Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ՏՆՏԵՍՈՒԹՅՈՒՆ


Իսկ «Գումի» շուկայում՝ ինչպես «Գումի» շուկայում

Ամեն աշխատակցի սանգրքույկի առկայությունը պարտադիր է

Արմենուհի ՄԵԼՔՈՆՅԱՆ
a.melqonyan@hhpress.am

Մենք պարբերաբար անդրադառնում ենք կառավարությանը ենթակա սննդամթերքի անվտանգության տեսչական մարմնի՝ թարմ մսի վաճառքի կետերում ստուգումներին՝ ներկայացնելով, թե ամբողջ երկրի տարածքում որտեղ ինչ խախտումներ են արձանագրվել։ Ու կարծես մոռացել էինք Երեւանի հայտնի ԳՈՒՄ—ի շուկայի հարակից տարածքի մասին, որտեղ, սպառողը հաստատ կհիշի, որ տարբեր տարիների է՛լ ձիու միս (տավարի մսի անվան տակ), է՛լ անպիտան միս է հայտնաբերվել։ Ինչ վիճակ է հիմա։
Պարզվում է՝ ՍԱՏՄ—ն, մարզերի մսի շուկաների նկատմամբ իրականացվող վերահսկողությանը զուգահեռ, Երեւանի Խորենացի փողոցում գործող մսի իրացման տաղավարներում էլ է անասնահամաճարակային մշտադիտարկում սկսել։ ՍԱՏՄ—ն տնտեսավարողներին հորդորել է պահպանել մսի եւ ենթամթերքի շուկայահանմանը ներկայացվող անասնաբուժասանիտարական անվտանգության եւ հիգիենիկ բոլոր պահանջները ու գործուն քայլեր ձեռնարկել սպանդանոցային ծագման միս ձեռք բերելու համար։ ՍԱՏՄ ղեկավարն ասում է, որ եթե հարկ է, իրենք պատրաստ են տրամադրել անհրաժեշտ մասնագիտական խորհրդատվություն եւ տեղեկատվություն, որպեսզի տնտեսավարողը կարողանա սահմանված ժամկետներում կատարել անցումը սպանդանոցային մսի վաճառքի, ինչպես նաեւ ապահովել մեր բնակչությանը սառնարանային պայմաններում պահվող, անասնաբուժասանիտարական անհրաժեշտ փաստաթղթեր ունեցող, սանիտարահիգիենիկ բավարար պայմաններում վաճառվող մսով։
Ինչպես տեղեկացանք ՍԱՏՄ տեղեկատվության եւ հասարակայնության հետ կապերի բաժնի պետ Անուշ Հարությունյանից, սեպտեմբերի 16—ից տեսչական մարմնի մասնագետները վաղ առավոտյան, շուկաներում մսի մատակարարման ժամին, ստուգել են ստացվող մսեղիքն ուղեկցող անասնաբուժական փաստաթղթերը։ Այս օրերի ընթացքում եղել են դեպքեր, երբ սպասարկող անասնաբույժի տրամադրած փաստաթուղթը չի համապատասխանել առկա մսեղիքին։ Բոլոր այն դեպքերում, երբ միսը կասկածելի է համարվել, կատարվել է նմուշառում (67 նմուշ) եւ տրվել անասնաբուժասանիտարական փորձաքննության հենց Խորենացու փողոցում տեղակայված շարժական լաբորատորիայում։
Ի դեպ, արձանագրվել է 4 դեպք, երբ վերցված նմուշները պիտանի չեն եղել սննդի համար։ Խոշոր եղջերավոր անասունի միս է եղել, հին է եղել, եւ այդ խմբաքանակները ոչնչացվել են։ Արձանագրվել են նաեւ դեպքեր, երբ միսը տեղափոխվել է մսի տեղափոխման համար չնախատեսված, սանիտարահիգիենիկ պահանջներին չհամապատասխանող մարդատար ավտոմեքենաներով։ Այդ մսեղիքը նույնպես ենթարկվել է անասնաբուժասանիտարական լաբորատոր փորձաքննության։
ՍԱՏՄ—ն վստահեցնում է. մսի շուկայում պարբերական ստուգումները շարունակվելու են, եւ եւս մեկ անգամ տնտեսավարողներին հիշեցնում է. «Միսն ու ենթամթերքն անհրաժեշտ է ստանալ եւ դրանց իրացումն իրականացնել միայն անասնաբուժական ուղեկցող փաստաթղթերի առկայության դեպքում՝ հիգիենիկ պայմաններում։ Վաճառակետերը պետք է ապահովված լինեն բնական եւ արհեստական օդափոխանակությամբ, աշխատանքային պարագաների եւ սարքավորումների մաքրման ու ախտահանման անհրաժեշտ պայմաններով, համապատասխան չափիչ եւ ստուգիչ սարքերով, սառնարաններով։ Մսի հետ շփվող յուրաքանչյուր անձ պարտավոր է պահպանել անձնական հիգիենայի կանոններն ու կրել համապատասխան մաքուր արտահագուստ»։
ՍԱՏՄ—ն ընդգծում է նաեւ՝ յուրաքանչյուր աշխատակցի սանիտարական գրքույկի առկայությունը վաճառքի կետերում պարտադիր է։
Հիշեցնենք, որ ՀՀ օրենսդրությունն ամրագրում է սպանդանոցային մորթի նորմի պարտադիր պահանջը։ Եվ 2020թ. հունվարի 15—ից թարմ մսի սպանդանոցային ծագումը պարտադիր է լինելու սննդի շղթայի բոլոր օպերատորների համար։

02-10-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO