Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.01.2021
ՍՈՑԻՈՒՄ


Լինել զգուշավոր, խուսափել անցանկալի տրամադրություններից

Իրավիճակն ունի ինչպես բացասական, այնպես էլ դրական ազդեցություն

Ցանկացած նոր իրավիճակ կարող է սթրեսային լինել, եթե մարդը չգիտի՝ ինչպես վարվել կամ ինչ է սպասվում դրա հետեւանքով։ Կորոնավիրուսի համավարակը նոր իրավիճակ եւ «խաղի կանոններ» է ստեղծել ամբողջ աշխարհում, այդ թվում՝ Հայաստանում։
Հոգեբանական գիտությունների թեկնածու, դոցենտ Կարինե Նալչաջյանը «Հայաստանի Հանրապետություն» օրաթերթի թղթակցի հետ զրույցում նշեց, որ սա այնպիսի իրավիճակ է, որն ունի ե՛ւ դրական, ե՛ւ բացասական ազդեցություն։
Դրական ազդեցություն կարող է ունենալ այն իմաստով, որ միավորման մեկնարկ դառնա պառակտված, երկփեղկված հասարակության համար, ինչը խիստ մտահոգիչ իրավիճակ է ստեղծում հասարակության հոգեկան կյանքում։ «Նման իրավիճակներում մարդկանց մոտ ուժեղանում են պաշտպանական ֆունկցիաները։ Նրանք սկսում են գիտակցել, որ անկախ այն բանից, թե որ քաղաքական, սոցիալական կամ այլ խմբերում էլ լինեն, պետք է սթափվեն եւ հասկանան, որ բոլորս «մենք ենք»։ Հասարակությունը միատարր է այս համաճարակի առջեւ, յուրաքանչյուրս հազարավոր թելերով կապված ենք միմյանց հետ, եւ հենց դա էլ նպաստում է «մենք»—ի զգացողության ուժեղացմանը»,–մանրամասնեց հոգեբանը։
Այսօր, ցավոք, հաճախ ենք փորձում ստեղծված իրավիճակում մեղավորներ փնտրել՝ այդ կերպ փորձելով պատասխանատվությունը հեռացնել մեզանից։ Զրուցակիցս նկատեց, որ մարդը բանական արարած է եւ հատկապես վտանգի առջեւ միշտ բնականորեն հարց է տալիս, թե ինչու այդպես եղավ, մեզանից յուրաքանչյուրն էլ կյանքում խնդիրների բախվելիս փորձում է պատճառը գտնել։ «Գործ ունենք մի երեւույթի հետ, որի պատասխանատվության ծանրությունը միայն անհատ քաղաքացու վրա դնելը ճիշտ չէ։ Փողոցում տեսնում եմ մարդկանց մի ստվար զանգված, որոնք դիմակներով եւ ձեռնոցներով են ման գալիս, այսինքն՝ երբ մարդկանց ճիշտ եւ գրագետ ներկայացվում է վտանգը, հասարակությունն էլ համարժեք պատասխան է տալիս։ Դա կնպաստի, որ մարդիկ ավելի լուրջ մոտենան խնդրին»,–ասաց Նալչաջյանը՝ նշելով, որ պետք է հաշվի առնենք, թե ինչ սխալներ գործեցին այն երկրները, որտեղ մեծ տարածում գտավ վիրուսը, եւ ինչ արեց, օրինակ, Չինաստանը, որ կարողացավ հաղթահարել վիրուսի տարածումը։
Անդրադառնալով մարդկանց կողմից խանութներից մեծաքանակ գնումներին՝ հոգեբանը նշեց, որ պետք չէ մեղադրել մարդկանց մեծաքանակ պարեն գնելու համար, քանի որ դա հնարավորություն է տալիս ավելի քիչ դուրս գալ տնից եւ ավելի քիչ շփվել այլ մարդկանց հետ. «Մեծ գնումներն արդարացված են նրանով, որ մի քանի օրվա համար գնում կատարելու դեպքում մի քանի օր ավելի քիչ ես դուրս գալիս մարդաշատ վայրեր, խանութներ եւ այլն։ Ինքնամեկուսացվելը կարեւոր միջոցառումներից մեկն է, եւ եթե ստիպված ես դուրս չգալ, ապա, բնականաբար, այդ օրերի համար տանը պետք է պարեն լինի։ Մեղադրել պետք չէ։ Դա առավելապես զգուշավորության դրսեւորում է։ Մարդիկ իրենց այդպես ապահովագրում են»։
Անցանկալի տրամադրությունների տարածումից խուսափելու լավագույն պայմանը կառավարման լծակներ ունեցող մարդկանց հանդեպ վստահությունն է։ «Բարեբախտաբար այսօր կան նաեւ ինքնակազմակերպվող մարդիկ, մեծ աշխատանք են կատարում բժիշկները, որոնք անմիջապես բախվում են վտանգի հետ։ Ցանկալի է, որ ճգնաժամային պայմաններում ներգրավվեն նաեւ փորձառու մասնագետները։ Շատ ուշադիր պետք է լինել անկումային տրամադրությունների դեմն առնելու համար, քանի որ այն խեղաթյուրում է հասարակական կյանքը եւ շատ լուրջ վտանգի առջեւ կանգնեցնում պետությանը»,–ընդգծեց հոգեբանը։ Բնականաբար, տանը երկարատեւ մնալը կարող է ունենալ իր հոգեբանական ազդեցությունը, չէ՞ որ կարող է ստիպված լինենք շաբաթներ շարունակ տանը մնալ։ Նման պայմաններում մասնագետն առաջարկում է ապահովել ինքնազբաղվածությունը եւ հավատում է, որ գրագետ մոտեցման դեպքում այս իրավիճակից կարելի է ավելի ուժեղացած դուրս գալ։
Լուսինե ՄԽԻԹԱՐՅԱՆ
l.mkhitaryan@hhpress.am

20-03-2020





28-01-2021
Ազգային նկարագիրն ու հոգեկերտվածքը մեր բանակի ամենահզոր զենքերն են
Արժանի լինենք հայ զինվորին՝ կառուցելով մեր բաժին պետականությունը



28-01-2021
«...Մենք դեռ կռվելու եւ հաղթելու ենք...»
Թշնամին միշտ թշնամի է. երբեք չպետք է փոխել վերաբերմունքը ...


28-01-2021
Հաղթական ճակատամարտով է սկսվում հայերիս պատմությունը
Ազգային գաղափարախոսություն՝ ռազմական բաղադրիչի մեծացմամբ

Հայ զինվորականը մշտապես ...


28-01-2021
ՀՀ ԶՈՒ ստեղծումը վերջին հազարամյակում մեր ժողովրդի մեծագույն նվաճումն ու հաղթանակն է
Հարցազրույց ՀՀ ԶՈՒ պահեստի գնդապետ, «Արծիվ մահապարտներ» գումարտակի մարտիկ, ...


28-01-2021
Հայկական հաղթանակների խորհրդանիշ Շուշին կվերածվի պանթուրքիզմի որջի՞
Այստեղ «Գորշ գայլերի» դպրոցի հիմնումն ուղղված է արցախյան հիմնահարցի ...


28-01-2021
Երկիր Նաիրիի բանաստեղծը
Նա ազնիվ մետաղի պես փայլ տվեց մեր արքայական լեզվին


28-01-2021
Առակաց խորհուրդը. Քրիստոսի առակները
«Դարձեալ նման է երկնքի արքայութիւնը ծովը գցուած ուռկանի, որ ...



28-01-2021
Նիկոլ Փաշինյանն ընդունել է Ջավադ Զարիֆին
ՀՀ վարչապետ Նիկոլ Փաշինյանն ընդունել է Իրանի ...

28-01-2021
Քննարկվել է Տնտեսական արձագանքման ծրագրի նախագիծը
ՀՀ վարչապետ Նիկոլ Փաշինյանի գլխավորությամբ ...

28-01-2021
Տեւական խաղաղության համար հիմքեր չկան
Հայաստանը չի համարում, որ Արցախի դեմ Ադրբեջանի ...

28-01-2021
«Վահագնի Սիթիի» հաղթանակով
Հայաստանի բասկետբոլի տղամարդկանց «Ա» լիգայի ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO