Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.06.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Ճանաչումը նաեւ բարոյական պարտք էր

Պարտք՝ իր իսկ քաղաքացիների նկատմամբ

Այն, որ Հայոց ցեղասպանությունը գիտականորեն հիմնավորված իրողություն է եւ հարցականի տակ չի դրվում, վաղուց արդեն ընդունված փաստ է։ Այս կամ այն պետության կողմից Հայոց ցեղասպանության ճանաչման—չճանաչման հարցը գերազանցապես քաղաքականության ոլորտում է։ Ցանկացած պետություն իր որոշումներում առաջնորդվում է առաջին հերթին սեփական քաղաքական շահերով։ Եվ դա նորմալ է։ Դրանում որեւէ պախարակելի բան չկա։ Հայոց ցեղասպանության ճանաչումը ԱՄՆ Ներկայացուցիչների պալատի կողմից նույնպես առաջին հերթին թելադրված է այդ երկրի քաղաքական շահերով։ Բայց ոչ միայն։
Հայոց ցեղասպանությունը ԱՄՆ պատմության մասն է։ Եվ Հայոց ցեղասպանության ճանաչումը Կոնգրեսի կողմից ԱՄՆ–ի համար ոչ միայն պատմական ճշմարտությանը մեկ անգամ եւս անդրադառնալու հնարավորություն է, ինչը հստակ երեւում է որոշման տեքստի մեջ։ Ճշմարտություն, որը, ի դեպ, հայտնի էր, հասանելի էր այդ երկրի քաղաքացիներին դեռեւս հայերի զանգվածային կոտորածների տարիներին, իսկ իշխանություններին հայտնի էր իրենց իսկ դիվանագետների հաղորդագրություններով։ Ճանաչումը նաեւ բարոյական պարտք էր։ Պարտք՝ իր իսկ քաղաքացիների նկատմամբ։ Եվ ոչ միայն հայկական ծագումով ամերիկացիների, այլեւ բոլոր այն քաղաքացիների համար, որոնք փոքր կամ մեծ զոհողությունների գնով օժանդակել են իրենց երկրից հազարավոր կիլոմետրեր հեռավորության վրա գտնվող ու մեծամասամբ անծանոթ ժողովրդի զավակներին գոյատեւելու։
Այս ճշմարտություններն են, որ նաեւ բարոյական պատասխանատվության դաշտ են ստեղծում։ Հենց ամերիկյան քաղաքացիների ու նրանց կողմից ընտրված օրենսդիրների համար։ Ու ես հենց դա՛ եմ կարեւորում։ Կարեւորում եմ այն, որ 330 միլիոնանոց երկրի խորհրդարանը քննարկում է Հայոց ցեղասպանության հարցը։ Եվ ընդունում է որոշումներ թե՛ պատմական, թե՛ քաղաքական, թե՛ բարոյական հիմնավորումներով։
Այս որոշումներն այս կամ այն չափով ուղղված են Հայոց ցեղասպանությունն ամերիկյան ժողովրդի հիշողության մաս դարձնելուն։ Գործընթաց, որը վաղուց է սկսվել, եւ որի արագացումը, չնայած ամերիկահայ կազմակերպությունների տիտանական ջանքերին, այնուամենայնիվ, պետական աջակցության կարիք ունի։ Հենց նմա՛ն որոշումներով։ Կոչերով՝ չտրվե՛լ ժխտողականությանը։ Կոչերով, որոնք, ի դեպ, այժմեական են նաեւ Հայաստանի համար։
Նկատի ունեմ որոշման երրորդ կետը, որն առաջարկում է «խրախուսել Հայոց ցեղասպանության փաստերի՝ ներառյալ մարդասիրական օգնության գործում Միացյալ Նահանգների դերի եւ մարդկության դեմ ներկայումս իրականացվող հանցագործությունների ու Հայոց ցեղասպանության միջեւ առնչությունների վերաբերյալ կրթությունը եւ հանրային իրազեկվածությունը»։ Հայաստանի կրթական համակարգում նույնպես խնդիրներ են առկա ցեղասպանության/ցեղասպանությունների կրթության հարցում։ Ցայժմ այն ներկայացված է միայն Առաջին համաշխարհային պատերազմի համատեքստում։ Եվ երբ հայաստանցիների առօրյա խոսակցություններում քննարկվում/քննադատվում է, թե այս կամ այն երկրում առանձնապես տեղյակ չեն Հայոց ցեղասպանության մասին, պետք է նկատենք, որ մենք էլ Հայաստանում ու հատկապես միջնակարգ կրթության համակարգի խողովակներով տեղեկացված չենք այլ ցեղասպանությունների մասին։
Հայաստանցիներից շատերն անգամ չեն եղել արդեն քառորդ դար գործող Հայոց ցեղասպանության թանգարանում։ Ամենամյա հարյուր հազարավոր այցելությունների շուրջ 90 տոկոսը արտասահմանցիներ են (սփյուռքահայերը նրանց մեջ փոքր տոկոս են կազմում)։ Բազմաթիվ այլ իրողություններ են առկա, որոնք վկայում են, որ Հայոց ցեղասպանության մասին «կրթությունը եւ հանրային իրազեկվածությունը» խնդիրներ ունեն, որոնք կարոտ են լուծման հենց Հայաստանի Հանրապետությունում։ Սակայն սա մեկ այլ քննարկման դաշտում է։
Հարություն ՄԱՐՈՒԹՅԱՆ
Հայոց ցեղասպանության
թանգարան—ինստիտուտի տնօրեն

01-11-2019





03-06-2020
Բնակարանների շուկայական արժեքի եւ գույքահարկի հավասարակշռումն անհրաժեշտ է
Օրերս կառավարությունն ընդունել է որոշում, որով նախատեսվում է 2021 ...


03-06-2020
ԱԺ-ի դերը սահմանադրական փոփոխությունների հարցում
Ինչ խնդիրներ կան խորհրդարանական կառավարման համակարգի կայացման ճանապարհին



03-06-2020
Հայաստանում հաստատվել է COVID-19-ի 515, մահվան 12 նոր դեպք
Հայաստանում հունիսի 3-ին, ժամը 11:00-ի դրությամբ հաստատվել է կորոնավիրուսային ...


03-06-2020
Մայրությունը չի կարող լինել առօրյա
«Եւ մոռցաք այն մխիթարութիւնն որ ձեզ հետ ինչպէս որդիների ...


03-06-2020
Դիմակ կրելն անհրաժեշտ է, բարեկամնե՛ր
Մի քիչ մարդասեր ու կարգապահ լինելը մեզ չի ...


03-06-2020
Որտե՞ղ է ընկել արտասովոր երկնաքարը
Պարզաբանում է Բյուրականի աստղադիտարանի տնօրենը

«Առհասարակ, եթե ...


03-06-2020
Մտքում՝ Աստված, ձեռքին՝ գրիչ
Հայ անվանի գրող Պերճ Պռոշյանի ծննդյան օրվա առթիվ

Սիրում ...



03-06-2020
Միջնադարյան խազերի վերծանման թեման այսօր էլ է օրակարգում
Հայ երաժշտական մտածողության հիմնական ...

03-06-2020
Ուխտագնացություն Բերդաձոր
Մայիսի 30-ին Քաշաթաղի շրջանի մի խումբ ...

03-06-2020
Լիբիայում հակամարտությունները նոր փուլ են մտնում
Լիբիայում շարունակվում են հակամարտությունները, ...

03-06-2020
Լեւոն Արոնյանի հերթական մեկնարկը
Լեւոն Արոնյանը պատրաստվում է մասնակցել շախմատի ...
USD
EURO
RUR
GEL
Եղանակը Երևանում
գիշերը +12... +14
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO