Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՆԵՐՔԻՆ ԿՅԱՆՔ


Ոստիկանությունը բարձր մակարդակով է իրականացնում իր ծառայությունը

Եվ հատուկ խմբեր ձեւավորելու անհրաժեշտություն չկա

Ինքնամեկուսացման ռեժիմին հետեւելու գործառույթը հանձնարարվել է ոստիկաններին։ Ցուցակները ներկայացվում են առողջապահության նախարարության կողմից եւ ամեն օր թարմացվում են։ Ոստիկանությունը մոնիտորինգն անում է հեռախոսով, յուրաքանչյուր չորս ժամը մեկ անգամ։ Օրական գրանցվում է 2-4 խախտում, բայց բոլոր խնդիրները լուծվում են համոզելով, հորդորով, եւ քաղաքացիներն արագորեն կատարում են պահանջը։ Երեկ կառավարությունում լրագրողների հետ հանդիպմանը այս մասին նշեց ոստիկանության պետի տեղակալ Հայկ Մհրյանը։
«Կարծում եք՝ հեռախոսային կապն ու հորդորը բավարա՞ր է քաղաքացիների ինքնամեկուսացման կարգապահությունը ստուգելու համար։ Այցեր չե՞ք անում»,–«ՀՀ»-ի հարցին ի պատասխան փոխոստիկանապետը համառոտեց. «Անհրաժեշտության դեպքում նաեւ այցեր ենք կատարում»։
Միաժամանակ Հայկ Մհրյանը շեշտեց ոստիկանության պատրաստակամությունը՝ կատարելու ընդունված օրենսդրական փոփոխությունների պահանջները։
Իսկ հնարավո՞ր է, որ ինքնամեկուսացման ռեժիմի խախտման համար հատուկ խմբեր ձեւավորվեն։ Բանախոսի պատասխանը հստակ էր. «Այդ խմբերը ձեւավորելու անհրաժեշտություն չկա»։
Ոստիկանության հոսպիտալում նույնպես կազմակերպվել է կորոնավիրուսով հիվանդ քաղաքացիների բուժման պրոցես։ Հիմա այնտեղ բուժվող 59 ՀՀ քաղաքացի կա։ Բանախոսը կորոնավիրուսի դեմ պայքարի ընթացքում մեր ոստիկանության գործողությունները բաժանեց երկու փուլի։ Առաջին փուլը սկսվել է փետրվարի 23—ից՝ մինչ ՀՀ—ում կորոնավիրուսի առաջին դեպքի հաստատումը։ Այդ փուլն իրագործելու համար ոստիկանության պետի կողմից ստորագրվել է հրաման, որով կարգավորվում էին այն միջոցառումներն ու ուժերը, որոնք պետք է արվեին։ Կատարվել է Իրանից բեռնատար մեքենաների ուղեկցումը ՀՀ տարբեր տարածքներ։ Խնդիրը ԻԻՀ—ից եկող բեռնատարների վարորդներին ՀՀ քաղաքացիների հետ կոնտակտի մեջ մտնել թույլ չտալն էր։ Այդ ժամանակահատվածում կատարվել է 459 տրանսպորտային միջոցի 98 ուղեկցում՝ խմբերով։ Այս պահին էլ Իրանից եկող բեռնատարներն ուղեկցվում են։
Հետո առողջապահության նախարարության հետ համատեղ իրականացրել են այն անձանց մեկուսացումը, որոնք, հնարավոր է, վարակակիր էին։ Դրանից հետո «Զվարթնոց» օդանավակայանի մասնաշենքի, «Ռենկո» ընկերության աշխատակիցների, Էջմիածին քաղաքի մեկուսացումն է արվել։ Մեկուսացումները կայուն պահակակետերի միջոցով էին անում՝ համագործակցելով առողջապահության նախարարության աշխատակիցների հետ։
Իսկ երկրորդ փուլի գործողությունները սկսվել են այն պահից, երբ երկրում արտակարգ դրություն է հայտարարվել։ Ու այդ պահից մեկուսացվածների տեղաբաշխման վայրերն ավելացան 10—ով։ Այդտեղ նույնպես կայուն պահակակետերի միջոցով պահպանություն էր արվում։
Ինչ վերաբերում է ոստիկանության շարքերում կորոնավիրուսով վարակվածության դեպքերին։ Պարզվում է՝ կան ոստիկաններ, որոնք կորոնավիրուսի թեստ են հանձնել, բայց հաստատված դեպքեր չկան։ Մեկ ոստիկան ընտանիքով Ծաղկաձորում պարզապես հսկողության տակ է։ Ինքնամեկուսացված ծառայողներ կան, բայց շատ չեն։
Խոսելով լրատվամիջոցներին նյութեր հեռացնելու ու խմբագրելու պահանջ ներկայացնելուց՝ փոխոստիկանապետը հայտնեց, որ ցայժմ 22 լրատվամիջոցի հետ են ոստիկանության ստորաբաժանումները աշխատել, հորդորել են պարետի ցուցումներին հակասող ու պաշտոնականին չհամապատասխանող տեղեկությունները հեռացնել։ Վարչական տուգանք դեռ ոչ մեկի նկատմամբ չի կիրառվել։
Հարց է ծագում՝ իսկ այդ ո՞րն է խուճապ պարունակող տեղեկությունը, եւ ինչպե՞ս է դա որոշվում։ «Մենք համապատասխան մասնագետներ ունենք, ովքեր այդ տեղեկությունը մանրակրկիտ ուսումնասիրում են եւ խուճապ պարունակող տեղեկատվություն պարունակելու դեպքում անմիջապես արձագանքում են՝ հենվելով պարետի ցուցումի վրա»,– նշեց փոխոստիկանապետը։
Ի դեպ, պարզվեց նաեւ, որ ոստիկանության զորքերը ներգրավված են արտակարգ դրության շրջանակներում իրականացվող գործողություններին, «շատ բարձր մակարդակի իրականացնում են իրենց ծառայությունը, ստորաբաժանումները համապատասխան միջոցներով հագեցված են»։ Ոստիկանների համար էլ պահանջ կա դիմակներ, ձեռնոցներ կրելու, ախտահանող նյութեր ունենալու։ Եվ սահմանված կարգով ու ըստ անհրաժեշտության եւ քանակի դրանք տրամադրվում են։ Ախտահանումն էլ ոչ միայն ոստիկանության մեքենաների, այլեւ օրենքով սահմանված կարգով պահանջված բոլոր վայրերում իրականացվում է։ Կարգն ու ձեւը մասնագետների միջոցով որոշվել են։
Հավելենք, որ պարետի ցուցման համաձայն՝ ոստիկանությունը հսկողություն է անում նաեւ հուղարկավորությունների կազմակերպմամբ զբաղվող տնտեսավարող սուբյեկտների նկատմամբ՝ սերտ համագործակցելով տարածքային ինքնակառավարման մարմինների հետ։ Ոստիկանությունը ցուցումը ստանալուց հետո 1351 իրազեկում է ուղարկել տնտեսավարող սուբյեկտներին, որոնցից 1133—ը ժամանցի եւ զվարճանքի վայրեր էին, իսկ 126—ը՝ հոգեհանգստի սրահներ։ 1 օր առաջվա դրությամբ 115 հոգեհանգստի եւ հուղարկավորության միջոցառումներ են սպասարկվել, պահպանվել է 20 հոգու սահմանափակման ռեժիմը։
Ոստիկանությունը վերահսկում է նաեւ, որպեսզի տրանսպորտում ուղեւորների թիվը չգերազանցի տեղերի քանակը։ Միայն մարտի 20—ին կազմվել է խախտումների ավելի քան 70 զեկույց։
Արմենուհի ՄԵԼՔՈՆՅԱՆ
a.melqonyan@hhpress.am

24-03-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO