Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՆԵՐՔԻՆ ԿՅԱՆՔ


Հանուն մեր ծնողների, տատիկների եւ պապիկների անվտանգության ապահովման

Առավելագույն լրջությամբ վերաբերվենք իրավիճակին եւ տնից դուրս գանք միայն խիստ անհրաժեշտության դեպքում

Մարտի 24-ից, ժամը 23։59 րոպեից առնվազն մեկ շաբաթով կգործեն նոր սահմանափակումներ, ինչը նշանակում է, որ հազարավոր ձեռնարկությունների աշխատանքը դադարեցվելու է, թույլատրվելու են միայն կենսական անհրաժեշտ կազմակերպությունների գործունեությունը եւ մարդկանց միայն կենսական անհրաժեշտ տեղաշարժը։ Փողոցում հայտնված մարդիկ պետք է բացատրեն, թե ուր են գնում, եւ այդ բացատրությունը չպետք է դուրս գա «կենսականորեն անհրաժեշտ տեղաշարժի» տրամաբանությունից։ Այս մասին երեկ ՀՀ վարչապետ Նիկոլ Փաշինյանը նշել է ժողովրդին հղած իր ուղերձում։
«Տեղաշարժի մեջ գտնվող մեր բոլոր քաղաքացիները պիտի ունենան անձը հաստատող փաստաթուղթ, եւ պարետատունը կսահմանի քաղաքացու կողմից տեղաշարժի ձեւաթուղթ լրացնելու պարտադիր պայման։ Ինչ վերաբերվում է կենսական անհրաժեշտ համարվող գործունեությունների եւ տեղաշարժերի ցանկերին, պարետատունը դրանք հրապարակել է արդեն, եւ հարկ չեմ համարում թվարկել բոլոր դեպքերը։ Առնվազն մեկ շաբաթով փակ կլինեն բոլոր ռեստորանները եւ սրճարանները, աշխատելու են խանութները, դեղատները, բանկերը»,–ասաց նա՝ շեշտելով, որ չնայած քաղաքացիները հնարավորություն կունենան այցելելու խանութ, դեղատուն եւ բանկեր, ցանկալի է, որ դրա փոխարեն առավելագույնս օգտվեն օնլայն ծառայություններից։ Նա նաեւ ներողություն խնդրեց հանրությունից այս սահմանափակումների ու անհարմարությունների համար՝ ընդգծելով, որ դրանք արվում են մեր ծնողների, տատիկների եւ պապիկների անվտանգության ապահովման նպատակով։
ՀՀ վարչապետը նշեց, որ որ բոլոր խանութները, դեղատները, բանկերը ժամը 10։00—12։00–ը կսպասարկեն միայն 65—ից բարձր տարիք ունեցող քաղաքացիներին։ Մյուս բոլոր քաղաքացիներին կոչ անելով նշված ժամանակահատվածում չգնալ խանութ՝ Նիկոլ Փաշինյանը հույս հայտնեց, որ քաղաքացիները տանը մնալու ընթացքում կպահպանեն հակահամաճարակային հիգիենայի բոլոր կանոնները եւ կհետեւեն առողջապահության նախարարության հրահանգներին։
Հայաստանում կորոնավիրուսով հիվանդների շրջանում 65—ից բարձր տարիքի 11, իսկ 70—ից բարձր տարիքի՝ 5 անձ կա։
80 տարեկանից բարձր հիվանդ չունենք, ինչը լավատեսություն է ներշնչում, որ այս իրավիճակից կարող ենք դուրս գալ հնարավորինս նվազ կորուստներով։
«Ընդհանուր առմամբ, թոքաբորբ ունեցող 30 հիվանդ ունենք, որոնցից 5-ը գտնվում են ինտենսիվ թերապիայի բաժանմունքում։ Դժբախտաբար, նրանցից մեկի՝ 77-ամյա մեր հայրենակցի վիճակը ծայրահեղ ծանր է։ 4-ի վիճակը բժիշկները գնահատում են ծանր։ Այս պահի դրությամբ ունենք 868 մեկուսացված քաղաքացի, ավելի քան 2419 քաղաքացու համար սահմանվել է ինքնամեկուսացում, եւ հույս ունեմ, որ բոլորն էլ ճշգրտորեն կպահպանեն մեկուսացման պայմանները»,–նշեց վարչապետը։
Կորոնավիրուսի դեպքեր կան մայրաքաղաք Երեւանում, Արմավիրի, Արարատի, Արագածոտնի, Կոտայքի, Սյունիքի, Շիրակի եւ Լոռու մարզերում։ Չնայած դրան, ինչպես փաստեց Նիկոլ Փաշինյանը, դեպքերի մեծ մասի ծագումնաբանությունը հայտնի է։ Տարածման երեք զարգացող ճյուղ կա Հայաստանում. «Իրանից ժամանած մեր հայրենակիցները, Էջմիածնի մեր հայրենակիցները եւ Երեւանի արտադրամասի մեր հայրենակիցները»։
ՀՀ վարչապետն ընդգծեց, որ, ըստ էության, հաջողվել է կանգնեցնել Իրանի եւ Էջմիածնի ճյուղերի հետագա զարգացումը, եւ այժմ առաջին պլանում Երեւանի արտադրամասի ճյուղի հետագա զարգացման կանխումն է։
Հայաստանում մարտի 24—ի ժամը 18։30—ի դրությամբ կորոնավիրուսի հաստատված 249 դեպք կա, որոնց մեծ մասը Երեւանի «Նորք» ինֆեկցիոն հիվանդանոցում են, մյուսները՝ հանրապետության այլ բուժհաստատություններում։ Նրանց մի մասն այս պահին նույնիսկ ջերմություն չունի, ինչը հույս է ներշնչում, որ շատերը կբուժվեն անգամ առանց որեւէ բժշկական միջամտության, եւ հիմա նրանք հիվանդանոցում են միայն այն պատճառով, որ չվարակեն ուրիշ քաղաքացիների։
«Առողջացել եւ հիվանդանոցներից դուրս է գրվել նախկինում կորոնավիրուսով վարակված 4 քաղաքացի, ինչպես նաեւ մեկուսացումից տուն է վերադառնում 37 քաղաքացի։ Մենք քայլ առ քայլ հաղթահարում ենք կորոնավիրուսը»,–ավելացրեց վարչապետը։
Նիկոլ Փաշինյանն իր ուղերձում նշեց նաեւ այն քայլերը, որոնք պետք է արվեն տնտեսական ոլորտում՝ կորոնավիրուսի համավարակի դեմ պայքարի օրերին եւ դրանից հետո։
«Արժույթի միջազգային հիմնադրամն արձանագրել է, որ 2020 թ. անկումային է լինելու համաշխարհային տնտեսության համար։ Որոշ գնահատականների համաձայն՝ անկումը ավելի խորն է լինելու, քան անգամ 2008—2009 թթ. տնտեսական ճգնաժամի ժամանակ։ Հայաստանի պարագայում կանխատեսումներն այս պահի դրությամբ մի փոքր ավելի դրական են, բայց ակնհայտ է, որ մենք կորցնելու ենք աճի այն տեմպը, որը համատեղ աշխատանքի արդյունքում ձեւավորեցինք 2019 թվականին։ Բայց, ինչպես ասել եմ նախկինում, այս իրավիճակը մենք ընկալում ենք ոչ թե որպես ողբերգություն, այլ որպես նոր հնարավորություն՝ համաշխարհային տնտեսության մեջ Հայաստանի տեղադիրքը փոխելու, տնտեսական հեղափոխության մեր օրակարգն ավելի արդյունավետ եւ կրկնապատիկ տեմպերով կյանքի կոչելու համար»,–ասաց Փաշինյանը։
ՀՀ վարչապետը շեշտեց, որ աշխարհում համախառն ներքին արդյունքի 3 տրիլիոն դոլարանոց անկում է լինելու, ինչը նշանակում է, որ համաշխարհային շուկայում այդքան տեղ ազատվելու է։ «Այսօրվանից պետք է տրամադրվենք, որ ազատված տեղի առնվազն 30 միլիարդանոց հատվածը հենց Հայաստանը պետք է զբաղեցնի, եւ խնդիրը պետք է լուծի առաջիկա հինգ տարում։ Սա նշանակում է, որ մենք խնդիր պետք է դնենք զբաղեցնել ազատվող շուկայի մեկ տոկոսը, եւ ես հավատում եմ, որ կարող ենք դա անել։ Ամբողջ աշխարհն է հիացած հայ գործարարի տաղանդով, որի շնորհիվ կորոնավիրուսի ամենաճգնաժամային պահին Հայաստանը պարենային եւ լայն սպառման ապրանքների որեւէ դեֆիցիտ չունեցավ։ Այսպիսի արդյունքով չեն կարող պարծենալ աշխարհի շատ ու շատ զարգացած երկրներ։ Եվ սա՝ մեր գործարարների, աշխատող հայ մարդու տաղանդի շնորհիվ»,— նշեց վարչապետը՝ միաժամանակ փաստելով, որ կառավարությունը շուրջ 150 միլիարդ դրամ է տրամադրելու՝ իրականում ոչ թե ճգնաժամային այս վիճակին դիմադրելու, այլ հետճգնաժամային աշխարհում մեր հաղթանակները նախապատրաստելու համար։ Կառավարության առաջիկա նիստում կընդունվի նաեւ գյուղատնտեսության խթանման լայնածավալ ծրագիր։ Բոլոր տեսակի նոր տրամադրվող գյուղատնտեսական վարկերի տոկոսները կառավարության կողմից կզրոյացվեն, ինչպես նաեւ առանձնահատուկ պայմաններ կստեղծվեն ռեալ աշխատող եւ նոր ձեւավորվող գյուղատնտեսական կոոպերատիվների համար։
Գյուղատնտեսական գործունեությունը այս օրերին չպետք է արգելակվի։ ՀՀ վարչապետը հայ գյուղացուն կոչ արեց ակտիվորեն զբաղվել գարնան գյուղատնտեսական աշխատանքներով, որովհետեւ նաեւ պարետատան որոշմամբ գործունեության այդ տեսակը համարվել է կենսական։
Նիկոլ Փաշինյանը շնորհակալություն հայտնեց բժիշկներին, ոստիկաններին, կամավորներին, սպաներին ու գեներալներին եւ բոլոր նրանց, ովքեր կորոնավիրուսի դեմ պայքարի օրերին աչալուրջ հսկում են հայրենիքի անվտանգությունը։ Նա կոչ արեց արտակարգ դրության ռեժիմի ընթացքում տանը մնալու, մեկուսանալու եւ ինքնամեկուսանալու ժամանակահատվածն օգտագործել կարդալու, մտածելու, երազած ապագան պլանավորելու եւ այդ ապագան կյանքի կոչելու վճռականությամբ տոգորվելու համար։

25-03-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO