Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.05.2020
ՍՈՑԻՈՒՄ


Առայժմ չկա սոցիալական խնդիրների վերհանման եւ հանրային գիտակցության փոփոխման հստակ մեխանիզմ

Առաջարկվող փոփոխությունները կնպաստեն սոցիալական գովազդի ինստիտուտի կայացմանը

Լիանա ՍԱՐԳՍՅԱՆ
l.sargsyan@hhpress.am


Հայաստանում սոցիալական գովազդի պատրաստման եւ տարածման ինստիտուցիոնալ կայացման խնդիր կա։ Այս ոլորտում օրենսդրական եւ մասնագիտական մեծ բացեր կան։ Պետությունը չունի սոցիալական խնդիրների վերհանման եւ հանրային գիտակցության փոփոխման հստակ ռազմավարություն, չունի արդեն տարածվող սոցիալական գովազդի չափման եւ ազդեցության գնահատման մեխանիզմ։
Այս պատկերն արձանագրել է «Աուդիո—վիզուալ» լրագրողների հայկական ասոցիացիան՝ մոնիթորինգի ենթարկելով հանրային 4 ԶԼՄ—ները՝ «Հայաստանի Հանրապետություն» օրաթերթը, «Արմենպրես» պետական լրատվական գործակալությունը, Հայաստանի հանրային հեռուստաընկերությունը, Հանրային ռադիոն։ Հետազոտության առարկա են դարձել նաեւ Հայաստանում սոցիալական գովազդի մասին օրենսդիրության պահպանման նկատմամբ վերահսկողություն իրականացնող լիազոր մարմնին կից ստեղծված հանրապետական հանձնաժողովը եւ 4 նախարարություն՝ նախկին մշակույթի, առողջապահության, աշխատանքի եւ սոցիալական հարցերի, կրթության եւ գիտության։
«Հետազոտությունն իրականացրել ենք 2019 թ. հունվարից մինչեւ հունիսի 30—ը ընկած ժամանակահատվածում, որպեսզի հասկանանք, թե հանրային միջոցները որքանով են նպաստում հանրային իրազեկվածության բարձրացմանը։ Հետազոտության արդյունքները ցույց տվեցին, որ հիշյալ բոլոր կառույցներում բավարար քանակով սոցիալական գովազդ չի մատուցվում հասարակությանը։ Հայաստանը չունի անգամ սոցիալական գովազդի չափման եւ ազդեցության գնահատման մեխանիզմ։ Ցանկացած հանրային հեռարձակում պետք է որոշակի գնահատականի արժանանա, որպեսզի հասկանա՝ արդյո՞ք ունեցավ իր համար նախանշած ազդեցությունը։ Մենք չունենք նույնիսկ արտադրող մասնագետներ։ Մի քանի խոշոր բացեր, որոնք պետք է ինստիտուցիոնալ մակարդակում կարգավորվեն»,—այս մասին «ՀՀ»—ի հետ զրույցում մանրամասնեց «Աուդիո—վիզուալ» լրագրողների հայկական ասոցիացիայի նախագահ Արզուման Հարությունյանը։
Միջազգային փորձը, ըստ նրա, ցույց է տալիս, որ սոցիալական գովազդի միջոցով շատ ավելի արագ եւ արդյունավետ կարելի է հանրային գիտակցության մեջ անել լուրջ փոփոխություններ՝ սկսած հակածխախոտային գովազդային շարքից, ընդհուպ մինչեւ բոլոր այն սոցիալական խնդիրները, որոնք այդ պահին շատ խնդրահարույց են տվյալ երկրի համար։ Հարությունյանի խոսքով՝ ԱՄՆ—ում երեք տարվա մեջ հնարավոր եղավ 65 տոկոսով կրճատել ծխողների քանակը միայն սոցիալական գովազդի միջոցով։ Նկատում է՝ իրականում ինստիտուտի չկայացած լինելու պատճառները մի քանիսն են։ Առանձնացնում է մասնավորապես օրենսդրական դաշտի անկատարությունը, գովազդի մասին ընդունված օրենքն, ըստ նրա, չի նպաստում այս ուղղության զարգացմանը։ Հաջորդը՝ «Հեռուստատեսության եւ ռադիոյի մասին» օրենքն է, որը նույնպես չի նպաստում երեւույթի կայացմանը։
«Հանրային զանգվածային լրատվամիջոցներում օրենքի ուժով հանված է գովազդի տարածումը, որոշումն ընդունվել է դեռեւս 2011 թ.։ Առեւտրային գովազը հանվեց, փոխարենը խրախուսվեց սոցիալական գովազդը։ Բայց չտրվեցին այն հիմնական մեխանիզմները, որոնցով պետք է առաջարկվող գովազդը որակավորվեր որպես սոցիալական։ Այս մեխանիզմը մշակված չէր, եւ արդյունքում ի՞նչ ունեցանք՝ հանեցինք առեւտրային գովազդը, եւ հիշյալ կառույցները մնացին առանց որեւէ գովազդի։ Կտրվեց նրանց՝ գումար վաստակելու միջոցը։ Բավականաչափ ծախս եւ մեծ ֆինանսներ են պահանջվելու, որպեսզի, օրինակ, «Հայաստանի Հանրապետություն» օրաթերթն ինքն արտադրի սոցիալական գովազդ եւ տեղադրի իր էջերում։ Այդ պատճառով ոչ ոք դրան չգնաց՝ նույնիսկ ռադիոն եւ հեռուստատեսությունը»,—պարզաբանում է Հարությունյանը։
Հայաստանում սոցիալական գովազդի մասին օրենսդիրության պահպանման նկատմամբ վերահսկողություն իրականացնող լիազոր մարմնին կից ստեղծված հանրապետական հանձնաժողովն, ըստ էության, չի կարգավորել ոլորտի խնդիրները։ Հանձնաժողովը, ինչպես նշում է Հարությունյանը՝ պետք է որոշեր նաեւ, թե որն է սոցիալական գովազդ, եւ ըստ դրա տրամադրեր սոց. գովազդի անվճար տարածման ուղեգիր. «Հայաստանում, ըստ օրենքի, սոցիալական գովազդի տարածումն անվճար չէ։ Այն հավասարեցված է առեւտրային գովազդին։ Պետությունը կա՛մ պետք է դառնա գովազդի պատվիրատուն՝ արտադրությունից մինչեւ տարածում, կա՛մ գործի դնի հետխորհրդային մոդելը, երբ պետությունը հանդիսանում էր միայն արտադրության պատվիրատուն, իսկ հանրային հեռարձակողները գովազդը տեղադրում էին անվճար։ Մեզ մոտ ամեն ինչ թերի է»։
Հայեցակարգային նոր մոտեցմամբ առաջարկվում է փոխել հանձնաժողովի ե՛ւ կարգավիճակը, ե՛ւ հիմնական գործունեությունը։ Հարությունյանի խոսքով՝ այն սոցիալական գովազդի հանդեպ վերահսկողություն սահմանող մարմնից դառնալու է սոցիալական խնդիրներ բարձրացնող, համակարգող կառույց՝ իր վրա վերցնելով սոցիալական գովազդի միջոցով հանրային գիտակցության կրթման եւ հետազոտման ֆունկցիաներ։ «Դառնալու է սոցիալական կրթության յուրահատուկ պլատֆորմ՝ կառավարության նախանշած սոցիալական քաղաքականության իրագործման համար։ Եվ այս ամենի հիմքում դրվելու են սոցիալական գովազդի ժամանակակից մոտեցումները եւ տեխնոլոգիաները։ Հանձնաժողովի կազմում կլինեն պետական կառույցի ներկայացուցիչներ, ՔՀԿ—ներ, հանրային տարածողներ եւ անկախ փորձագետներ»,—մանրամասնեց Հարությունյանը։ Ամենայն հավանականությամբ, այս առիթով նոյեմբերին Ազգային ժողովում կկազմակերպվեն խորհրդարանական լսումներ։

29-10-2019





23-05-2020
Բարենպաստ պայմաններ են ստեղծվում բիզնեսի հեռանկարային ճյուղերի համար
Օրենսդրական փոփոխությունը կնպաստի առցանց եւ շրջիկ առեւտրի զարգացմանը



23-05-2020
Արտակարգ դրության արտակարգ... «Վերջին զանգը»
Տխրելու պատճառ չկա, դպրոցից բուհ տանող ճամփան մեկ ...


23-05-2020
Հայաստանում արձանագրվել է կորոնավիրուսային հիվանդության 374 նոր դեպք, առողջացել է ևս 62 պացիենտ
Հայաստանում մայիսի 23-ի, ժամը 11:00-ի դրությամբ հաստատվել է կորոնավիրուսային ...


23-05-2020
Հավատքի անկյուն
6. Սնափառություն
Սնափառություն ( սին եւ փառք – ...


23-05-2020
Ծածուկ ծառայությունը արդյունավետ մեթոդ է
Եվ, ըստ ԱԺ պատգամավորի, պետք է շարունակել կիրառել



23-05-2020
Հայաստանը կարող է լինել ինքնաբավ
Արդեն այսօր պետք է մտածել հաջորդ տարվա գյուղոլորտի ...


23-05-2020
Տերյանից Սեւակ ընկած ուղու ողջ իմացաբանությունը
Իմ այս դիտարկումը համարում եմ ընդամենը գրականագիտական սադրանք




23-05-2020
Հասարակական տրանսպորտը եւ ուղեւորը
Ոչ բոլորն են ճիշտ կատարում ...

23-05-2020
Նորակոչիկները պատրաստ են ծառայելու հայոց բանակում
Անցած տարվա դեկտեմբերին շահագործման հանձնվեց եւ ...

23-05-2020
Սիրիայի դեմ Թուրքիայի համար բոլոր միջոցներն արդարացված են
Սիրիայում իրավիճակը մնում է բարդ ու դժվարին։ Թեեւ ...

23-05-2020
Հայաստանը օլիմպիական վարկանիշային մրցաշար կընդունի
Արեւելյան Եվրոպայի երկրների վոլեյբոլի ասոցիացիան ...
USD
EURO
RUR
GEL
Եղանակը Երևանում
գիշերը +14... +16
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO