ուժեղ ու թույլ կողմեր։ Այդ առումով բավականին լավ ենք ուսումնասիրել առաջիկա մրցակցին, որը, պետք է ընդունել, հզոր թիմ է։ Այո, Կիելինին եւ Ինսինյեն վնասվածքներ ունեն, սակայն իտալացիներն առանց նրանց էլ հաղթել են նախորդ չորս խաղերում։ Պետք է նշեմ, որ Իտալիայի հավաքականում սերնդափոխություն է սկսվել, որը, սակայն, համատարած չէ։ Նախորդ հանդիպումների համեմատ բացակայում է ընդամենը 3 ֆուտբոլիստ։ Մեր հավաքականում նույնպես ընթանում է այդ գործընթացը. մինչեւ 21 տարեկանների թիմից 6—7 խաղացող է ներգրավվել ազգային ընտրանիում»,–նշեց մարզիչը։
Նա տեղեկացրեց նաեւ, որ տակավին չի որոշվել, թե հավաքին հրավիրված դարպասապահներից ովքեր կընդգրկվեն հանդիպման վերջնական հայտում։ Ինչ վերաբերում է բացականերին, ապա, բանախոսի խոսքերով, յուրաքանչյուրի դեպքում պատճառները տարբեր են։ «Արտյոմ Սիմոնյանի դիրքում ունենք Հենրիկ Մխիթարյան, Պետրոս Ավետիսյան եւ Էրիկ Վարդանյան։ Իսկ Գոռ Մալաքյանը հավաքականի լիարժեք խաղացող դառնալու համար պետք է կարողանա զսպել հույզերը։ Իսկ Նորբերտո—Բրիասկո Բալեկյանին տեսնում էինք կենտրոնական հարձակվողի դիրքում, սակայն նրա մոտ դա այնքան էլ լավ չստացվեց, քանզի իր ակումբում հիմնականում հանդես է գալիս եզրում։ Ցավոք, վնասվածքից դեռ չի վերականգնվել Մարկոսը, որը շատ կարեւոր խաղացող է մեզ համար»,– մանրամասնեց մարզիչը։
Նա հավելեց նաեւ, որ տեղեկություն չունի Յուրա Մովսիսյանից, բայց գիտի, որ նա նոր ակումբ է փնտրում։ Իսկ Սարգիս Ադամյանը շատ լավ մարզավիճակում է, բայց վնասվածքի պատճառով չի հասցրել նորամուտը նշել գերմանական «Հոֆենհայմի» հիմնական կազմում։ Ըստ մարզչի, նա դեռ հնարավորություն կունենա իրեն դրսեւորելու հավաքականում։
Գյուլբուդաղյանցի իտալացի գործընկեր Ռոբերտո Մանչինին նշեց, որ իրենց գերնպատակն է մնում ելույթներն ավարտել ենթախմբի առաջին տեղում։ «Երբեք չենք թաքցրել դա, եւ այդ առումով ոչինչ չի փոխվել։ Անգամ ունենալով կադրային խնդիրներ՝ մտադիր ենք առաջիկա երկու հանդիպումներում վերջնականապես ձեւակերպել Եվրոպայի առաջնության եզրափակիչ փուլի ուղեգիրը։ Իսկ Հայաստանի հավաքականն ունի մեծ ներուժ, որը դրսեւորեց նախորդ երկու հանդիպումներում։ Ձեր մարզչին ժամանակ է պետք իր խաղային փիլիսոփայությունը ֆուտբոլիստներին փոխանցելու համար։ Հայաստանը հարձակման գծում ունի իրարից տարբերվող 4 խաղացողներ, եւ այդ հանգամանքը հաշվի ենք առել առաջիկա խաղին պատրաստվելիս։ Կարծում եմ, Հայաստանի հավաքականը հնարավորություններ ունի պայքարելու խմբում երկրորդ տեղը գրավելու համար, ինչն, անշուշտ, հեշտ չի լինելու»,– գտնում է Մանչինին։
Լրագրողների հետ հանդիպմանը ներկայացել էր նաեւ օրեր առաջ «Արսենալից» իտալական «Ռոմա» տեղափոխված Հենրիկ Մխիթարյանը։ Նա հուսով է, որ նոր ակումբում կարժանանա մարզչի ավելի մեծ վստահությանը եւ ավելի շատ խաղաժամանակ կստանա։ Խոսելով հավաքականի մասին՝ նա ասաց. «Իտալիայի ներկայիս հավաքականը նկատելիորեն այլ է, քան նախկինում։ Կփորձենք ամեն ինչ անել, որպեսզի վերահսկենք խաղը, լավ հանդես գանք եւ դրական արդյունքի հասնենք։ Կարելի է ասել, որ Իտալիան մեր խմբի ամենաուժեղ թիմն է։ Մնացած հավաքականները, այդ թվում եւ մերը, փորձելու են պայքարել երկրորդ տեղի համար։ Մեր խմբում նույնիսկ Լիխտենշտայնը կարող է միավորներ կորզել։ Վերջին շրջանում քիչ էի հանդես գալիս «Արսենալում», սակայն հիմա լիովին պատրաստ եմ, քանի որ մեծ ծանրաբեռնվածությամբ էի մարզվում»։

Հրայր ՆԱԶԱՐՅԱՆ

05-09-2019





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO