Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ՏՆՏԵՍՈՒԹՅՈՒՆ


3 ընկերության արտոնություն տրվեց՝ ներդրումների ու աշխատատեղերի ակնկալիքով

Իսկ մեր գործարարները թող մի քիչ մտածեն

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը երեկվա նիստում ներդրումային նոր նախագծեր իրականացնելու համար արտոնություններ տվեց երեք ընկերությունների՝ «Էլ Էյ սոլարին», «Գլորիա» կարի ֆաբրիկային, «ՄՈԵՖՖ գրուպին»։ Ինչ կարգի արտոնություններ են դրանք եւ ինչ է ակնկալվում. էկոնոմիկայի նախարար Տիգրան Խաչատրյանը ներկայացրեց մանրամասները։

«Էլ Էյ սոլարի» մասով

Ֆոտովոլտային պանելներ արտադրելու համար «Էլ Էյ սոլար» ընկերությանը «Ալյանս» ազատ տնտեսական գոտու «ՌԱՕ Մարս» ՓԲԸ—ի տարածքում շահագործողի թույլտվություն է տրամադրվել։ Եվ այդ թույլտվությունը տրամադրվել է հետեւյալ պայմանով. «Էլ Էյ սոլարը» արտադրանքի ծավալի առնվազն 75 տոկոսը պետք է արտահանի։
Շահագործողի թույլտվության գործողության ժամկետը սահմանվել է 4 տարի, բայց ոչ ավելի, քան «Ալյանս» ազատ տնտեսական գոտու գործունեության ժամկետը։
Ծրագրի ընթացքում արտահանման տարեկան ծավալները նախատեսված է 137 հազար 500 դոլարից հասցնել 11 մլն 880 հազ. դոլարի։ Նախատեսված է արտադրված արեւային պանելների առնվազն 75 տոկոսն արտահանել ԱՄՆ, իսկ մնացածը՝ վաճառել Հայաստանում, Վրաստանում, Ռուսաստանում եւ Իրանում։ Եթե խոսենք ներդրումների չափից, ապա 2.6 մլն դոլարի մասին է խոսքը։
Ինչ վերաբերում է աշխատատեղերին, ապա 15 նորը կստեղծվի՝ 300 հազ. դրամ միջին աշխատավարձով։
Ընկերությունն ունենալու է մոտ 1000 քմ արտադրական տարածք «Ալյանս» ազատ տնտեսական գոտում։ «Սիտրոնիկս Արմենիա» ՓԲԸ—ն համաձայն է տրամադրել վերոնշյալ տարածքն ընկերությանը 4 տարի ժամկետով եւ ապահովել համապատասխան ենթակառուցվածքով։
Ի դեպ, գործարար այս ծրագիրը գնահատվել է 69 միջին միավոր։ Հաշվի առնելով, որ անցողիկ շեմը սահմանված է 60 միավոր՝ գործադիրը նպատակահարմար գտավ թույլատրել «Էլ Էյ սոլարին» «Ալյանս» ազատ տնտեսական գոտում շահագործողի կարգավիճակով գործունեություն ծավալելը։

«Գլորիայի» մասով

Գործադիրը բավարարեց նաեւ «Գլորիա» կարի ֆաբրիկայի հայտը։ Ըստ այդմ, ընկերությունը կկարողանա օգտվել գերակա ոլորտում իրականացվող ներդրումային ծրագրի շրջանակներում ներմուծված (կամ ներմուծվող) տեխնոլոգիական սարքավորումների, դրանց բաղկացուցիչ ու համալրող մասերի, հումքի կամ նյութերի մաքսատուրքից ազատվելու արտոնությունից։
Ընկերությունը մանրամասն ներկայացրել է, թե ինչ է ներմուծելու եւ որտեղից։ Իսկ ներմուծելու է Չինաստանից, Թուրքիայից եւ Եվրոպայից։ Ու ներմուծելու է պոլիէթիլենից թաղանթներ, պարկեր, կարթաթելից պիտակի կախիչներ, կաշվե պիտակներ, ամրակներ, նույնիսկ լրագրային թուղթ (գլանափաթեթով կամ թերթերով), փաթեթավորման թղթեր, ստվարաթղթե արկղեր, 100 տոկոսանոց բամբակե կտոր, թել, սինթետիկ կտոր, մկրատներ, կեռիկներ, օղակներ (ցանկից որոշ բաներ նշեցի, որպեսզի մեր գործարարներին մտածելու տեղիք տամ. ասենք, այդ ինչ կեռիկներ եւ օղակներ են, որ մենք այստեղ չենք կարողանում արտադրել եւ դրսից ենք բերում,—Ա.Մ.)։
Ընկերությունն ասել է նաեւ, թե ներմուծվող բոլոր ապրանքներն օգտագործվելու են հագուստի արտադրության համար (Վանաձորում)։ Այդ ապրանքները չեն ներմուծվում ԵԱՏՄ անդամ երկրներից, քանի որ չեն բավարարում ընկերության տեխնիկական պահանջներին։
Ծրագրի շրջանակում 3 մլրդ դրամի ներդրում կարվի՝ նոր սարքավորումներ ձեռքբերելու եւ նոր մասնաճյուղեր վերանորոգելու համար։ Ներկայումս 1100 աշխատատեղ կա։ Նախատեսվում է ստեղծել 200—250 նոր աշխատատեղ՝ 120 հազ. դրամ միջին աշխատավարձով։
Այս ծրագրով նախատեսված արտադրանքի ընդհանուր ծավալը կկազմի 10 մլրդ դրամ, որից 500 մլն դրամի արտադրանքը կիրացվի մեր երկրում, 3.5 մլրդ դրամի արտադրանքը՝ ԵԱՏՄ այլ անդամ երկրների տարածքում, 6 մլրդ դրամինը՝ երրորդ երկրների տարածքում։ Իսկ արտոնություն ստանալու համար ներկայացված հումքի արժեքը կազմում է 8 մլրդ 325 մլն 143 հազ. դրամ։ Մաքսատուրքի ազատման արտոնությունը 752,7 մլն դրամ է։

«ՄՈԵՖՖ գրուպի» մասով

«Գլորիա» կարի ֆաբրիկայի օրինակով նույն արտոնությունից կօգտվի «ՄՈԵՖՖ գրուպը»։ Այս ընկերությունն էլ սարքավորումներ, մասեր, հումք է ներմուծելու Չինաստանից, Թայվանից, Հնդկաստանից, Բրազիլիայից։ Եվ ներմուծելու է գոֆրե կցամասեր լվացարանների համար, սանհանգուցի պարագաների համար կիսաֆաբրիկատներ չժանգոտվող պողպատից, ջրաղացաքարեր եւ սրաքարեր այլ շեղջաքարացված հղկանյութերից կամ խեցեղենից եւն։ Ներմուծվող ապրանքներն օգտագործվելու են սանտեխնիկայի արտադրության համար (զուգարանակոնքեր, լվացարաններ, աղբամաններ եւ այլն)՝ Արմավիրի մարզում։ Դրանք չեն ներմուծվում ԵԱՏՄ անդամ երկրներից, քանի որ չեն բավարարում ընկերության տեխնիկական պահանջներին։
Ծրագրի շրջանակում 14 մլրդ 491 մլն 272 հազ. դրամի ներդրում կարվի (հումքի ձեռքբերում)։ Հիմա 31 աշխատատեղ ունի ընկերությունը։ կստեղծվի 150 նորը՝ 265 հազ. դրամ միջին աշխատավարձով։
Արտադրանքի ընդհանուր ծավալը (այս ծրագրով նախատեսված) կկազմի 23 մլրդ 575 մլն դրամ, որից 2 մլրդ 105 մլն դրամի արտադրանքը կիրացվի Հայաստանում, 16 մլրդ 23 մլն դրամի արտադրանքը՝ ԵԱՏՄ այլ անդամ երկրների տարածքում, 2 մլրդ 920 մլն դրամինը՝ երրորդ երկրների տարածքում։ Մոտ 2.5 մլրդ դրամի արտադրանքը նախատեսվում է պահեստավորել։
Արտոնություն ստանալու համար ներկայացված ապրանքների արժեքը կազմում է 14 մլրդ 491 մլն 272 հազ. դրամ։ Մաքսատուրքի ազատման արտոնությունը 1 մլրդ 141 մլն 893 հազ. դրամ է։

27-09-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO