Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.10.2020
ՀԱՍԱՐԱԿՈՒԹՅՈՒՆ


Ոչ թե շարունակելու, այլ արժանավոր առաջինը լինելու հավատով

«Հայաստանի Հանրապետություն» օրաթերթը ստեղծվեց որպես անկախ պետականության առաջին տպագիր խոսք

Թամարա ՄՈՒՐԱԴՅԱՆ
t.muradyan@hhpress.am


Ճիշտ 29 տարի առաջ՝ 1990թ. հոկտեմբերի 9—ին, ընթերցողի սեղանին հայտնվեց «Հայաստանի Հանրապետություն» օրաթերթը կամ՝ Գերագույն խորհրդի հասարակական—քաղաքական օրաթերթը։
«Հայաստանի Հանրապետություն» օրաթերթն ավելացավ հայկական մամուլի հին եւ նոր պարբերականներին որպես վերածնվող անկախ պետականության առաջին տպագիր խոսք։ Ինչպես ներկայացվել էր ընթերցողներին, թերթն ավելացել էր ոչ թե պարզապես շարունակելու կամ լրացնելու մյուսներին, այլ սկսելու, հաստատելու եւ հայրենիք—ժողովուրդ—պետություն սրբազան երրորդության հետ հարատեւելու պայմանով, արժանավոր առաջինը, բոլորինը եւ յուրաքանչյուրինը լինելու հավատով։
Երեւանի այն ժամանակվա Օրջոնիկիձեի պողոտայի 2 հասցեի 13–14—րդ հարկերում գործող խմբագրակազմի աշխատանքները ղեկավարում էր Այդին Մորիկյանը։
Թերթի առաջին համարում տպագրվել է հարցազրույց Հայաստանի գերագույն խորհրդի նախագահ Լեւոն Տեր—Պետրոսյանի հետ։ Զրույցի հիմնական թեման եղել են արցախյան հիմնահարցը, ղարաբաղյան շարժումը, բազմակուսակցական համակարգը, հանրապետության այդ ժամանակվա քաղաքական իրավիճակը։
Հաջորդ համարներում թերթն անդրադարձ է կատարել մերձբալթյան հանրապետություններ, Բելառուսիա եւ Մոլդովա ՀՀ գերագույն խորհրդի արտաքին հարաբերությունների մշտական հանձնաժողովի նախագահի տեղակալ Շավարշ Քոչարյանի եւ հանձնաժողովի անդամ Հովհաննես Իգիթյանի կատարած այցերին։
Առաջին համարներից մեկում «Ընթերցելիս ես գիտակցում էի պահի անկրկնելիությունը» խորագրով հարցազրույց է տպագրվել ՀՀ ժողովրսական պատգամավոր Արամ Մանուկյանի հետ։ Հեղինակ Մարինե Գրիգորյանը պատգամավորի հետ զրուցել է հռչակագրի թեմայի շուրջ։ Իսկ «Ես դեմ եմ քվերակել... բայց ոչ հռչակագրին, ոչ էլ ցեղասպանության ընդունմանը» վերտառությամբ ներկայացված հարցազրույցը հատուկ թղթակից Խաչիկ Խաչիկյանը վարել էր անկախության հռչակագրին դեմ քվեարկած պատգամավորներից Շահեն Պետրոսյանի հետ։ Մեկ այլ համարում էլ «Կամ—կա՞մ», թե՞ «Եվ—եւ». առօրյա խոհեր էր ներկայացրել Տիգրան Ֆարմանյանը։
Իսկ «ՀՀ»—ի հասարակական կարծիքի ուսումնասիրման ծառայություն հատվածում նշված էր՝ «Մեր օրաթերթն իր էջերում տեղ կհատկացնի նաեւ հասարակական կարծիքի ուսումնասիրմանը՝ տարաբնույթ հարցաթերթիկների հրապարակման, դրանց պատասխանների վերլուծության, հասարակական տարբեր վայրերում արագ հարցումների արդյունքների ամփոփման միջոցով»։ Եվ հաշվի առնելով հանրապետության այդ օրերի կացությունը, օրինակ, հետեւյալ հարցաթերթիկն էր առաջարկվել. «Ո՞ւմ եք հավատում՝ Գերագույն խորհրդին, Մինիստրների խորհրդին, ՀՀՇ—ին, ԽՄԿԿ—ին, այլ կուսակցությունների եւ կազմակերպությունների, եւ այլն»։
«Արտասահմանյան համայնապատկեր» հատվածում էլ թերթի լույս ընծայման առաջին օրերին Լիտվան է ներկայացվել։ Կապանից էլ սեփական թղթակից Գագիկ Դավթյանը հոկտեմբերի 11—ին հաղորդել է, որ ոչ թե ինչ—որ մարմինների, ինչ—որ դաստիարակչական աշխատանքների, այլ կապանցիների ծով համբերությանն ու լայնախոհությանն ենք պարտական, որ ոչ միայն վերջին տարում, այլեւ շարժման ամբողջ նախընթաց ժամանակաշրջանում որեւէ անցանկալի միջադեպի առիթ չստեղծվեց շրջանում։ Իսկ ահա հարեւանների կողմից սադրիչ գործողությունները շարունակվում են։
Մեկ այլ՝ «Արդյո՞ք նավթ կա...» նյութի վերջին պարբերությունում հեղինակը նկատում է. «Այսօր բոլորի ուշադրությունն ուղղված է դեպի Արտաշատ։ Գուցե այստե՞ղ Հայաստանի լեռները կբացեն նավթի առեղծվածը»։
Այդպիսով, թերթի «ձեռքը» մշտապես եղել եւ մնում է երկրի ու հասարակության զարկերակին։ Ինչպես տպագրման սկզբնական շրջանում, այնպես էլ հիմա խմբագրակազմի ակտիվ գործունեության շնորհիվ չի անտեսվում որեւէ խնդիր։ Մեր էջերում արծարծվում է ցանկացած խնդիր՝ առանց որեւէ սահմանափակման ու բացառության։
Այսօր լույս է տեսել «ՀՀ»—ի արդեն 7154 համարը։ Իսկ մեր սկզբունքը նույնն է. ընթերցողին առաջարկում ենք օրը սկսել «ՀՀ»—ի հետ ու մեր էջերում ծանոթանալ միայն հավաստի ու ճշգրտված լուրերի։

09-10-2019





22-10-2020
Պետությանն անհատույց ապրանքներ մատակարարողները կազատվեն հարկերից
Իսկ ռազմական գործողությունների հետեւանքով զոհվածների կամ հաշմանդամ դարձածների վարկերը ...


22-10-2020
Թուրքիան ձգտում է ճողոպրել անխուսափելի պատասխանատվությունից
Ներխուժելով տարածաշրջան եւ բնիկ ժողովուրդների տարածքներում հիմնադրելով սեփական պետությունը՝ ...


22-10-2020
Սարսափելի վատ է Թուրքիայի սոցիալ-տնտեսական վիճակը
Բանտարկված լրագրողների թվով այս երկիրն աշխարհում զբաղեցնում է առաջին ...


22-10-2020
Հայկական թեմատիկայի եւ խորհրդային ագիտացիայի համադրությունը
Կերամիկական արձանիկները կոլեկցիոներների ուշադրության կենտրոնում են

«Անահիտ», «Անուշ», ...


22-10-2020
Ազգային երգարվեստի վեհափառը
Կոմիտաս վարդապետը սկիզբ է, որ վախճան չունի

«Այն ...


22-10-2020
IPSE DIXIT
«Առատության հասարակությունը» ծնում է նաեւ ազատ ժամանակի առատու-թյուն, մի ...


22-10-2020
Եւ ասում էին սարերին եւ ժայռերին. «Վայր ընկէք մեզ վերայ եւ ծածկեցէք մեզ …»:
Երբ հանվի վեցերորդ կնիքը, լինելու է մեծ երկրաշարժը, արեւը ...



22-10-2020
Հաղթանակի կամքը մեզ պետք է ասի, որ մենք չենք նահանջի, չենք կոտրվի
Վարչապետ Փաշինյանի ուղերձը

ՀՀ վարչապետ ...

22-10-2020
Սա նախապես ծրագրված լայնամասշտաբ պատերազմ էր, որը սպառնալիք է ողջ տարածաշրջանին
Վարչապետ Նիկոլ Փաշինյանը հարցազրույց է տվել ...

22-10-2020
ՀՀ-ում կձեւավորվի արցախցի ընտանիքների սոցխնդիրներով զբաղվող շտաբ
ԱՀ նախագահը խորհրդակցություն է հրավիրել

22-10-2020
Հրադադարը բացարձակ անհրաժեշտություն է, Թուրքիան պետք է դուրս գա հակամարտությունից
Աշխատանքային այցով Բրյուսելում գտնվող Հայաստանի ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO