Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԱՌՈՂՋԱՊԱՀՈՒԹՅՈՒՆ


Սեզոնային գրիպի դեմ պատվաստումը մեծ պահանջարկ ունի

Պատվաստանյութի ընդունումով գրիպը բացառվո՞ւմ է

Թամարա ՄՈՒՐԱԴՅԱՆ
t.muradyan@hhpress.am


«Գրի՞պ ես» հարցին այս օրերին արդեն դրական պատասխան են տալիս։ Գրիպի առումով ռիսկային սեզոնը մեկնարկել է։ Բայց հիվանդությունը կարելի է կանխել պատվաստման միջոցով։ Սեզոնային գրիպի դեմ պատվաստումը ներառված է ազգային օրացույցում։ Միայն թե այն նախատեսված է ռիսկի խմբերի համար։
Այսպես, գրիպի պատվաստման հարցում առաջնահերթությունը տրվում է հղիներին, 6 ամսականից մինչեւ 5 տարեկան երեխաներին, խրոնիկ հիվանդությամբ անձանց, բուժաշխատողներին, փակ կազմակեպությունների ներկայացուցիչներին եւ նրանց սպասարկող անձնակազմին, օրինակ՝ մանկատներ, ծերանոցներ, եւ զինվորական անձնակազմին ու տարեցներին։ Ոչ ռիսկային խմբի ներկայացուցիչը կամավոր կարող է պատվաստվել ռիսկային խմբի որեւէ ներկայացուցչի՝ պատվաստումից հրաժարվելու դեպքում՝ նրան հասանելիք վակցինայով։
Բայց ՀՀ առողջապահության նախարարության իմունականխարգելման ազգային ծրագրի ղեկավար Գայանե Սահակյանը «ՀՀ»—ի հետ զրույցում արձանագրեց, որ նախորդ տարվա փորձը ցույց է տվել՝ գրիպի պատվաստումների նկատմամբ բնակչության պահանջարկը բավականին մեծ է. «Այս տարի եւս նկատվում է, որ պահանջարկը մեծ է՝ բոլորը հետաքրքրվում են, թեժ գծին եկող զանգերի մեծ մասը պատվաստումներին է վերաբերում։ Հատկապես նրանք, ովքեր պատվաստման արդյունավետությունը զգացել են իրենց օրինակով, սեպտեմբերի կեսից արդեն ահազանգում էին՝ ե՞րբ են սկսելու պատվաստումները»։
Այս եւ նախորդ սեզոններին պատվաստումների ուշացման համար, ըստ ՀՀ առողջապահության նախարարության տարածած հաղորդագրության, կան մի շարք հիմնավոր պատճառներ։ Առողջապահության նախարարության կողմից 2019—2020 թթ. սեզոնի համար մի քանի փուլով հայտարարվել են պատվաստանյութի ձեռքբերման մրցույթներ, սակայն մասնակիցներ չեն եղել, կամ առաջարկները չեն համապատասխանել «Գնումների մասին» օրենքի պահանջներին։
Միաժամանակ սեզոնային գրիպի պատվաստանյութի գլոբալ անբավարարություն է դիտվում, եւ Հայաստանի փոքր շուկան հրապուրիչ չէ մատակարարների համար։ Սեզոնային գրիպի պատվաստանյութն ունի մեկ այլ առանձնահատկություն՝ մյուս պատվաստանյութերի նման պահուստային պաշար չի ձեւավորվում, այլ գնվում է միայն տվյալ սեզոնի համար։
Հիմա պատվաստանյութն արդեն երկրում է։ Երեկվանից Երեւանում են առաջարկվում, իսկ արդեն երկուշաբթի օրվանից սեզոնային գրիպի պատվաստումներն ամբողջ հանրապետությունում կառաջարկվեն ռիսկի խմբերին։
Գ. Սահակյանի խոսքերով, ինչպես բոլոր պատվաստումները, այդ պատվաստումը եւս հակացուցումներ ունի։ Եթե նույն պատվաստման նախորդ դեղաչափից ծանր ալերգիկ ռեակցիա է եղել, ապա տվյալ անձին պատվաստում չի արվում։ Բայց մեր զրուցակիցը բարձրաձայնում է, որ դեռեւս նման երեւույթի չեն հանդիպել։ Ժամանակավոր հակացուցումներն էլ նույնն են, ինչ մյուս պատվաստումների դեպքում։
Որոշակի վիճակագրություն ներկայացնելով՝ իմունականխարգելման ազգային ծրագրի ղեկավարը նկատում է, որ առհասարակ պատվաստումների առումով բավականին ակտիվ են մարզերի բնակիչները։ Երեւանում, սակայն, պասիվ են։ Բայց ահա սեզոնային գրիպի առումով մայրաքաղաքը մարզերին գրեթե չի զիջում։
Ռիսկի խմբերի ակտիվ ընդգրկվածության մասով Գ. Սահակյանը տարանջատում չի կատարում։ Միայն նշում է, որ փակ կազմակերպությունների, բանակի ներկայացուցիչների, բուժանձնակազմի համար այս պատվաստումը նորություն չէ, մյուս խմբերի, օրինակ՝ հղիների դեպքում նորույթ է, երկու տարի է, ինչ կիրառվում է։ Ու թեեւ նորությունը միշտ դժվարությամբ է ընկալվում, այդուհանդերձ, Սահակյանը դրական միտում նկատում է. «Ընդգրկվածությունն աստիճանաբար մեծանում է։ Բայց իրազեկվածության խնդիր կա»։
Հարցին՝ կարո՞ղ ենք արձանագրել, որ պատվաստված անձի համար գրիպը բացառված է, ծրագրի ղեկավարը պատասխանում է, որ նման բան գոյություն չունի։ Դա պայմանավորված է օրգանիզմի առանձնահատկություններով. «Պատվաստված անձը կարող է վարակվել, բայց «թեթեւ» կտանի։ Պետք է հիշել, որ եթե որեւէ անձի դեպքում հիվանդությունը բարդություններով է ուղեկցվում, սա համար առաջին ցուցված պատվաստումն է»։
Սեզոնային գրիպի դեմ պատվաստումն արվում է տարին մեկ անգամ, որովհետեւ գրիպի վիրուսները հակում ունեն փոփոխվելու, մուտացիաներ առաջացնելու։
Հ. Գ. Պատվաստվելուց բացի, վիրուսի դեմ կարելի է պայքարել նաեւ որոշակի կանխարգելիչ միջոցառումներով։ Օրինակ՝ հանրային տրանսպորտում պատուհանները, այսպես ասած, հերմետիկ փակելով՝ հայտնվում ենք չօդափոխվող փակ տարածքում։ Իսկ նման տեղերում մեկ հոգու վարակված լինելն անգամ բավական է վիրուսի տարածման համար, հատկապես որ տվյալ անձը եւ, առհասարակ, մեր հասարակությունը բարդույթներ ունեն պաշտպանիչ դիմակ կրելու հարցում։

08-11-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO