Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.10.2019
ԼՂՀ


«Ծնունդդ շնորհավոր, լեգենդար հրամանատար»

Աշոտ Ղուլյանը կդառնար 60 տարեկան

Դավիթ ՄԻՔԱՅԵԼՅԱՆ
d.miqayelyan@hhpress.am


Արցախի հերոս, «Ոսկե արծիվ» շքանշանի ասպետ, լեգենդար զորավար Աշոտ Ղուլյանի (Բեկորի) անունը վաղուց է հավերժացել արցախյան ազատամարտի տարեգրության պատմության մեջ, ում անցած մարտական ճանապարհը լի է սխրանքներով, բազում սերունդներ են դաստիարակվում ու արիանում նրա օրինակով։
«Հայրենասիրությունը ոչ այլ ինչ է, եթե ոչ քեզ վրա դրված պարտականությունների բարեխղճորեն կատարում»,– այսպես է հայրենիքի մասին դատում Արցախի արժանավոր զավակը, ով իր խիզախությամբ, ազատատենչ ոգով եւ վեհ գաղափարներով առաջիններից է լծվել ֆիդայական շարժմանը եւ մարտիրոսվել հանուն նախնյաց հող ու ջրի, հանուն նահապետական օջախի՝ արժանապատվորեն կրելով հայրենյաց պաշտպանի, հայ զինվորականի իր խաչը։
Բաքվում ծնված ու հասակ առած երիտասարդը 16 տարեկան էր, երբ ընտանիքը վերադարձավ Արցախ, պապերի ծննդավայրը՝ Խնձրիստան։ Օգնում էր ծնողներին, «լուսավոր միտք ու ոսկի ձեռքեր ուներ», եւ հող էր մշակում, եւ շինարարությամբ զբաղվում, սերտել էր նաեւ փականագործի մասնագիտությունը։ Երբ ձեւավորվեցին կամավորական առաջին ջոկատները, նա իր շուրջը համախմբեց գյուղի երիտասարդներին ու սկսեց մասնակցել ինքնապաշտպանական մարտերին։ Պատերազմը նրան պարտադրեց ինքնաշեն զենք հորինել եւ բաժանել տղաներին։ Նոր ձեւավորվող պաշտպանության բանակի առաջին հրամանատարներից մեկը լինելով, նրան վստահվեց կենտրոնական պաշտպանական շրջանի առաջին վաշտի հրամանատարի «ղեկը», ով խիզախ տղաներով հաճախ էր հայտնվում թեժ կետերում՝ Մարտունու, Մարտակերտի, Ասկերանի, Հադրութի, Շահումյանի սահմանամերձ բնակավայրերում։ Ընկերները լավ են հիշում Կրկժանում, Վերին շենում, Բուզլուխում, Մանաշիդում, Մալիբեյլուի եւ Խոջալուի, Լեսնոյի, Քարինտակի, Շուշիի, Լաչինի, Կուսապատի, Մաղավուզի, Սրխավենդի, Բաշ—Գյունեփայայի, Օրթա—Գյունեփայայի ազատագրման համար նրա վարած թեժ մարտերը։ Իր մարդկային բնավորության շնորհիվ վայելում էր ընկերների եւ զինակիցների, հասարակ զինվորների սերն ու հարգանքը։
Հատկանշական է, որ 1992 թ. Շուշիի ռազմագործողության ժամանակ Բեկորի գլխավորած վաշտն առաջինը մտավ բերդաքաղաք եւ հեռակապով իմաց տվեց կենտրոնական հրամանատարությանը, որ «բերդի շրջապատը ամբողջովին մաքրվել է թուրքերից»։ Ապա լեգենդար հրամանատարը հանձնարարություն ստացավ իր մասնակցությունը բերել Չլդրանի ենթաշրջանում թշնամու կողմից ծավալված հարձակումների ետ մղմանը։ Ցավոք, 1992—ի օգոստոսի 24—ին Մարտակերտի շրջանի Դրմբոն գյուղի ազատագրման համար մղված դաժան մարտը վերջինը եղավ Բեկորի համար։ Վաշտը կորցրել էր իր 32 կտրիճ տղաներին, Բեկորը 33—րդն էր, ու այդ չարաբաստիկ թիվը համընկավ նրա տարիքի հետ։
1993 թ. Աշոտ Ղուլյանը հետմահու արժանացավ «Մարտական խաչ» առաջին աստիճանի շքանշանին, իսկ 1999—ին հանրապետության նախագահի հրամանագրով նրան շնորհվեց «Արցախի հերոս» բարձրագույն կոչում։ Նրա անունով է կոչվում Շուշիի փողոցներից մեկը, Ստեփանակերտի թիվ 2 հիմնական դպրոցը, ինչպես նաեւ Կենտրոնական պաշտպանական շրջանի առաջին մոտոհրաձգային զումարտակը։ Լեգենդար հոր եւ պապիկի անունն են կրում նրա կրտսեր որդին, ով ծնվել է հոր զոհվելուց հետո եւ զինվորական է, ՊԲ սպա, ինչպես նաեւ թոռներից մեկը՝ կրտսեր Աշոտը, որ առաջին դասարան է հաճախում։
Հայրենիքի հերոսի 60—ամյա հոբելյանին էր նվիրված նախօրեին ԱՀ մայրաքաղաք Ստեփանակերտում կազմակերպված հանդիսավոր միջոցառումը, որին ներկա էին երկրի նախագահ Բակո Սահակյանը, պետական այրեր, ՊԲ բարձրաստիճան սպաներ եւ գեներալներ, Բեկորի մարտական ընկերներն ու զինակիցները, նրա հարազատները, բազմաթիվ հյուրեր՝ Հայաստանից ու արտերկրից։
Անմահ հերոսի հիշատակին հարգանքի տուրք են մատուցել ԱՀ նախագահ Բակո Սահակյանը, արտաքին գործերի նախարար Մասիս Մայիլյանը, պաշտպանության նախարար Կարեն Աբրահամյանը, նրա մարտական եւ կուսակցական ընկերները, պետական եւ զինվորական բարձրաստիճան այրեր, հերոսի հարազատները՝ ծաղկեպսակներ եւ ծաղիկներ տեղադրելով նրա հուշարձանին։
«Ես քո անունը կրող դպրոցի սանիկն եմ եւ 1000 աշակերտների անունից եկել եմ ասելու՝ ծնունդդ շնորհավոր, սիրելի պապիկ, Արցախի հերոս, լեգենդար զորավար»,– հանդիսավոր միջոցառմանն այս խոսքով դիմեց պապիկին թոռը՝ արտասանելով նրան նվիրված հոգեցունց մի ստեղծագործություն։
Ա. Ղուլյանի մարտական ընկեր Էդուարդ Աբրահամյանի խոսքով. «Բեկորը ընտանիքի լավ հայր էր, որպես հրամանատար՝ խիզախ էր ու բարի, հավասարակշռված եւ մեծ վիշտ էր ապրում վաշտի յուրաքանչյուր զինվորի կորստի համար»։ Հանդիսությանը, ծննդյան 60—ամյակի կապակցությամբ, երախտիքի խոսքեր հնչեցրեց Արցախի ազատամարտիկների միության աշխատակազմի ղեկավար Էդուարդ Խաչատրյանը. «Արցախյան գոյապայքարի նվիրյալ, լեգենդար հրամանատար Աշոտ Ղուլյանն իր կյանքով եւ անմնացորդ նվիրվածությամբ կերտեց ազատության ճանապարհը։ Կենդանության օրոք լեգենդ դարձած զինվորականը կատարեց իր առաքելությունը՝ սեփական կյանքի գնով ազատագրելով հայրենի հողը։ Բեկորն այն նվիրյալներից է, ով մեծ ներդրում ունեցավ հայոց բանակի կազմավորման գործում ու դարձավ նրա երդվյալ զինվորներից մեկը»։
Հոբելյանական միջոցառումն ավարտվեց Ա. Ղուլյանին նվիրված «Բեկոր» տեսաֆիլմի ցուցադրմամբ եւ ՊԲ «Ասպետ» համույթի համերգային ծրագրով։
Ստեփանակերտ

08-10-2019





23-10-2019
Հայաստանը զբոսաշրջային քարտեզի վրա
Ինչպիսի քայլեր են արվում մեր երկրի վարկանիշը բարձրացնելու ...


23-10-2019
Հովհաննես Թումանյանի «բարի ուժի» փիլիսոփայությունը
Լիակատար ներումը հնարավոր է դարձնում «սիրելը»

Մինչ հայոց ...


23-10-2019
Ներքաղաքական կյանքն ընթանում է բնականոն հունով
Խորհրդարանական ուժերը՝ տեղական իրադարձությունների մասին

Թամարա ՄՈՒՐԱԴՅԱՆ
t.muradyan@hhpress.am


Ինչպիսի՞ն է ...


23-10-2019
Թյուրքալեզու երկրների հավաք՝ Մերձավոր Արեւելքն ու Կովկասը վերահսկելու օրակարգով
Համաթուրքական համերաշխության ներքին անհամերաշխությունը

Արմենուհի ՄԵԼՔՈՆՅԱՆ
a.melqonyan@hhpress.am


Պետք է խոսել ...


23-10-2019
Սառույց հալեցնելու աղի փոխարեն կերակրի՛ աղ օգտագործեք
Եթե, իհարկե, թանկ է առողջությունը

Արմենուհի ՄԵԼՔՈՆՅԱՆ
a.melqonyan@hhpress.am


Գաղտնիք հայտնաբերած ...


23-10-2019
Քրդերը մնացել են մենակ թուրքական թնդանոթների դեմ
Հասկանալի չէ, թե երբ քրդերը կազատվեն թուրքական իշխանության ...


23-10-2019
Բիզնես... կարմիր գծերին
Երեւանի փողոցներում՝ հատկապես կենտրոնում, կարմիր գծերին հաճախ կարելի է ...



23-10-2019
Վաշինգտոնն ու Մոսկվան ասացին իրենց խոսքը. ո՞րն է լինելու լուծումը
Եվ ինչ նոր սադրանքների կդիմի ...

23-10-2019
Գինու արտահանումն աճել է
Հայկական արտադրանքը կներկայացվի ...

23-10-2019
«Դրախտի դարպասը»՝ Արցախի էկրանին
Դավիթ ՄԻՔԱՅԵԼՅԱՆ
d.miqayelyan@hhpress.am



23-10-2019
Ռազմական խաղերում Հայաստանն ունի 1 մեդալ
Եվս մի քանիսի ակնկալիք

USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO