Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.01.2020
ԼՂՀ


ԱՄՆ-ն կօժանդակի տարածաշրջանում խաղաղության ամրապնդմանը

Ամերիկացի կոնգրեսականների այցը Ստեփանակերտ

Դավիթ ՄԻՔԱՅԵԼՅԱՆ
d.miqayelyan@hhpress.am


Երեկ աշխատանքային այցով Արցախ են ժամանել կոնգրեսականներ, ԱՄՆ Ներկայացուցիչների պալատի հայկական հանձնախմբի նախագահ Ջեքի Սփիերը եւ հանձնախմբի անդամ Ջուդի Չուն։
Կոնգրեսականների առաջին պաշտոնական հանդիպումը կայացել է արտաքին քաղաքական գերատեսչությունում։ Ողջունելով բարձրաստիճան հյուրերին՝ արտգործնախարար Մասիս Մայիլյանը կարեւորել է ամենատարբեր մակարդակներում Արցախի եւ ԱՄՆ—ի միջեւ հարաբերությունները, ինչը ելնում է երկրի իշխանությունների պահանջներից։ Նախարարը բարձր է գնահատել Կոնգրեսի հայկական հարցերով հանձնախմբի ջանքերը, որ միտված են ղարաբաղաադրբեջանական հակամարտության խաղաղ կարգավորմանը, տարածաշրջանում կայունության հաստատմանն ու ամրապնդմանը, ԱՄՆ կառավարության կողմից Արցախին ֆինանսական աջակցության տրամադրմանը։ Այդ համատեքստում Մ. Մայիլյանը մասնավորապես ընդգծել է Ջեքի Սփիերի եւ Ջուդի Չունի ակտիվ գործունեությունը՝ ուղղված Օսմանյան կայսրությունում հայերի ցեղասպանության փաստի ճանաչմանը, ղարաբաղաադրբեջանական զինված ուժերի շփման գծից դիպուկահարների հետքաշմանը, հրադադարի ռեժիմի վերահսկման մեխանիզմների ներդրմանն ու հակամարտության գոտում՝ ԵԱՀԿ դիտորդների թվի ավելացմանը։ Հյուրերի խնդրանքով արտաքին գործերի նախարարն անդրադարձել է Արցախի արտաքին քաղաքականության հիմնական ուղղություններին եւ առաջնահերթություններին, երկրի միջազգային ճանաչման եւ ադրբեջանաղարաբաղյան հակամարտության խաղաղ կարգավորման գործընթացներին։
Այցի առաջին օրը կոնգրեսականներին հյուրընկալել են նաեւ ԱՀ խորհրդարանում։ ԱԺ նախագահ Աշոտ Ղուլյանը շնորհակալություն է հայտնել նրանց հայանպաստ գործունեության համար եւ առիթից օգտվելով՝ կոնգրեսական Ջեքի Սփիերին շնորհավորել Հայկական համագումարի կողմից սահմանած մրցանակին արժանանալու համար։ Նա միաժամանակ երախտիքի խոսքեր է ուղղել կոնգրեսական Ջուդի Չունին, ով ստանձնել է ազգային պաշտպանության մասին օրենքում փոփոխություն կատարելու առաքելությունը, որը նպատակ ունի ամրապնդելու հրադադարի ռեժիմը եւ համապատասխան մեխանիզմներ սահմանելու դրա պահպանման համար։
ԱՄՆ—ից ժամանած կոնգրեսականները հանդիպել են եւ խորհրդարանի մշտական հանձնաժողովների, եւ խմբակցությունների ղեկավարների հետ։ Իր խոսքում ԱԺ նախագահ Ա. Ղուլյանը նշել է, թե «Արցախը միշտ բաց է համագործակցության համար եւ ակնկալում է, որ միջազգային կազմակերպությունները, այդ թվում՝ ամերիկյան կառույցները, ազատության ու ժողովրդավարության իրավիճակի մասին ոչ միայն հեռակա մշտադիտարկում կիրականացնեն, այլեւ ուղղակիորեն կաշխատեն Արցախի քաղաքացիական հասարակության հետ եւ կաջակցեն ժողովրդավարական ինստիտուտների կատարելագործմանը»։ Անդրադառնալով մարդկանց իրավունքների պաշտպանմանը, խորհրդարանի ղեկավարը շեշտել է, թե «Արցախում ապրող մարդիկ ունեն նույն իրավունքներն ու ազատությունները, ինչպես ցանկացած երկրում ապրող մարդիկ։ Հետեւաբար, քաղաքական կարգավիճակով պայմանավորված, սահմանափակումներն անթույլատրելի են»։ Աշոտ Ղուլյանը համոզմունք է հայտնել, որ ԱՄՆ կոնգրեսականներն իրենց նախաձեռնություններում ուշադրություն կդարձնեն նաեւ անվտանգությունից ոչ պակաս կարեւոր այդ խնդրին։
Խոսելով Հայոց ցեղասպանության եւ այսօր աշխարհի տարբեր կետերում տեղի ունեցող ցեղասպանությունների մասին, կոնգրեսական Ջեքի Սփիերը հավաստիացրել է, որ հնարավոր ամեն ինչ կարվի դրանց կանխման համար։ «Ինչ վերաբերում է Արցախին, ապա ես հաստատակամ եմ իմ ջանքերում եւ շարունակելու եմ քայլեր ձեռնարկել, որպեսզի այստեղ մարդիկ անվտանգ եւ արժանապատվորեն ապրեն, ունենաք կանխատեսելի ապագա։ Այն ապագան, որին դուք ձգտում եք որպես Հայաստանի անբաժան մաս»,–ընդգծել է կոնգրեսականը։
Արցախի խորհրդարանականներին ներկայացնելով ազգային պաշտպանության վերաբերյալ իր օրենսդրական նախաձեռնությունը, որը պետք է քննարկվի ԱՄՆ Սենատում, Ջուդի Չուն համոզմունք է հայտնել, որ «Ամերիկան կօժանդակի տարածաշրջանում խաղաղության ամրապնդմանը»։
Այցի շրջանակում կոնգրեսականներն այցելել են «Halo Trust» ականազերծող կազմակերպություն եւ ծանոթացել կառույցի կողմից իրականացվող ծրագրերին։
ԱՄՆ Կոնգրեսի անդամներին ընդունել է նաեւ ԱՀ նախագահ Բակո Սահակյանը։
Ստեփանակերտ

09-10-2019





25-01-2020
Ճակատամարտ, որը լավ դաս էր թշնամու համար
Քարին տակի հերոսամարտի 28-րդ տարեդարձը

Դավիթ ՄԻՔԱՅԵԼՅԱՆ
d.miqayelyan@hhpress.am


Հունվարի 26-ին ...


25-01-2020
Ադրբեջանի քաղբանտարկյալների հարցը՝ ԵԽԽՎ օրակարգում
Խոշորացույցի տակ կհայտնվի նաեւ Թուրքիան

Լուսինե ՄԽԻԹԱՐՅԱՆ
l.mkhitaryan@hhpress.am


Ստրասբուրգում հունվարի ...


 
25-01-2020
ԱՌՁԵՌՆ ԱՌԱԾԱՆԻ
«Բերնե բերան՝ կելնի գերան

Ասացվածքը պարզում է մարդկային ...


25-01-2020
Գրականագիտությունը, գրականությունը, ժամանակը
Տաղանդավոր գրողներ եւ միջակ գրականություն

Թադեւոս ԽԱՉԱՏՐՅԱՆ
t.khachatryan@hhpress.am


Հնարավոր առարկությունները ...


25-01-2020
Հայ պոեզիայի անլռելի զանգակատունը
Հունվարի 24-ը Պարույր Սեւակի ծննդյան օրն է։ «Պարույր Սեվակ ...


25-01-2020
«Ոստիկանության բարեփոխումների կարեւորագույն նպատակը պետք է լինի ոստիկանություն—քաղաքացի նոր հարաբերությունների հաստատումը»
Վարչապետ Նիկոլ Փաշինյանի մոտ երեկ տեղի ունեցած խորհրդակցության ընթացքում ...


25-01-2020
Քանդակագործի տան ճանապարհի ոդիսական պատմությունը
«Մերօրյա արտառոց իրավիճակներ» շարքից

Օրերս անվանի քանդակագործ Արամ ...



25-01-2020
Ինչպե՞ս կայացավ
32-ամյա Կոմիտասի եւ 29-ամյա Չոպանյանի ...

25-01-2020
Ցանքատարածքների վիճակը մտահոգիչ է
Անցած տարվա հոկտեմբերի վերջին Քաշաթաղի ...

25-01-2020
Կարդարանա՞ն Լիբանանում ճգնաժամը հաղթահարելու հույսերը
«Փրկության խումբը» անցավ ...

25-01-2020
Մենք զբաղված ենք մեր աշխատանքով
Ձգտելով կատարելագործել մեր մարզիկների ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO