Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՍՈՑԻՈՒՄ


«Առաջարկում եմ այդ գումարն ուղղակիորեն դնել շինարարության մեջ

Եվ մարդիկ ավելի մատչելի վճար կատարելով կունենան բնակարաններ»

2015 թ. Հայաստանում ներդրվեց հիփոթեքային վարկի սպասարկման համար եկամտային հարկով վճարված տոկոսների վերադարձի ծրագիրը, որից սկսեցին օգտվել մեծ թվով երիտասարդ ընտանիքներ ու երիտասարդ մասնագետներ։ Եթե հաշվի առնենք, որ վճարվող տոկոսները շատ դեպքերում ավելի մեծ չափերի են հասնում, քան հենց բնակարանի արժեքն է, պետք է միանշանակ ասել, որ այս ծրագիրը պետության կողմից էական աջակցություն էր նոր ստեղծվող ընտանիքների համար։ Մյուս կողմից, այն էապես նպաստեց Հայաստանում շինարարության, մասնավորապես, բնակֆոնդի թարմացման աշխատանքների աշխուժացմանը։
Բնակչությանը տրամադրված օժանդակության չափերը պատկերացնելու համար ծանոթանանք մի քանի թվային տվյալների։ Այսպես, 2015 թ. ընթացքում վարկառուներին (համավարկառուներին) վերադարձվել է եկամտային հարկի 273,9 մլն դրամ, 2016—ին՝ 1.349,8 մլն դրամ, 2017—ին՝ 2.416,0 մլն դրամ, իսկ 2018 թ. ընթացքում՝ 4.683,7 մլն դրամ գումար։ 2019 թ. հունվարի 1—ի դրությամբ գործընթացի սկզբից վարկառուներին (համավարկառուներին) պետական բյուջեից վերադարձվել է վճարված եկամտային հարկի 8,7 մլրդ դրամի չափով գումար։
Օրերս լուրեր տարածվեցին այն մասին, որ կառավարությունը պատրաստվում է այս ծրագիրը դադարեցնել։ Որքանով են իրականությանը մոտ այս խոսակցությունները՝ պարզաբանման նպատակով «Հայաստանի Հանրապետություն» օրաթերթը զրուցել է ԱԺ պատգամավոր, տնտեսագետ Հայկ Գեւորգյանի հետ։
«Առայժմ որեւէ նախագիծ չկա։ Եկամտահարկի վերադարձով հիփոթեքային վարկի տրամադրումը շարունակվում է։ Այդ կետը պարունակող որեւէ վերջնական, նույնիսկ քննարկվող նախագիծ գոյություն չունի։ Բայց տրամաբանությունը հուշում է, որ որեւէ պահի այդ ծրագիրը կդադարի։ Թե երբ դա կլինի, դժվար է ասել, բայց մինչեւ այդ, կարծում եմ, այլընտրանք կառաջարկվի, որպեսզի մարդիկ կարողանան անշարժ գույք ձեռք բերել»,— ասաց Հ. Գեւորգյանը։
Նա անդրադարձավ իր կողմից մշակված այլընտրանքային մի տարբերակի, որն արդեն ներկայացրել է եւ, այսպես ասած, քննարկվում է ոչ ստրուկտուրիզացված կերպով. «Դա այն է, որ պետությունը կառուցում է բնակարանները պետական միջոցներով կամ պետության միջոցներով մասնավորը կառուցում է բնակարաններ, եւ գնորդը 20 տարվա ընթացքում այդ ծախսը փակում է։ Այնքան, որքան հիմա հիփոթեքային վարկով են փակում։ Այսինքն, այստեղ բանկը, որպես օղակ, դուրս է գալիս։ Սա այն ծախսն է, որ պետությունը կատարում է եկամտահարկի վերադարձի տեսքով»։
Պատգամավորը հավելեց, որ դա ընդամենը առաջարկ է, որը կարելի է քննարկել, սակայն այդ ամենում բազմաթիվ մանրուքներ ու նրբություններ կան, որոնք պետք է հաշվի առնվեն։ Բանախոսը նաեւ նշեց, որ իր հաշվարկներով պետության կողմից բնակարանների կառուցման դեպքում ծախսերն ավելի քիչ են լինելու, քան հիմա վճարվում է բանկերին. «Օրինակ, իմ ձեռքի տակ մի պայմանագիր կա, որի վրա հաշվարկներ եմ անում, ըստ դրա, 24 մլն դրամ 20 տարվա ընթացքում պետք է վճարի հաճախորդը՝ վարկառուն, 30 մլն դրամի եկամտային հարկ պետք է վերադարձնի պետությունը։ Ես առաջարկում եմ այդ գումարն ուղղակիորեն դնել շինարարության մեջ, եւ մարդիկ հնարավորություն ունենան ավելի մատչելի վճար կատարելով 20 տարի հետո ունենալ սեփական բնակարան»։
Դավիթ ՊԵՏՐՈՍՅԱՆ

17-03-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO