Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԶԱՆԱԶԱՆ


Սպորտը ԵԱՏՄ-ում. մրցումներից մինչեւ խնդիրներ

Վերջին տարիներին Եվրասիական տնտեսական միությունում, ի թիվս այլ բնագավառների, նկատվում է նաեւ մարզական համագործակցություն հաստատելու եւ զարգացնելու միտում։ Անգամ առանձին մարզաձեւերից անցկացվում են ԵԱՏՄ առաջնություններ եւ գավաթի խաղարկություններ, իսկ անդամ երկրների մարզական ֆեդերացիաների միջեւ ծավալվում է փոխգործակցություն։ Երբեմնի կապերը վերականգնելու փորձեր են ձեռնարկվում։ Մարզական հարցերը նույնիսկ քննարկվում եւ արտացոլվում են կազմակերպության համաժողովների եւ վեհաժողովների ամփոփիչ արձանագրություններում։ Այս հրապարակմամբ կանդրադառնանք դրանցից մեկին, որն առավել մեծ հասարակական հնչեղություն է ստացել։ Առավել եւս, որ մեր տեղեկություններով այն քննարկվելու է նաեւ այսօր Երեւանում անցկացվելիք ԵԱՏՄ բարձրագույն խորհրդի նիստում։ Խոսքը միությանն անդամակցող երկրներում կազմակերպության անդամ մյուս երկրների մարզիկների լեգեոների կարգավիճակի խնդրի մասին է։ Հայաստանում այն կապում են մեծամասամբ ֆուտբոլի հետ, բայց դա, իհարկե, մոլորություն է. հարցը վերաբերում է բոլոր մարզաձեւերին։
Խիստ ուշագրավ է նաեւ, որ խոսվում է գերազանցապես Ռուսաստանում այդ մարզիկների լեգեոներ լինելու մասին, մինչդեռ ԵԱՏՄ—ին անդամակցում են նաեւ Հայաստանը, Բելառուսը, Ղազախստանը եւ Ղրղզստանը։ Անցյալ տարվա դեկտեմբերին ԵԱՏՄ դատարանը նույնիսկ հատուկ եզրակացություն ներկայացրեց այդ առնչությամբ։ Դրանում նշված է, որ ԵԱՏՄ—ի մասին պայմանագրի 97—րդ հոդվածի 2—րդ կետի համաձայն միության անդամ երկրները միմյանց նկատմամբ չեն սահմանում եւ չեն կիրառում սահմանափակումներ, որոնք իրենց օրենսդրությամբ նախատեսված են աշխատանքի ազգային շուկան պաշտպանելու համար։ Դատարանը եզրակացրել է, որ աշխատանքային գործունեություն իրականացնող պրոֆեսիոնալ մարզիկների նկատմամբ պայմանագրի նշված պահանջը չիրականացնելը ԵԱՏՄ շրջանակներում աշխատանքային ռեսուրսների միասնական շուկայի ձեւավորման նպատակին հասնելու խոչընդոտ է։ Նշվում է նաեւ, որ անդամ պետությունները պարտավոր են կատարել այդ որոշումը, իսկ չհամաձայնելու դեպքում կարող են վիճարկել սահմանված կարգով։ Սակայն, Ռուսաստանի սպորտի նախարարությունն առաջարկեց ֆուտբոլում եւ հոկեյում լեգիոներ չհամարել բելառուսներին, բայց զուտ այն պատճառով, որ նրանք Ռուսաստանի եւ Բելառուսի միութենական պետության քաղաքացիներ են։
Խնդիրն առանձնակի արծարծվեց Հայաստանում՝ այն էլ միայն ֆուտբոլի առնչությամբ։ Մյուս մարզաձեւերի ներկայացուցիչները կարծես հետաքրքրված չեն դրանով։ Անշուշտ, սահմանափակման վերացումը որոշակի արտոնություն կտա ռուսական ակումբներում հաստատվելու ձգտող հայ ֆուտբոլիստներին եւ, միաժամանակ, կվերացնի այդ երկրի քաղաքացիներով մեր հավաքական թիմերը համալրելու խոչընդոտը։ Ենթադրվում է, որ հատկապես ռուսաստանցի հայ ֆուտբոլիստներն այլեւս մտավախություն չեն ունենա, որ Հայաստանի ընտրանիներում ընդգրկվելով՝ ինքնաբերաբար կվերածվեն լեգիոների եւ կբախվեն ռուսական ակումբներում մասնագիտական գործունեություն ծավալելու սահմանափակումներին։ Իրականում, այդ խնդիրն այնքան էլ միանշանակ չէ։ Նախ, դժվար է պնդել, որ կարգավիճակի վերացման դեպքում ռուսական ֆուտբոլային ակումբները գրկաբաց կընդունեն հայ խաղացողներին։ Եթե նույնիսկ այդպես լինի, ապա ոչ ոք չի կարող երաշխավորել, որ դա չի վտանգի Հայաստանի առաջնության մակարդակը եւ, նույնիսկ, անցկացումը, քանզի կարող է սկսվել ֆուտբոլիստների զանգվածային արտահոսք։ Նաեւ փաստ չէ, որ այդ դեպքում Ռուսաստանի հայերն աներկբա կհամաձայնեն միանալ Հայաստանի հավաքականներին։ Ի դեպ, այնքան էլ պարզ չէ, թե ինչու մերոնք նույն տարբերակները չեն քննարկում նաեւ ԵԱՏՄ մյուս երկրների վերաբերյալ։ Իսկ լավ, որակյալ խաղացողները ցանկացած դեպքում պահանջված կլինեն ոչ միայն Ռուսաստանում, այլեւ ցանկացած այլ երկրում։ Վառ օրինակ է Հենրիխ Մխիթարյանը, որը, չլինելով ԵՄ անդամ պետության քաղաքացի, ամրապնդվել եւ դրսեւորել է իրեն գերմանական, անգլիական, հիմա էլ՝ իտալական ֆուտբոլում։ Այնպես որ, կարգավիճակը էական գործոն եւ խոչընդոտ չէ, եթե աշխատողը կամ մարզիկն ունեն համապատասխան որակավորում։
Թեմայի ավարտին նշենք, որ հաջորդ տարվա օգոստոսի 20-27-ը Կազանում նախատեսվում է անցկացնել ԱՊՀ առաջին մարզական խաղերը, որի ծրագրում լինելու է 18 մարզաձեւ։

Հրայր ՆԱԶԱՐՅԱՆ

01-10-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO