Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.05.2020
ԼՂՀ


Ամերիկահայ բժիշկները դարձյալ Ստեփանակերտում են

Պատերազմները՝ չարորակ գոյացությունների պատճառ

Դավիթ ՄԻՔԱՅԵԼՅԱՆ
d.miqayelyan@hhpress.am


Արդեն մի շաբաթ է, ինչ Արցախի առողջապահության նախարարության հրավերով հանրապետական բժշկական կենտրոնում, «Արեւիկ» մանկական բուժմիավորումում, ուռուցքաբանական ծառայությունում, մոր եւ մանկան առողջության պահպանման կենտրոնում ԱՄՆ «Adventist Health Glendale» բժշկական կենտրոնի ավելի քան 50 բժիշկ—մասնագետներ բարձրակարգ բուժօգնություն են ցուցաբերում։
Ինչպես զրույցի ժամանակ նշեց հայտնի ուռուցքաբան—արյունաբան Միհրան Շիրինյանը, բարձրակարգ մասնագետների խումբը երկրորդ անգամ է Արցախում. «Անցյալ տարի դարձյալ այստեղ էինք։ Այս անգամ ավելի ներկայացուցչական կազմով ենք եկել։ Նախապես պայմանավորվածություն ունեինք առողջապահության նախարարի հետ եւ որոշեցինք հիվանդներին հետազոտել, խորհրդատվություններ, վիրահատական միջամտություններ կատարել։ Դե, իհարկե, հիվանդին դատարկաձեռն չես այցելի, ու մեզ հետ նաեւ՝ որոշ քանակությամբ դեղորայք, բուժսարքավորումներ, անհրաժեշտ գործիքներ ենք բերել»։
Մ. Շիրինյանի հավաստմամբ, ուռուցքով տառապող շուրջ 150 հիվանդի անձամբ զննել, հետազոտել են, տեղեկացել նրանց հիվանդության պատմությանը, ինտենսիվ բուժումներ նշանակել եւ խորհուրդներ տվել։ Մասնագետի խոսքով, նրանց ճնշող մասը կամ թոքերի, կամ էլ կրծքագեղձի քաղցկեղ ունեն։ Այն հարցին, թե որն է չարորակ հիվանդությունների պատճառը, ուռուցքաբանը պատասխանեց. «Դե, իհարկե, ծխախոտը։ Կան հիվանդներ, որոնք 10—15 տարի առաջ են թողել ծխելը, բայց մինչ այդ ծխել են երկար տարիներ։ Այսինքն՝ կապ չունի, որ այլեւս չեն ծխում, քանի որ երկար ժամանակ ծխելիս են եղել։ Որպես ուռուցքաբան, կցանկանայի իմ մասնագիտության մասով քարոզչություն տանել ծխախոտի դեմ պայքարի գործում։ Ցավալի փաստ է՝ աշխարհում թոքի ուռուցքով հիվանդները շատացել են, եւ, հավաստիացնում եմ, պատճառը մեծամասամբ ծխելն է»։
Անդրադառնալով կանանց շրջանում ներկայում շատ «տարածված» կրծքագեղձի քաղցկեղին, նա նշեց, թե հատկապես 40—ից հետո նրանք պարբերաբար պետք է հետազոտվեն մամոգրաֆով. «Այստեղ գալով ես իմ առջեւ նաեւ այդ խնդիրն եմ դրել՝ ինչպե՞ս անել, որ կարողանանք կանանց համոզել, տեղեկացնել այդ մասին։ Չէ՞ որ ինչքան վաղ հայտնաբերվի հիվանդությունը, այնքան արդյունավետ կլինի իրականացվելիք բուժումը։ Մենք տարբեր գյուղերում ենք եղել, եւ պարզվել է, որ մեր հաճախորդներից շատերը տարիներով բժշկի դիմած չկան։ Անգամ եթե առողջական որեւէ խնդիր են ունենում՝ սպասում են այնքան, որ հիվանդությունը խորանում է, եւ չարիքի դեմ պայքարը ցանկալի արդյունք չի տալիս»։
Կարծիք հայտնելով Արցախի ուռուցքաբանական կենտրոնի մասին, նա նշեց, որ այն ժամանակակից հիվանդանոց է՝ հարմարավետ պայմաններով, մասնագետներն իրենց գործին նվիրված բարեխիղճ, արհեստավարժ բժիշկներ են. «Ցավոք, որքան հասկացանք, բուժման անհրաժեշտ միջոցները, դեղորայքը չեն հերիքում։ Այն դեղամիջոցները, որ կիրառվում են Եվրոպայում եւ Ամերիկայում, այստեղ բացակայում են։ Կան հիվանդներ, որոնք իմունոթերապիայի կարիք ունեն, բայց Արցախում դա չեն ստանում, քանի որ այն շատ թանկ դեղ է՝ 2000—3000 եվրո արժե, որով մենք մեր հիվանդներին բուժում ենք անվճար»։
Դատելով հետազոտման արդյունքներից՝ ճանաչված ուռուցքաբանը հիվանդության հավանական պատճառներից է համարում նաեւ ուժեղ, տանջալից սթրեսը. «Ոչ ոք չի կարող ժխտել՝ թե՛ Հայաստանում եւ թե՛ Արցախում պատերազմն ինչպիսի հետեւանքներ է թողել։ Զրկանքները՝ մարդկային ծանր ապրումները, անկասկած, քայքայում են առողջությունը, հուսահատության հասցնում հիվանդին։ Ուրախ եմ, որ Արցախն օրեցօր վերափոխվում, զարգանում է, բնակչության կենսամակարդակը՝ բարձրանում։ Մենք կշարունակենք մեր մասնակցությունը բերել Արցախի առողջապահական խնդիրների լուծմանը։ Վերադառնալուց հետո կփորձենք Արցախի ուռուցքաբանական կենտրոնն ընդգրկել մեզ մոտ գործող կազմակերպության մեջ։ Այդ կարգավիճակում կհաջողվի անվճար դեղորայք հասցնել այստեղ։ Ինչ խոսք, Արցախի չճանաչվածության խնդիրը խոչընդոտներ է ստեղծում, բայց մենք կփորձենք հետեւողական լինել եւ իրագործել մարդասիրական այդ ծրագիրը»։
Ստեփանակերտ

24-10-2019





23-05-2020
Բարենպաստ պայմաններ են ստեղծվում բիզնեսի հեռանկարային ճյուղերի համար
Օրենսդրական փոփոխությունը կնպաստի առցանց եւ շրջիկ առեւտրի զարգացմանը



23-05-2020
Արտակարգ դրության արտակարգ... «Վերջին զանգը»
Տխրելու պատճառ չկա, դպրոցից բուհ տանող ճամփան մեկ ...


23-05-2020
Հայաստանում արձանագրվել է կորոնավիրուսային հիվանդության 374 նոր դեպք, առողջացել է ևս 62 պացիենտ
Հայաստանում մայիսի 23-ի, ժամը 11:00-ի դրությամբ հաստատվել է կորոնավիրուսային ...


23-05-2020
Հավատքի անկյուն
6. Սնափառություն
Սնափառություն ( սին եւ փառք – ...


23-05-2020
Ծածուկ ծառայությունը արդյունավետ մեթոդ է
Եվ, ըստ ԱԺ պատգամավորի, պետք է շարունակել կիրառել



23-05-2020
Հայաստանը կարող է լինել ինքնաբավ
Արդեն այսօր պետք է մտածել հաջորդ տարվա գյուղոլորտի ...


23-05-2020
Տերյանից Սեւակ ընկած ուղու ողջ իմացաբանությունը
Իմ այս դիտարկումը համարում եմ ընդամենը գրականագիտական սադրանք




23-05-2020
Հասարակական տրանսպորտը եւ ուղեւորը
Ոչ բոլորն են ճիշտ կատարում ...

23-05-2020
Նորակոչիկները պատրաստ են ծառայելու հայոց բանակում
Անցած տարվա դեկտեմբերին շահագործման հանձնվեց եւ ...

23-05-2020
Սիրիայի դեմ Թուրքիայի համար բոլոր միջոցներն արդարացված են
Սիրիայում իրավիճակը մնում է բարդ ու դժվարին։ Թեեւ ...

23-05-2020
Հայաստանը օլիմպիական վարկանիշային մրցաշար կընդունի
Արեւելյան Եվրոպայի երկրների վոլեյբոլի ասոցիացիան ...
USD
EURO
RUR
GEL
Եղանակը Երևանում
գիշերը +14... +16
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO