Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ՏՆՏԵՍՈՒԹՅՈՒՆ


4800 ապրանքատեսակի գծով՝ զրո տոկոս մաքսատուրք

Հայաստանի եւ Սինգապուրի միջեւ առեւտրի եւ ներդրումների գործընթացն ազատականացվում է

Արմենուհի ՄԵԼՔՈՆՅԱՆ
a.melqonyan@hhpress.am


Կառավարության երեկվա նիստում էկոնոմիկայի նախարար Տիգրան Խաչատրյանի զեկուցած հարցերի շրջանակում, այսպես ասենք, սինգապուրյան փաթեթ էլ կար։ Գործադիրը հավանություն տվեց «Եվրասիական տնտեսական միության եւ նրա անդամ պետությունների՝ մի կողմից, եւ Սինգապուրի Հանրապետության՝ մյուս կողմից, միջեւ համապարփակ տնտեսական համագործակցության մասին» շրջանակային համաձայնագրի ստորագրման առաջարկությանը։ Հավանություն տվեց նաեւ «Եվրասիական տնտեսական միության եւ նրա անդամ պետությունների՝ մի կողմից, եւ Սինգապուրի Հանրապետության՝ մյուս կողմից, միջեւ ազատ առեւտրի մասին» համաձայնագրի ստորագրման առաջարկությանը, հավելած՝ «Հայաստանի Հանրապետության եւ Սինգապուրի Հանրապետության միջեւ ծառայությունների առեւտրի եւ ներդրումների մասին» համաձայնագրի ստորագրմանը։
Էկոնոմիկայի նախարարը մանրամասնեց, որ՝ նախ ԵԱՏՄ—ի եւ Սինգապուրի միջեւ առեւտրատնտեսական համագործակցության զարգացման մասին պայմանավորվածությունների միասնական փաթեթը մշակվել է Եվրասիական տնտեսական Բարձրագույն խորհրդի 2016թ. դեկտեմբերի 26—ի որոշման համաձայն։
Երկրորդ փաստաթղթով՝ համապարփակ տնտեսական համագործակցության մասին համաձայնագրով նախատեսվում է կողմերի փոխազդեցության բազմակողմ զարգացման պարտավորություն, որի նպատակն է ապրանքների եւ ծառայությունների առեւտրի խթանումը, կոոպերացիայի ընդլայնումը, ինչպես նաեւ կապիտալ ներդրումների, ընկերությունների հիմնադրման եւ գործունեության պաշտպանության ժամանակակից ստանդարտների ապահովումը։ Համաձայնագրով ամրագրվում է ապրանքների ազատ առեւտրի, ներդրումների եւ ծառայությունների մասով համաձայնագրերի կնքման կողմերի մտադրությունը՝ համաձայն վերջիններիս սահմանած կանոնների եւ իրավասությունների։
Նախարարը պարզաբանեց, որ Սինգապուրի հետ 7 բանակցային փուլ է անցկացվել։ Համաձայնագրի նպատակն է ստեղծել շահավետ միջավայր եւ պայմաններ փոխադարձ առեւտրային հարաբերությունների զարգացման եւ փոխադարձ հետաքրքրություն ներկայացնող բնագավառներում։ Այդպիսով կողմերի միջեւ տնտեսական համագործակցությունը կխթանվի, կվերանան առեւտրային եւ ներդրումային խոչընդոտները, կնվազեն բիզնեսի ծախսերը։ Վերջնահաշվարկում տնտեսական արդյունավետությունը կավելանա։
Ընդհանուր առմամբ, 12 հազար ապրանքատեսակի հետ կապված հարաբերություններ է նախատեսվում կարգավորել։ Դրանից 4800—ի մասով մաքսատուրքի զրո տոկոսի կիրառում կլինի համաձայնագիրը ուժի մեջ մտնելուց անմիջապես հետո։ Փաստորեն, համաձայնագրերով ՀՀ—ից արտահանումները դեպի Սինգապուր ամբողջությամբ են ազատվում մաքսատուրքից։ Մյուս ապրանքատեսակների մասով զրո տոկոս մաքսատուրքը ուժի մեջ կմտնի 3—10 տարի հետո։
Բանախոսը հավելեց նաեւ, որ «Հայաստանի Հանրապետության եւ Սինգապուրի Հանրապետության միջեւ ծառայությունների առեւտրի եւ ներդրումների մասին» համաձայնագրով ազատականացվում է ապրանքերի առեւտուրը։ Ըստ էության, Հայաստանի եւ Սինգապուրի միջեւ ծառայությունների, առեւտրի եւ ներդրումների գործընթացն ազատականացվում է։
Բանախոսը պարզաբանում է, որ ՀՀ կողմից նախկինում կնքված նմանատիպ համաձայնագրերի համեմատ այս անգամ տարբերություն կա։ Բանն այն է, որ համաձայնագիրը ներառում է նաեւ համապատասխան հավելվածներ, որոնք ընդգրկում են այն ոլորտները, որտեղ, համաձայն ՀՀ գործող օրենսդրության եւ ՀՀ կնքած միջազգային պայմանագրերի, որոշակի սահմանափակումներ կան օտարերկրացիների, այդ թվում՝ սինգապուրցիների համար։
Բացի այդ՝ նաեւ առանձին հավելված էլ կա, որտեղ խոսվում է հետագայում հնարավոր կիրառելի սահմանափակող միջոցների վերաբերյալ։

27-09-2019





05-06-2020
Սեւանա լիճն այս տարի եւս կկանաչի
Միայն համալիր միջոցառումները կփրկեն Սեւանի էկոհամակարգը

Սեւանի էկոհամակարգը ...


05-06-2020
Վարակը չպետք է ազգային սպառնալիք դառնա
Կմտցվեն մուտքի եւ ելքի լրացուցիչ սահմանափակումներ

Պաշտոնական տվյալների ...


05-06-2020
Հայաստանում հաստատվել է COVID-19-ի 596 նոր դեպք․ ապաքինվել է 45, մահացել 7 քաղաքացի
Հայաստանում հունիսի 5-ին, ժամը 11:00-ի դրությամբ հաստատվել է կորոնավիրուսային ...


05-06-2020
Սուտ
Միգուցե, յուրաքանչյուրը կմտածի այս մասին եւ իր համար ...


05-06-2020
345 հանրային ծառայողներ նորակառույց բնակարաններ կունենան
Գործադիրը հաստատեց այդ բնակարանների վաճառքի կարգը

Բնակարանային շինարարությունը ...


05-06-2020
Սուսերամարտ՝ բացասական եւ դրական հույզերի միջեւ
Մշակութային թերապիա եւ առողջություն

Կյանքը բոլոր ժամանակներում եղել ...


05-06-2020
Ճամփաբաժան
Կենսոլորտը պետք է պաշտպանվի, եւ նրա պաշտպանվելու հետեւանքները ...



05-06-2020
Խաչիկ Դաշտենցի կենսագրական ոչ հայտնի մանրամասները
Նորերս լույս տեսած «Կորուսյալ երկրի ...

05-06-2020
Երես առած երեխայի լուրջ քմահաճույքը
Թատրոնը նրա համար զուտ թամաշա չդարձավ, ...

05-06-2020
Հետահայաց վերլուծության փորձ
Թե ինչպես Կիեւում մայդանը դարձավ ...

05-06-2020
Սխալ հաշվարկի հետեւանքը
Արագ շախմատի Եվրոպայի անդրանիկ առցանց առաջնության ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO