Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.05.2020
ԼՂՀ


Մինչեւ տարեվերջ Բերձորը նոր հիվանդանոց կունենա

1995 թ. Քաշաթաղի շրջկենտրոն Բերձորում սկսեց գործել շրջանային բուժմիավորումը՝ ռազմաճակատային բժիշկ, Արցախյան շարժման առաջամարտիկ, գրող, հասարակական գործիչ Արցախ Բունիաթյանի գլխավորությամբ։ Հիվանդանոցը տեղակայվեց երկհարկանի շենքում, որի պայմանները չեն համապատասխանում բուժական հաստատության պահանջներին։
2011թ. գարնանը կայացավ բուժմիավորման նոր՝ եռահարկ շենքի հիմնարկեքը՝ հնի հարեւանությամբ։ Անցած տարիների ընթացքում ընդհատումներով կատարվեց շենքի կառուցումը, որը ձգձգվում էր տարբեր պատճառներով։ 2018—2019 թթ. Արցախի կառավարության հատկացումներով է ընթանում շինարարությունը, որը կատարում է «Սուր—Նարեկ» շինարարական ընկերությունը՝ Պարթեւ Հովհաննիսյանի ղեկավարությամբ։ Այժմ շենքը գրեթե պատրաստ է, որ ընդունի հիվանդանոցի անձնակազմին։ Օրերս Արցախի Հանրապետության պետնախարար Գրիգորի Մարտիրոսյանը, քաղաքաշինության, առողջապահության նախարարներ Կարեն Շահրամանյանի, Արայիկ Բաղրյանի, Քաշաթաղի շրջվարչակազմի ղեկավար Ստեփան Սարգսյանի եւ այլ պաշտոնատար անձանց հետ այցելեց բուժմիավորման շինհրապարակ, ծանոթացավ կատարված աշխատանքներին, տվեց հանձնարարականներ։ Շրջվարչակազմի ղեկավարը համոզված է.
–Մինչեւ տարեվերջ ժամանակակից սարքավորումներով կահավորված այս հաստատությունը կսկսի գործել։ Վստահ եմ, որ հավելյալ կադրային պահանջարկը նոր խթան կարող է լինել Բերձորում մարդկային ենթակառուցվածքի եւ բնակֆոնդի հետագա զարգացման համար։
Օրերս հերթական անգամ շինհրապարակում էի, որտեղ կատարվում են շինարարական վերջին աշխատանքները, եւ դրան զուգահեռ՝ շենքում տեղակայվում է անհրաժեշտ գույքը։ Արցախի Հանրապետության քաղաքաշինության նախարարության տեխհսկիչ Գագիկ Ասրյանը գրեթե ամեն օր լինում է այստեղ, հսկում ընթացող աշխատանքները։ Ասաց՝ շինարարությունը կատարվում է որակով եւ կավարտվի մոտ օրերս։ Այցի պահին շենքի ներսում շինարարները հատակներն էին պատում հատուկ ծածկով, կատարում ներկման եւ այլ աշխատանքներ։ Եռակցող Մամիկ Սարաջյանը դրսում ջրի խողովակներն էր միացնում ջրավազանին։ Գ. Ասրյանի հետ շրջեցինք բուժմիավորման բակում։ Նախկին հողապատ տարածքներն արդեն ասֆալտապատ ու բետոնապատ են։ Վարպետորեն է լուծվել ջրահեռացման խնդիրը։ Կենտրոնական մուտքի մոտ փոքր հրապարակ կա, որտեղ պետք է տեղակայվի Արցախ Բունիաթյանի կիսանդրին։ Քաշաթաղի շրջանային բուժմիավորումը կոչվում է հիմնադիր, երջանկահիշատակ բժշկի անունով։ Քիչ վերեւում՝ հսկա լորենու հարեւանությամբ գործելու է աղբյուր։
Գ. Ասրյանը տեղեկացրեց նաեւ՝ շուտով կտեղակայվեն կաթսայատան սարքավորումները, հատուկ 50մ/վ հզորությամբ գեներատորը, որը կգործի ընդհանուր հոսանքի անջատման դեպքում։ Վառելափայտով կգործի կաթսայատունը, որի հարեւանությամբ կառուցվել է պահեստ՝ վառելափայտն ամբարելու համար։ Մոտակայքում կկառուցվի 3 կայանատեղի շտապօգնության մեքենաների համար։ Բուժմիավորման ողջ տարածքը գիշերը լուսավորվելու է, լամպերն արդեն տեղադրվել են հենասյուներին։ Հիվանդանոցն ունենալու է առանձին էլեկտրական ենթակայան։ Այս օրերին ներկվելու են նաեւ պատերի արտաքին որոշ հատվածներ։
–Շենքում գործող բոլոր կոնստրուկցիաներն անցել են համապատասխան փորձաքննություն եւ համապատասխանում են նորմատիվներին,–ասաց Գ. Ասրյանը։
Ընթացքում շինհրապարակ այցելեց նաեւ «Արցախ Բունիաթյանի անվան Քաշաթաղի շրջանային բուժմիավորում» ՊՈԱԿ—ի գործադիր տնօրեն Կարեն Գրիգորյանը։ Տեղեկացրեց՝ ամենաուշը՝ 2020 թ. սկզբին կտեղափոխվեն նոր շենք, որտեղ գործելու են 20—ից ավելի մահճակալով հիվանդասենյակներ, ծննդատուն, վիրահատարան, վիրակապարան, դիահերձարան, լաբորատորիաներ, բժիշկների աշխատասենյակներ, պոլիկլինիկա, օդափոխության ներածման եւ արտածման համակարգեր, շտապօգնության ծառայություն, ստացիոնար բաժանմունք, այդ թվում՝ վիրաբուժական եւ թերապեւտիկ, պոլիկլինիկային եւ գինեկոլոգիական ծառայություններ։ Կարեւորեց այն, որ գույքն արդեն ստացել են, եւ բուժմիավորման տնտեսական մասի աշխատակիցները տեղավորում էին սենյակներում։ Բժշկական սարքավորումները նույնպես բերվելու են շուտով։ Հիմնական խնդիրը մնալու է բժիշկ—մասնագետներով բուժանձնակազմի համալրումը։
–Կփորձենք համալրել համապատասխան բժիշկներով, որպեսզի բնակչությունը կարողանա լիարժեք ապահովված լինել բոլոր բուժծառայություններով,–հավելեց Կ. Գրիգորյանը։
Հուսանք՝ նորակառույց շենքի եւ համապատասխան բուժսարքավորումների առկայությունը հնարավորություն կտա, որ բժիշկներ գան Բերձոր, եւ քաշաթաղցիներն ստիպված չլինեն բուժզննում անցնելու համար մեկնել Ստեփանակերտ, Գորիս ու Երեւան։

Զոհրաբ ԸՌՔՈՅԱՆ

31-10-2019





23-05-2020
Բարենպաստ պայմաններ են ստեղծվում բիզնեսի հեռանկարային ճյուղերի համար
Օրենսդրական փոփոխությունը կնպաստի առցանց եւ շրջիկ առեւտրի զարգացմանը



23-05-2020
Արտակարգ դրության արտակարգ... «Վերջին զանգը»
Տխրելու պատճառ չկա, դպրոցից բուհ տանող ճամփան մեկ ...


23-05-2020
Հայաստանում արձանագրվել է կորոնավիրուսային հիվանդության 374 նոր դեպք, առողջացել է ևս 62 պացիենտ
Հայաստանում մայիսի 23-ի, ժամը 11:00-ի դրությամբ հաստատվել է կորոնավիրուսային ...


23-05-2020
Հավատքի անկյուն
6. Սնափառություն
Սնափառություն ( սին եւ փառք – ...


23-05-2020
Ծածուկ ծառայությունը արդյունավետ մեթոդ է
Եվ, ըստ ԱԺ պատգամավորի, պետք է շարունակել կիրառել



23-05-2020
Հայաստանը կարող է լինել ինքնաբավ
Արդեն այսօր պետք է մտածել հաջորդ տարվա գյուղոլորտի ...


23-05-2020
Տերյանից Սեւակ ընկած ուղու ողջ իմացաբանությունը
Իմ այս դիտարկումը համարում եմ ընդամենը գրականագիտական սադրանք




23-05-2020
Հասարակական տրանսպորտը եւ ուղեւորը
Ոչ բոլորն են ճիշտ կատարում ...

23-05-2020
Նորակոչիկները պատրաստ են ծառայելու հայոց բանակում
Անցած տարվա դեկտեմբերին շահագործման հանձնվեց եւ ...

23-05-2020
Սիրիայի դեմ Թուրքիայի համար բոլոր միջոցներն արդարացված են
Սիրիայում իրավիճակը մնում է բարդ ու դժվարին։ Թեեւ ...

23-05-2020
Հայաստանը օլիմպիական վարկանիշային մրցաշար կընդունի
Արեւելյան Եվրոպայի երկրների վոլեյբոլի ասոցիացիան ...
USD
EURO
RUR
GEL
Եղանակը Երևանում
գիշերը +14... +16
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO