Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.09.2019
ՍՈՑԻՈՒՄ


Թվային այս դարում չթվայնացված մարդկանց անտեսել պետք չէ

Առաջարկ բնակչությանը առաջնային ծառայություններ մատուցողներին

Արմենուհի ՄԵԼՔՈՆՅԱՆ
a.melqonyan@hhpress.am


Քաղաքական թոհուբոհի մեջ լրագրողներս հաճախ մոռանում ենք այնպիսի խնդիրների մասին, որոնց բոլորս ենք առնչվում։ Դրանք ամենապարզ կենցաղային խնդիրներն են, որոնք ամեն օր չէ, որ կան, բայց հենց ծագում են՝ շատերս չգիտենք ում դիմել, ուր զանգահարել եւ ինչ քայլեր ձեռնարկել։
Խորհրդային տարիների «կարգախոսանման» անեկդոտ հիշեցի, որ դեռ դպրոցական տարիներին, երբ մորս հետ «ԺԵԿ» էի մտնում, պատերին հաճախ էի այդպիսի պաստառներ տեսնում։ Դրանցից մեկը մնացել է հիշողությանս մեջ. «Հերիք չէ, որ աստված չկա, հապա փորձեք նաեւ ջրամատակարարի գտնել ոչ աշխատանքային շաբաթ օրով»։ Չէինք գտնում երբեք, որովհետեւ ամեն օր շաբաթ օր էր։ Բնակիչների զայրույթին ի պատասխան էլ «ԺԵԿ»—ի աշխատակիցները կատակով նմանատիպ պաստառներն էին ցույց տալիս, մինչեւ չէին տեսնում գումարի ծայրը։ «ԺԵԿ»—երից պրծնելու լուծում, իհարկե, կար. տղամարդիկ դառնում էին իրենց տան էլեկտրիկը, սանտեխնիկը, ջրամատակարարը, կոյուղագործը, կահույքագործը...
Ինչեւէ։ Հիմա խորհրդային տարիներ չեն։ «ԺԵԿ»—երը փոխվեցին սկզբում ԲՇՏ—ների, հիմա համատիրություններ են, որոնց շարքում կան նույնիսկ լավ աշխատողներ, բայց «ԺԵԿ»—երի իշխանական գործառույթները չունեն։
Անկեղծ ասած՝ այս ամենի մասին չէի էլ մտածի, եթե խնդրի հանդիպած մի տարեց կնոջ հետ չխոսեի։ Նա կասկածել էր սպառած ջրի դիմաց հաշիվների ճշգրտությանը եւ չգիտեր՝ ում դիմել։ Բակում ինձ տեսնելիս նախ ճշտեց՝ ե՞ս եմ արդյոք «էն գրող աղջիկը», ապա խնդրեց իրեն օգնել։ Պարզվեց՝ ջրաչափի ցուցմունքը գրող տեսուչին ասել է իր կասկածների մասին, նա էլ թե՝ «ինձ չես հավատում թվերը գրելուց, վայբերով նկարի ուղարկի»։ Տարեց կինն էլ հարեւաններին բողոքել էր, թե տեսուչի խոսքերը չի հասկանում, նրանք էլ՝ ծուլանալով ականջ դնել տատիկի խնդրին, կարճ էին կապել, թե՝ «էն գրողին (ինձ էլի,—Ա.Մ.) տեսնես, ասա»։
Այո, կան այսպիսի օրինակներ։ Մենք չենք մտածում, որ կլինեն մարդիկ, ովքեր քաղաքային հեռախոս միայն ունեն՝ բջջայինի ու վայբերի մասին գաղափար անգամ չունենալով։ Չեն կարող այս կամ այն ընկերության ավտոմատ զանգերին լսելով հրահանգներին հետեւել ու պատասխաններ ստանալ, գրել այդ ընկերությունների էջերին ու պատասխանների սպասել կամ հետադարձ կապով բողոքներ ուղարկել։
Մենք չենք մտածում, բայց այդ ընկերությունները պարտավոր են մտածել, որովհետեւ նրանց բաժանորդները միայն ինտերնետ ու վայբեր ունեցողները չեն, այլ բոլոր նրանք, ովքեր իրենց ծառայության սպառողներն են։
Բացի այդ՝ երբ տատին սովորեցրի, որ քաղաքային հեռախոսից կարող է զանգել 1—85 հեռախոսային կենտրոն եւ ասել իր բողոքի մասին ու ստանալ պատասխանը, գիտե՞ք ինչ պարզվեց. տատին մինչեւ ավտոմատ հրահանգներին հետեւելով հասնում է օպերատորին, օպերատորը «զբաղված» է լինում։ Ինձ խնդրեց, թե՝ «բալա, մի կենդանի համար չկա՞ ասես, զանգենք, մարդավարի բացատրենք»։
Խոսքս միայն ջրամատակարարման ու ջրահեռացման ծառայությունների ոլորտի մասով չէ, այդպես է նաեւ 1—80—ի պարագայում (ՀԷՑ) եւն։ Գուցե բնակչությանը առաջնային ծառայություն մատուցող ընկերությունները մի բան մտածե՞ն։ Ամեն դեպքում հաշվի առնեն, որ թվային այս դարում կան նաեւ չթվայնացված մարդիկ, որոնց մասին մտածելն իրենց պարտականությունն է, քանզի այդ մարդիկ էլ իրենց բաժանորդներն են։

07-09-2019





17-09-2019
Մեդալներ եւ ուղեգրեր՝ աշխարհի առաջնությունում
Արթուր Ալեքսանյանը չկարողացավ մասնակցել եզրափակիչին, սակայն մեզ համար ...


17-09-2019
Շենգենյան գոտու մուտքի արտոնագրի ստացման գործընթացում փոփոխություն չի եղել
Փաստաթղթերի ուսումնասիրման ժամկետների երկարաձգումը զուտ տեխնիկական է

Լուսինե ՆԱԶԱՐՅԱՆ
l.nazaryan@hhpress.am




17-09-2019
ԱՌՁԵՌՆ ԱՌԱԾԱՆԻ
«Անունը կա, ամանում չկա»

Սա սովորաբար ասում ենք, ...


 
17-09-2019
Մուտք
Ինչպես խուսափել անհարմար իրավիճակներից

Մեր կյանքը լի է ...


17-09-2019
Թուրքիան վտանգ է ո՛չ միայն տարածաշրջանի համար
Արցախի խնդիրը՝ թուրք-ադրբեջանական ծրագրերում

Արմենուհի ՄԵԼՔՈՆՅԱՆ
a.melqonyan@hhpress.am


Ինչպես միշտ, այնպես ...


17-09-2019
«Հայաստանը կարող է ունենալ ժամանակակից պղնձաձուլարան»
Ասում է «Թեղուտ» ՓԲԸ գործադիր տնօրեն Կարեն Ղազարյանը

Լիանա ...


17-09-2019
Ի՞նչ պայմաններում են պահվում դատապարտյալները
Խաղամոլության «դեմն առնելու» լավագույն տարբերակն աշխատանքն է

Լիանա ՍԱՐԳՍՅԱՆ
l.sargsyan@hhpress.am





17-09-2019
Քանակի նվազում, որակի բարձրացում
Քայլեր են արվում վարչական դատարանների ...

17-09-2019
«Արցախը ժողովրդավարության զարգացման լավագույն օրինակն է Հարավային Կովկասում»
Միջազգային գիտաժողովն ամփոփեց ...

17-09-2019
Հուսիների հարձակումը մեծացրել է լարվածությունը Միջին Արեւելքում
Կրկին ամերիկյան եւ իրանական կողմերը ...

17-09-2019
Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը
Հայաստանի լրագրողների ֆուտբոլի ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO