Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.01.2020
ՄԱՅՐ ԱԹՈՌ


Հոգեւոր զորացման եւս մեկ ուխտատեղի

Ստեփանակերտում օծվել է Սուրբ Աստվածածին առաջնորդանիստ եկեղեցին

Նախօրեին՝ Սուրբ Աստվածածնի ավետման տոնին, Ն.Ս.Օ.Տ.Տ. Գարեգին Երկրորդ ծայրագույն պատրիարք եւ Ամենայն հայոց կաթողիկոսի հանդիսապետությամբ կատարվեց Ստեփանակերտի Սուրբ Աստվածածին առաջնորդանիստ եկեղեցու օծման արարողությունը, հայտնում են Մայր Աթոռ Ս. Էջմիածնի տեղեկատվական համակարգից։
Սրբազան արարողությանը ներկա էին Արցախի Հանրապետության նախագահ Բակո Սահակյանը, ԼՂՀ Ազգային ժողովի նախագահ Աշոտ Ղուլյանը, Արցախի թեմի հոգեւոր սպասավորներ, Արցախի եւ Հայաստանի Հանրապետության իշխանությունների ներկայացուցիչներ, եկեղեցու կառուցմանն իրենց աջակցությունը բերած բարերար հայորդիներ, Հայաստանի տարբեր թեմերից ժամանած եկեղեցականներ, ուխտավորներ եւ հավատավոր բազում արցախցիներ։
Հընթացս օծման սրբազան արարողության՝ սաղմոսերգության ներքո ջրով եւ գինով լվացվեցին տաճարի սուրբ սեղանը եւ օծվելիք սյուները։ Այնուհետեւ Հայոց հայրապետը սրբալույս մյուռոնով օծեց եկեղեցու սուրբ սեղանը։ Բարձրաստիճան հոգեւորականների ձեռամբ օծվեցին խորանի՝ չորս ավետարանիչների անունը կրող սյուները եւ եկեղեցու մնացյալ սյուները։
Աղոթքներից եւ սուրբգրային ընթերցվածքներից հետո Ամենայն հայոց կաթողիկոսը նորակառույց եկեղեցին անվանակոչեց Սուրբ Աստվածածին։
Օծման արարողության ավարտին Գարեգին Բ կաթողիկոսը «Պահպանիչ» աղոթքով օրհնեց արցախահայությանը եւ Սուրբ Ավետման տոնի եւ եկեղեցու օծման առիթով իր հայրապետական պատգամը բերեց ներկա ժողովրդին։
Իր պատգամի ավարտին Հայոց հովվապետը նորաօծ եկեղեցուն ընծայեց Մայր Աթոռ Սուրբ Էջմիածնից բերված Տիրոջ Սուրբ Ծննդյան սրբապատկեր, երկարամյա հոգեւոր ծառայության եւ վաստակի գնահատանքով Ամենայն հայոց կաթողիկոսը Պարգեւ սրբազանին շնորհեց եպիսկոպոսական պանակե՝ Տիրոջ Սուրբ Աջի հանապազ զորակցության սրտագին մաղթանքով։
Նորին Սրբությունն իր առանձնակի գնահատանքը հայտնեց եկեղեցու կառուցման հիմնական բարերարներ Միքայել եւ Կարեն Վարդանյաններին՝ նրանց արժանացնելով Հայաստանյայց առաքելական սուրբ եկեղեցու «Սուրբ Գրիգոր Լուսավորիչ» պատվո բարձրագույն շքանշանին՝ եկեղեցաշահ իրենց գործունեության, հոգեւոր—եկեղեցական կյանքի առաջընթացին բերած գովարժան ներդրումի եւ բարի հանձնառությունների համար։
Այնուհետեւ նորաօծ եկեղեցում մատուցվեց սուրբ եւ անմահ պատարագ՝ ձեռամբ Ամենայն հայոց կաթողիկոսի։
Բազմանկյուն եռահարկ եկեղեցու բարձրությունն ավելի քան 40 մետր է, խաչի բարձրությունը՝ 3 մետր։ Ճարտարապետը Գագիկ Երանոսյանն է։

09-04-2019





18-01-2020
Պահանջը չի փոխվելու
«Միսը չի թանկանա, հակառակը, նույնիսկ իջեցում կարող է ...


18-01-2020
Տեւական երաշտը փորձությունների առաջ է կանգնեցրել հողագործներին
Ինչպես հաղթահարել բնական արգելքները

Դավիթ ՄԻՔԱՅԵԼՅԱՆ
d.miqayelyan@hhpress.am


«Աշնան ամիսների եւ ...


18-01-2020
Մեջքով... դեպի հանդիսատեսը
Դիրիժորը, թերեւս, միակն է, որ հանդիսատեսին կանգնում է մեջքով, ...


18-01-2020
Կաշեգործի մասնագիտությունը մերժած, նավապետի երազանքով մեծն նվագավարը
Մի ողջ դիվանագիտություն՝ թաքնված մաեստրո Չեքիջյանի կենսագրության թվերի ու ...


18-01-2020
Ինչո՞ւ Չեքիջյանի երազանքը մնաց անկատար…
Մաեստրոյի խոսքով՝ ամբողջ կյանքում ջանացել է, որ իրեն ...


18-01-2020
Աշխարհի առաջնակարգ նվագախմբեր ղեկավարած երաժշտություն մատուցողը
Որ հաշվի է առնում անգամ դահլիճի աթոռների գույնը

Արմենուհի ...


18-01-2020
Ամեն դիրիժոր իր ակնոցով է նայում նոտաներին
Դժվար է ասել, թե 91 տարի առաջ ի՞նչ եղանակ ...



18-01-2020
Անմահների ուղին փշոտ է, բայց հաղթական
Ադրբեջանական նենգության հերթական ...

18-01-2020
Հայաստանի մարզիկները ռուսական սպորտում լեգեոներներ չեն համարվի
Նոր հեռանկարներ հավաքական եւ ակումբային ...

18-01-2020
«Վարպետ Հակոբից բարեւներ եմ բերել ձեզ...»
Դուդուկահար Էրթան Թեկինը «ՀՀ»-ի հետ ...

18-01-2020
Ազգային երաժշտարվեստի զուլալ ակունքներից
Սասուն Պասկեւիչյանի երգերը շարունակում ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO