Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.10.2019
ԱՅԼՔ...


Մերոնք վարկը բարձր են պահում

Եթե որոշում՝ ապա թվային

Մեր ՏՏ ընկերություններն արդեն բազմիցս են ապացուցել, որ ի վիճակի են առաջարկել շատ լուրջ ու խոստումնալից լուծումներ։ Դրա հերթական ապացույցը տեղի ունեցավ Բիշքեկում, ուր սեպտեմբերի 25—27—ը տեղի ունեցավ «Եվրասիական շաբաթ» 4—րդ միջազգային համաժողովը։ Հայաստանյան «SmartCheck» նախագիծը ճանաչվեց համաժողովի շրջանակներում անցկացված «Եվրասիական թվային հարթակներ 2019» նորարարական ծրագրերի միջազգային մրցույթի հաղթողը։
Երկրորդը դարձավ գյուղատնտեսական էլեկտրոնային քարտերի թողարկում նախատեսող «E—Agro—Map» (Ղրղըզստան) նախագիծը, իսկ երրորդ տեղը գրավեց ղազախստանյան մասնագետների նախաձեռնած «AgroStream» մշակումը, որը ներկայացնում է ագրոձեռնարկությունում ընթացող գործընթացների կառավարման լուծում։ Դրա հետ մեկտեղ, «Եվրասիական տնտեսական հանձնաժողովի համակրանք» անվանակարգում լավագույնն են ճանաչվել ռուսաստանյան «Սբերբանկի» ներկայացրած «Բիզնես—գործընկերների բանկ» օնլայն—հարթակը եւ ԵԱՏՄ երկրների համար ստեղծված «Օնլայն—առեւտրի ունիվերսալ վճարային ագրեգատորը», որը մշակել են Բելառուսում։

Օգտակար ու հասանելի

Այս անգամ մրցույթին մասնակցում էր ԵԱՏՄ—ին անդամակցող բոլոր պետություններից շուրջ 200 նորարարական ծրագիր, որոնք ժամանակակից թվային լուծումներ են առաջարկում արդյունաբերության, գյուղատնտեսության ու առեւտրի ոլորտներում։ Նախապես Ռուսաստանում, Բելառուսում, Հայաստանում, Ղազախստանում ու Ղրղզստանում անցկացվեցին կիսաեզրափակիչ փուլերը։ Արդյունքում մինչեւ եզրափակիչ հասավ 15 նախագիծ, այդ թվում 3—ը Հայաստանից՝ հիշատակված «SmartCheck»—ը, «Garoon Tech»—ը (ագրարային գործընթացների ավտոմատացման «խելացի համակարգերի» մշակում առաջարկող ծառայություն) եւ «Select Armenia»—ն (հայաստանյան արտահանողներին աջակցելու կոչված հարթակ)։
Բիշքեքում ամենամեծ հաջողության հասավ «SmartCheck»—ը։ Նշենք, որ այն նախատեսված է առեւտրի գործընթացները կատարելագործելու համար։ Այդ հարթակը հնարավորություն է տալիս ապրանքների իսկությունը ստուգել միկրոչիպերի միջոցով։ Առաջարկվում է «NFC» տեխնոլոգիաներն (Near field communication՝ մերձական անկոնտակտ կապ) ու տվյալների ապակենտրոնացված բազան միմյանց միացնող նորարարական գաղափար. սերվիսը ծրագրավորում է միկրոչիպերը եւ տեղեկատվությունն ուղարկում իր ապրանքը պաշտպանել ցանկացող ընկերությանը։ Չիպի տեղադրումը չափազանց պարզ է եւ գրեթե չի տարբերվում ակցիզային դրոշմանիշը փակցնելուց։ Չիպը սկանավորելով «SpartCheck» հավելվածի միջոցով, սպառողը կարող է պարզել, թե, արդյոք, իսկական ապրանքն է գնում։ Ինչպես նշում է մշակողը, չիպերի գինը համադրելի է հոլոգրամների հետ, որոնք ներկայումս կիրառվում են որպես պաշտպանության հիմնական միջոց։

Աշխատողին՝ պատիվ ու հարգանք

Ըստ Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանի, «Եվրասիական թվային հարթակներ» մրցույթը կոչված է խթանել հետաքրքրությունը ԵԱՏՄ—ի թվային օրակարգի հանդեպ։ «Մրցույթը երիտասարդ ձերնարկատերերին լավ հնարավորություն է ընձեռում՝ թվային լուծումները ներդնել միության ձեւավորվող էկոհամակարգերում՝ իրենց էներգիան միավորելով ԵԱՏՄ—ի թվային օրակարգը իրագործող մասնագետների ջանքերին,–ընդգծում է Տ. Սարգսյանը։–Մենք ներգրավում ենք երիտասարդներին, որպեսզի նրանք հանդես գան նախաձեռնություններով ու ներկայացնեն իրենց նախագծերը։ Իսկ մեր փորձագետները կընտրեն դրանից լավագույնները»։
Լավագույններին ԵԱՏՀ—ն խոստանում է հնարավորինս խրախուսել եւ առաջ տանել։ Մասնավորապես, նրանց դրամական պարգեւավճար հատկացնել. մրցույթի մրցանակային հիմնադրամը 1 մլն ՌԴ ռուբլի էր։ Բացի այդ, սեպտեմբերի 26—ին դափնեկիրները կարողացան իրենց մշակումները ներկայացնել «IT—Ինվեստշոու»—ի շրջանակներում։ Հետագայում այդ նախագծերը կառաջարկվեն այլ հնարավոր ներդրողներին, վենչուրային հիմնադրամներին, բիզնես—ակսելետարորներին (ստարտափերին աջակցող սոցիալական հաստատություններ), ինչպես նաեւ պետական կառույցներին։
–Մենք ձգտում ենք հասնել այսպես կոչված «չորս ազատությունների» ապահովմանը,–նշում է մրցույթի ժյուրիի նախագահ, ներքին շուկաների, ինֆորմատիզացիայի եւ տեղեկատվական—հաղորդակցային տեխնոլոգիաների հարցերով ԵԱՏՀ կոլեգիայի անդամ (նախարար) Կարինե Մինասյանը։–Այն է՝ ապրանքների, աշխատուժի, կապիտալի եւ ծառայությունների ազատ տեղաշարժ Եվրասիական տնտեսական միության տարածքում։ Նման միասնական շուկա հնարավոր է ձեւավորել միայն թվայնացման միջոցով։ Եվ մեր մրցույթը այդ նպատակին հասնելու քայլերից մեկն է։
Աշոտ ԳԱՐԵԳԻՆՅԱՆ

05-10-2019





23-10-2019
Հայաստանը զբոսաշրջային քարտեզի վրա
Ինչպիսի քայլեր են արվում մեր երկրի վարկանիշը բարձրացնելու ...


23-10-2019
Հովհաննես Թումանյանի «բարի ուժի» փիլիսոփայությունը
Լիակատար ներումը հնարավոր է դարձնում «սիրելը»

Մինչ հայոց ...


23-10-2019
Ներքաղաքական կյանքն ընթանում է բնականոն հունով
Խորհրդարանական ուժերը՝ տեղական իրադարձությունների մասին

Թամարա ՄՈՒՐԱԴՅԱՆ
t.muradyan@hhpress.am


Ինչպիսի՞ն է ...


23-10-2019
Թյուրքալեզու երկրների հավաք՝ Մերձավոր Արեւելքն ու Կովկասը վերահսկելու օրակարգով
Համաթուրքական համերաշխության ներքին անհամերաշխությունը

Արմենուհի ՄԵԼՔՈՆՅԱՆ
a.melqonyan@hhpress.am


Պետք է խոսել ...


23-10-2019
Սառույց հալեցնելու աղի փոխարեն կերակրի՛ աղ օգտագործեք
Եթե, իհարկե, թանկ է առողջությունը

Արմենուհի ՄԵԼՔՈՆՅԱՆ
a.melqonyan@hhpress.am


Գաղտնիք հայտնաբերած ...


23-10-2019
Քրդերը մնացել են մենակ թուրքական թնդանոթների դեմ
Հասկանալի չէ, թե երբ քրդերը կազատվեն թուրքական իշխանության ...


23-10-2019
Բիզնես... կարմիր գծերին
Երեւանի փողոցներում՝ հատկապես կենտրոնում, կարմիր գծերին հաճախ կարելի է ...



23-10-2019
Վաշինգտոնն ու Մոսկվան ասացին իրենց խոսքը. ո՞րն է լինելու լուծումը
Եվ ինչ նոր սադրանքների կդիմի ...

23-10-2019
Գինու արտահանումն աճել է
Հայկական արտադրանքը կներկայացվի ...

23-10-2019
«Դրախտի դարպասը»՝ Արցախի էկրանին
Դավիթ ՄԻՔԱՅԵԼՅԱՆ
d.miqayelyan@hhpress.am



23-10-2019
Ռազմական խաղերում Հայաստանն ունի 1 մեդալ
Եվս մի քանիսի ակնկալիք

USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO