Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԶԱՆԱԶԱՆ


Նախորդ անհաջողությունը մոռացնելու մղումով

Շախմատի Հայաստանի ազգային հավաքականները պատրաստվում են Եվրոպայի 22-րդ թիմային առաջնությանը

Շախմատի Հայաստանի կանանց եւ տղամարդկանց ազգային հավաքականները պատրաստվում են հոկտեմբերի 24—ից նոյեմբերի 2—ը Բաթումում անցկացվելիք Եվրոպայի 22—րդ թիմային առաջնությանը։ Հաջող մասնակցությունը սկզբունքային նշանակություն է ունենալու մեր ընտրանիների համար, որոնք դասվելով աշխարհի առաջատար թիմերի շարքին՝ համեստ տեղեր էին գրավել երկամյա վաղեմության եվրոպական նախորդ ստուգատեսում։
Մինչ Եվրոպայի թիմային առաջնություններին Հայաստանի հավաքականների մասնակցության վիճակագրությանն անդրադառնալը՝ տեղին է ներկայացնել, թե ամսվա վերջին տասնօրյակում ում խաղին ենք հետեւելու Վրաստանի գլխավոր ծովափնյա քաղաքում։ Գեղեցիկ սեռի ներկայացուցիչների պայքարին գլխավոր մարզիչ Զավեն Անդրեասյանի ղեկավարությամբ մասնակցելու են Էլինա Դանիելյանը, Սիրանուշ Ղուկասյանը, Լիլիթ Մկրտչյանը, Մարիա Գեւորգյանը եւ Աննա Սարգսյանը։ Իսկ տղամարդկանց թիմին գլխավոր մարզչի կարգավիճակով մրցակցության է առաջնորդելու Արշակ Պետրոսյանը, որը կազմն ընտրելու է հետեւյալ շախմատիստներից՝ Լեւոն Արոնյան, Գաբրիել Սարգսյան, Հրանտ Մելքումյան, Հայկ Մարտիրոսյան եւ Արման Փաշիկյան։ Այդպիսով, 2017—ի համեմատ հայրենի գրոսմայստերական հնգյակում կատարվել է երկու փոփոխություն՝ Սերգեյ Մովսիսյանի եւ Հովհաննես Գաբուզյանի փոխարեն ընդգրկվել են Մարտիրոսյանն ու Փաշիկյանը։ Նույն չափով փոխվել է նաեւ կանանց ընտրանին, որում Մարիա Կուրսովայի եւ Լիլիթ Գալոյանի բացակայությամբ հայտագրված են Ղուկասյանն ու Սարգսյանը։ Հատկանշական է, որ երկու տարի առաջ մեր թիմում լավագույն արդյունքը գրանցել էր Գալոյանը, որը 7 հնարավորից վաստակել էր 4,5 միավոր։ Տղամարդկանցից 9—ը պարտիաներում 6,5 նիշ էր ապահովել Գաբրիել Սարգսյանը։
Թե ինչպես այս փոփոխությունները կանդրադառնան հայկական հավաքականների մարտունակությանը՝ կիմանանք առաջնության ավարտին։ Առայժմ հիշեցնենք, որ նախանցած տարի մեր կանանց թիմը գրավել էր 9—րդ, իսկ տղամարդկանցը՝ 12—րդ տեղը։ Իսկ գալիք մրցաշարը սկսելու են համապատասխանաբար 5—րդ եւ 12—րդ նախամեկնարկային դիրքերից, որոնք համապատասխանում են նրանց ընթացիկ վարկանիշին։
Ի դեպ, եվրոպական ստուգատեսը դարձյալ անցկացվելու է շվեյցարական մրցակարգով՝ 9 տուրով։ Մասնակցելու է տղամարդկանց 40, կանանց՝ 31 հավաքական, որոնցում հայտավորված են 4—ական հիմնական եւ 1—ական պահեստային խաղացող։ Երկու մրցաշարերի հաղթողները պարգեւատրվելու են շախմատային չափանիշներով համեստ գումարով՝ 8 հազար եվրոյով։ Պարտիաների ընթացքում կողմերից յուրաքանչյուրին հատկացվելու է 90 րոպե 40 քայլի համար, այնուհետեւ 30 րոպե մինչեւ հանդիպման ավարտը, որին առաջինից սկսած յուրաքանչյուր քայլի համար ավելացվելու է 30 վայրկյան։ Հավասար միավորների դեպքում նախ հաշվի է առնվելու Զոնեբորն—Բերգերի գործակիցը, այնուհետեւ անհատական միավորների գումարը եւ մրցակից թիմերի միավորների գումարը։ Մրցակցային օրերն են հոկտեմբերի 24—28—ը եւ հոկտեմբերի 30—ից նոյեմբերի 2—ը։ Տուրերը սկսվելու են Երեւանի ժամանակով 15։00—ին։
Այսքանը սպասվող առաջնության մասին։ Իսկ ի՞նչ նվաճումներ են ունեցել Հայաստանի հավաքականները Եվրոպայի առաջնություններում։ Հպարտանալու առիթ, իհարկե, ունենք. 1999—ին Եվրոպայի չեմպիոն դարձավ մեր տղամարդկանց ընտրանին, որի մարզական պատիվն այն ժամանակ պաշտպանում էին Սմբատ Լպուտյանը, Արտաշես Մինասյանը, Աշոտ Անաստասյանը, Լեւոն Արոնյանը եւ ներկայիս գլխավոր մարզիչ Արշակ Պետրոսյանը։ Կարելի է ենթադրել, թե ինչպիսի հույզեր կունենա 65—ամյա գրոսմայստերը, եթե նաեւ մարզչի կարգավիճակում նվաճի եվրոպական բարձունքը։ Համանման հաջողության մեր կանանց հավաքականը՝ Էլինա Դանիելյան, Լիլիթ Մկրտչյան, Նելլի Աղինյան կազմով հասավ 2003 թվականին։ Այս թիմում էլ, ինչպես տեսնում եք, ունենք կրկնակի դափնեկրի երկու թեկնածու։ Դրանից չորս տարի անց հայուհիները դարձան բրոնզե մեդալակիր եւ դա նրանց մինչ օրս վերջին մրցանակն է։ Իսկ տղամարդիկ երկու անգամ պայքարն ավարտել են 2—րդ (2007, 2015), մեկ անգամ էլ՝ 3—րդ տեղում (1997)։
Հավելենք, որ ԽՍՀՄ հավաքականի կազմում 8 անգամ Եվրոպայի չեմպիոն է դարձել փառապանծ Տիգրան Պետրոսյանը, իսկ 3 անգամ՝ Ռաֆայել Վահանյանը։ Ընդ որում, 1980 եւ 1983 թվականներին նրանք միասին են նպաստել խորհրդային շախմատիստների հաղթանակին։
Հրայր ՆԱԶԱՐՅԱՆ

04-10-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO