Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ՄՇԱԿՈՒՅԹ


Պատանի հանդիսատեսի թատրոնի նոր անակնկալը

Իսկ որոշ ներկայացումներ առայժմ ժամանակավոր դադարի մեջ են

Շարունակում ենք հետեւել թատրոնների գործունեությանը օնլայն հարթակներում։ «Ֆեյսբուքում» ակտիվությամբ, Պատանի հանդիսատեսի թատրոնը շարունակում է պահպանել առաջնային դիրքերը։ Այս անգամ թատրոնը հնարավորություն է տալիս «Ֆեյսբուքով» դիտելու վեց «Արտավազդ» մրցանակի արժանացած «Մեղրի համը» ներկայացումը։ Թատերասերներն այն կարող են դիտել Թատրոնի միջազգային օրը՝ մարտի 27-ին, սկիզբը՝ ժամը 20։00-ին։
Հիշեցնենք, որ «Տանը մնա» նախաձեռնության շրջանակներում ֆեյսբուքյան էջի ուղիղ եթերով Պատանի հանդիսատեսի թատրոնն արդեն հեռարձակել է «Շունն ու կատուն», «Փայտե մարդը», «Վերջին ուսուցիչը» ներկայացումները։ Թատրոնի գեղարվեստական ղեկավար Դավիթ Հարությունյանը «ՀՀ»—ի հետ զրույցում շեշտում է՝ ՊՀԹ—ն հիմնադրման օրվանից (1929 թ.) մինչ օրս կատարում է թատրոնի համար կարեւոր եւ առանձնահատուկ առաքելությունը. «Նոր բան ասած չեմ լինի, եթե կրկնեմ այդ առաքելության գլխավոր նպատակները։ Այն է՝ պատանիների կրթական, գեղագիտական դաստիարակություն եւ նրանց՝ թատերարվեստին ծանոթացնելն ու մերձեցնելը»։
Դ. Հարությունյանի խոսքով՝ Պատանի հանդիսատեսի թատրոնի 90—ամյա խաղացանկն ուսումնասիրելիս կարելի է վստահաբար արձանագրել այն կարեւոր փաստը, որ թատրոնն իր հարուստ խաղացանկով միշտ նպաստել է պատանիների, երիտասարդների, ինչպես նաեւ ավագ սերնդի ներկայացուցիչների գեղարվեստաէսթետիկ հայացքների զարգացմանը՝ բեմ հանելով ազգային եւ համաշխարհային թատերգության լավագույն նմուշները։ Թատրոնի խաղացանկը մշտապես փոխլրացվում է նոր ներկայացումներով եւ առաջին հերթին դպրոցահասակ հանդիսատեսի համար նախատեսված հայտնի ստեղծագործություններով։ Մեծ ուշադրություն է դարձվում դպրոցներում ուսուցանվող հայ գրականությանը։ «Ինչպես անցյալում, այնպես էլ հիմա ՊՀԹ—ն եղել է սկսնակ բեմադրիչների ու դերասանների լավագույն հարթակներից մեկը եւ իր 90—ամյա կենսագրության ընթացքում հայ թատրոնին պարգեւել է մի շարք անվանի դերասաններ եւ բեմադրիչներ։ Այժմ մենք պահպանում ենք այդ հրաշալի ավանդույթն ու պարբերաբար թատրոն հրավիրում շնորհալի կադրերի՝ իրենց առաջին քայլերն անելու համար»,–նշեց թատրոնի գեղարվեստական ղեկավարը։
Ինչպես հայաստանյան մյուս թատրոնների խաղացանկերը, ՊՀԹ—ի խաղացանկը եւս տարեցտարի հարստանում է նոր ներկայացումներով։ Դ. Հարությունյանը նկատում է՝ կան ներկայացումներ, որոնք ժամանակավոր դադարի մեջ են. «Մենք գործ ունենք սերունդների հետ, եւ երբեմն լինում է այնպես, որ երկու—երեք տարի անց այսինչ կամ այնինչ ներկայացումը նորից ցուցադրելու կարիք է առաջանում»։ 2017 թվականից ՊՀԹ—ի խաղացանկը համալրել են, Մարիա—Կլարա Մաշադուհի «Փոքրիկ ուրվականը», Ա. Շահինյանի «Իմ սիրելի փոքրիկը», ըստ Գաբրիել—Սյուզաննա Բարբոյի՝ «Գեղեցկուհին ու հրեշը», ըստ ՕÕՀենրիի՝ «Կարմրամորթ առաջնորդի փրկագինը», ըստ Ստ. Զորյանի՝ «Փայտե մարդը», Էմմա Րաֆֆիի «Իուարշայի սուրը», ըստ Գրիմմ եղբայրների «Հենզելն ու Գրետելը», ըստ Հ.Ք. Անդերսենի՝ «Մատնաչափիկը», ըստ Հ. Ք. Անդերսենի՝ «Ջրահարսը» ներկայացումները։ Վերականգնվել են հանդիսատեսի սերը վայելող Անուշ Ասլիբեկյան—Արծրունու «Մերսեդես», ըստ Վ. Պետրոսյանի՝ «Վերջին ուսուցիչը», ըստ Հովհ. Թումանյանի՝ «Շունն ու կատուն», Շեյլա Դիլենիի «Մեղրի համը» ներկայացումները, ինչպես նաեւ նոր կազմով վերաբեմադրվել է, ըստ Վինա Դելմարի, «Հիշիր վաղվա օրդ»։
«Ուզում եմ նշել, որ անցած թատերաշրջանի ավարտին թատրոնի երիտասարդների նախաձեռնությամբ ցուցադրվեց ըստ Պիտեր Տուրրինիի «Առնետաորսը» փորձարարական դեբյուտը։ Այս շրջանում, թատրոնի 90—րդ հոբելյանական թատերաշրջանի երկրորդ կեսին երկու տարբեր երիտասարդ բեմադրիչների կողմից հանդիսատեսի դատին պիտի հանձնեինք հայ դասական Նար—Դոսի «Մեր թաղը» պատմվածաշարի հիման վրա արված համանուն դրաման եւ երիտասարդ ստեղծագործողների «Եռյակ Պլյուս» նախագծի շրջանակներում պատրաստվող Ա. Վոլոդինի «Կաստրուչչա կամ թագուհի Օլիվիայի օրագրերը» ներկայացումները։ Ցավոք, երկրում ստեղծված իրավիճակում բոլոր առաջնախաղերը հետաձգվում են»,—ասաց Դ. Հարությունյանը։ Վերջինս վստահաբար նշեց՝ թատրոնն այսօր ունի գեղագիտությամբ բարձր, հետաքրքիր եւ տարբեր ձեռագրերով յուրօրինակ ներկայացումներ ինչպես պատանի, այնպես էլ երեկոյան թատրոն հաճախող ավագ սերնդի համար. «Եվ այս տենդենցը պետք է անընդհատ շարունակվի։ Ապագայում նույնպես մեր սիրելի հանդիսատեսին սպասվում են նոր անակնկալներ»։
Վերջին հարցազրույցի ժամանակ Դ. Հարությունյանը նշել էր, որ թատրոնը բարվոք վիճակում է։ Հարցրի՝ այս ընթացքում եղե՞լ են փոփոխություններ, վերանորոգման աշխատանքներ։ «Գիտեք, լինելով իսկապես այդքան կարեւոր նշանակության թատրոն՝ ՊՀԹ—ն ունի պետական լուրջ հոգածության կարիք։ Եվ սրանք հենց այնպես խոսքեր չեն։ Խնդիրները շատ են։ Իհարկե, ի դեմս տնօրեն Էմին Թորոսյանի, մի շարք հարցեր ստանում են իրենց լուծումները, բայց կան այնպիսի մասշտաբի խնդիրներ, որոնք առանց պետական հոգածության չեն կարող լուծվել։ Հուսով ենք, որ մոտ ապագայում այլեւս չենք խոսի այս ամենի մասին, եւ մեր հանդիսատեսը մուտք կգործի ժամանակակից պահանջներին համապատասխանող հրաշալի թատրոն»,–նշեց թատրոնի գեղարվեստական ղեկավարը։
Լիանա ՍԱՐԳՍՅԱՆ
l.sargsyan@hhpress.am

25-03-2020





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO