Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՍՈՑԻՈՒՄ


Առողջ սնունդ ընդունած երեխաները

Ավելի խելացի են, առավել կարողունակ

Վաճառվող պատրաստի մանկական սննդով երեխաներին կերակրելու, ինչպես նաեւ առհասարակ երեխաների սննդակարգի հարցերը մեր օրերում բավական մտահոգիչ են ու խնդրահարույց։
Շատ է խոսվում այն մասին, թե ինչքանով է նպատակահարմար մանկահասակ երեխաներին կերակրել դեղատներում ու խանութներում վաճառվող պատրաստի, տեխնոլոգիական մշակման ենթարկված կերերով։ Ծնողների զբաղվածությունը, ինչ խոսք, շատ դեպքերում այլընտրանքի հնարավորություն չի էլ թողնում։
Տարիներ առաջ լրատվամիջոցներից մեկը հրապարակել էր հոդված «Համաճարակաբանություն եւ համայնքային առողջություն» ամսագրի հրապարակած տվյալների վերաբերյալ։ Այդ տվյալների համաձայն՝ այն երեխաները, որոնք իրենց կյանքի առաջին երեք տարիների ընթացքում ընդունել են պատրաստի սնունդ, հետագայում ցուցաբերել են ավելի ցածր մտավոր կարողություններ։ Գիտնականների ուսումնասիրության առարկա են դարձել տասնչորս հազար երեխայի ունակությունները ութուկես տարեկան հասակում։ Մի խմբում ներառվել են այն երեխաները, որոնք կյանքի առաջին տարիներին սնվել են ավանդական սննդակարգով (բանջարեղեն, մրգեր, աղցաններ, կաթնամթերք), իսկ մյուս խմբում այն երեխաներն են, որոնք սնվել են պատրաստի սննդով։ Ուսումնասիրության արդյունքների համաձայն՝ առողջ սնունդ ընդունած երեխաներն ավելի խելացի են, քան տեխնոլոգիական մշակման ենթարկված սնունդ ընդունածները։ Ընդ որում՝ որոշիչ ընթացքը կյանքի առաջին երեք տարիներն են։
Այս առնչությամբ «Հայաստանի Հանրապետություն» օրաթերթը զրուցել է սննդի անվտանգության փորձագետ Դավիթ Պիպոյանի հետ։ Նա նշել է, որ երեխայի սննդակարգը ոչ միայն ուղեղի, այլեւ երեխայի զարգացման գործընթացում ունի շատ կարեւոր նշանակություն։ Դա վերաբերում է երեխայի ե՛ւ հենաշարժիչ համակարգին, ե՛ւ ներքին օրգաններին, ե՛ւ, բնականաբար, ուղեղին ու նրա մտավոր ունակություններին։
–Պարոն Պիպոյան, մեր հասարակությունը որքանո՞վ է հետեւում ճիշտ, առողջ սնվելուն, հատկապես՝ երեխայի պարագայում։
–Մեր հասարակությունը 21—րդ դարում բաժանված է երկու բեւեռի, ինչի մասին շատ ցավով եմ ասում։ Նոր մայրիկներ, որոնք հետեւում են բոլոր գրքերին, բոլոր խմբերին, Առողջապահության համաշխարհային կազմակերպության բոլոր ուղեցույցներին եւ մի փոքր, անգամ հիվանդագին են վերաբերվում այդ ամեն ինչին։ Մյուս կողմից, հասարակության մեջ կա մարդկանց որոշակի տոկոս, որոնց սոցիալական պայմաններն այնքան անբավարար են, որ նրանք ոչ միայն ժամանակ եւ հնարավորություն չունեն այդ ամենին հետեւելու, այլեւ ֆինանսական ռեսուրսներ չունեն՝ իրենց երեխաների համար անհրաժեշտ սննդակարգն ապահովելու։
–Մե՞ծ տոկոս են կազմում այդ շերտի անձինք։
–Երկու խմբի՝ ե՛ւ ֆինանսապես կայուն եկամուտներ ունեցող, ե՛ւ ֆինանսապես անկայուն մարդկանց թիվը բարձր է։ Այսինքն՝ շարունակում է բարձր մնալ աղքատների եւ ծայրահեղ աղքատների թիվը, որը մեկ տոկոս է։ Իսկ աղքատները կազմում են բնակչության շուրջ 23 տոկոսը, ինչը, եթե պատկերավոր ասեմ, կազմում է բնակչության մոտ մեկ քառորդը։ Նրանք եթե անգամ տիրապետեն աշխարհի բոլոր մեթոդներին եւ իրազեկված լինեն, միեւնույն է, ֆինանսական վիճակը թույլ չի տա, որ ապահովեն երեխաների պատշաճ սնուցումը։ Եվ պետք է ասեմ, որ երեխաների թերսնման սանդղակում Հայաստանը վատ առումով աշխարհի առաջատարներից է։
–Դա կապված է միայն աղքատությա՞ն, թե՞ նաեւ կրթվածության հետ։
–Մեր հետազոտությունները ցույց են տալիս, որ դա առավելապես պայմանավորված է սոցիալ—տնտեսական մակարդակով։ Եթե հաշվի առնենք, որ երեխայի սննդակարգում կաթն ու մսամթերքը շատ կարեւոր նշանակություն ունեն, ապա ֆինանսական առումով ընտանիքը պետք է ունենա համապատասխան միջոցներ։ Հաճախ կարծիք է հնչում, թե երեխայի համար գնում կոնֆետ են առնում։ Այստեղ մենք ունենք խնդիր, որ երեխաները պետք է ունենան նաեւ մանկություն։ Երեխայի մանկության մեջ մտնում է նաեւ կոնֆետը, այսինքն, պետք չէ ամեն ինչ ծայրահեղացնել։ Այո, ինչպես փող ունեցողն է կարողանում իր երեխային ապահովել ե՛ւ կաթով, ե՛ւ մսով, ե՛ւ կոնֆետով, այնպես էլ այն ընտանիքը, որն այդ հնարավորությունը չունի, գոնե մեկ անգամ իր երեխային պետք է կոնֆետ առնի։ Չպետք է նրան քննադատել եւ ասել, որ երեխայի համար կոնֆետի փոխարեն թող կաթ առնի։ Դա ես համարում եմ անթույլատրելի։
Դավիթ ՊԵՏՐՈՍՅԱՆ
Հ. Գ. Նշենք, որ պետությունը նախաձեռնել է անապահովության նպաստ ստացող 29000 ընտանիքներից 1000—ին 2020 թ. ընթացքում տրամադրել ընտանի կենդանիներ (հավեր, հնդկահավեր, խոզեր, կովեր, ոչխարներ, այծեր եւ այլն), որպես օգնություն։ Կենդանիների հետ տրամադրվում է նաեւ անասնակեր, ինչպես նաեւ անասնաբույժի ծառայություններից օգտվելու հնարավորություն։ Կառավարության գործնական քայլերից մեկն աղքատությունը հաղթահարելու ուղղությամբ նվազագույն աշխատավարձի բարձրացումն է։ 2020 թ. հունվարի 1—ից նվազագույն աշխատավարձը Հայաստանում բարձրացել է 13 000 դրամով՝ հասնելով 68 000 դրամի։

07-03-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO