Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՄՇԱԿՈՒՅԹ


Պարոնյանի անվան թատրոնը 3 նոր բեմադրություն է նախապատրաստում

Ի դեպ, այն նույնպես անցել է առցանց տարբերակի

Հուրախություն թատերասերների՝ Հակոբ Պարոնյանի անվան երաժշտական կոմեդիայի պետական թատրոնը նույնպես միացավ «Մնա տանը» նախաձեռնությանը՝ առաջարկելով երեկոներն անցկացնել թատրոնի «ֆեյսբուքյան» հարթակում եւ ներկայացումները դիտել առցանց տարբերակով։ Երեկ, օրինակ, ցուցադրվում էր «Ատամնաբույժն արեւելյան» բեմադրությունը։ Ուշադիր հետեւեք թատրոնի էջին, քանի որ վաղը ցուցադրվելու է Էդուարդո դե Ֆիլիպոյի «Գողը դրախտում» գործը։ Մարտի 27—ին էլ առիթ կունենանք դիտելու «Պարոն Բաբիկը եւ ուրիշները» ներկայացումը։
Հ.Պարոնյանի անվան երաժշտական կոմեդիայի պետական թատրոնը հայաստանյան մյուս թատրոններից առաջին հերթին տարբերվում է իր ժանրային առանձնահատկությամբ, ներկայացումների ոճով եւ տեսակով։ Թատրոնի տնօրեն Կարո Շահբազյանը շեշտում է՝ Երաժշտական կոմեդիայի ժանրը առանձնանում է իր սինթետիկությամբ, որտեղ միաժամանակ ներառվում են կենդանի երաժշտությունը, երգը, պարը եւ բեմական շարժումը։ Թատրոնը, Կ. Շահբազյանի ձեւակերպմամբ՝ կենդանի օրգանիզմ է, որտեղ պարբերաբար լինում են նոր ներկայացումներ, փորձեր. «Դեռ անցած տարեվերջին մեր թատրոնում բեմադրվեց «Բրեմենյան երաժիշտները» հայտնի երաժշտական ստեղծագործությունը։ Երաժշտական մանկական ներկայացում, որը Ամանորի տոնական օրերին անցնում էր լեփ—լեցուն դահլիճներով։ Ավելի քան 35000 հանդիսատես ունեցավ մեր այդ ներկայացումը եւ մեծ ընդունելության արժանացավ ոչ միայն փոքրերի, այլեւ նրանց ծնողների, տատիկ—պապիկների կողմից»։
Ներկայումս աշխարհում տիրող համաճարակային իրավիճակի պատճառով, թատրոնի տնօրենը դժվարացավ հստակ ժամանակացույցով ներկայացնել առաջիկա ծրագրերը։ Հույս հայտնեց, որ այս արտակարգ իրավիճակային օրերը շուտ կանցնեն, եւ թատրոնը կաշխատի իր բնականոն գրաֆիկով։ Սակայն Կ. Շահբազյանն, այդուհանդերձ, տեղեկացրեց, որ առաջիկայում նախատեսում են 3 նոր բեմադրություն. «Դրանցից մեկը բեմադրում է մեր թատրոնի ռեժիսոր Անուշ Սարգսյանը՝ ընտրվել է Չեպմեն—Փրիմենի «Բանալի երկուսի համար» գործը, որի պրեմիերան նախատեսում էինք ապրիլին, բայց, հայտնի պատճառներից ելնելով, հնարավոր է հետաձգվի։ Ապրիլին մեծ պրեմիերայով նախատեսում էր բացվել «Երվանդ Ղազանչյան» թատերասրահը, որը կունենա իր ուրույն խաղացանկը։ Թատերասրահի բացումը պետք է ազդարարվի Պարոնյան թատրոնի գլխավոր ռեժիսոր Հակոբ Ղազանչյանի նոր՝ «Հարդասենյակ կանանց համար» ներկայացմամբ (հեղինակ՝ Ռոդոլֆո Սանտանա)։ Իսկ որպես երրորդ ներկայացում՝ նախատեսվում է այս տարի անդրադառնալ Դերենիկ Դեմիրճյանի «Քաջ Նազար» ստեղծագործությանը, որի համար գրվում է երաժշտություն եւ պատրաստվում ենք ունենալ մեր թատրոնի ժանրին համահունչ ներկայացում»։
Կ. Շահբազյանը շեշտում է՝ թատերական կյանքը մինչ այս բնականոն հունով ընթանում էր, այժմ թատրոնների գործունեությունը ժամանակավորապես դադարեցված է. «Հուսանք, այս ամենը շուտ կավարտվի, եւ մենք էլ կանցնենք մեր բնականոն աշխատանքային ռիթմին»։ Պարոնյանի անվան թատրոնում այցելությունների դրական տեղաշարժ է նկատվում։ Տնօրենն ընդգծում է՝ լեփ—լեցուն դահլիճով ներկայացումներ են ունեցել։ Մի քանի օրից նշելու են Թատրոնի միջազգային օրը։ Պարոնյան թատրոնի տնօրենի խոսքով՝ աշխարհում ստեղծված այս իրավիճակում, երբ բոլորին հորդորում են տանը մնալ, ինքնամեկուսանալ՝ հնարավոր չէ որեւէ բան կազմակերպել։ Այնպես որ, Թատրոնի միջազգային օրվա հետ կապված բոլոր ծրագրերը երաժշտական կոմեդիայի պետական թատրոնը նույնպես ժամանակավորապես հետաձգում է։
Լիանա ՍԱՐԳՍՅԱՆ
l.sargsyan@hhpress.am

24-03-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO