Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.09.2019
ՊՆ


Տարածաշրջանային անվտանգություն եւ մարտահրավերներ

ԵՊՀ-ում կանցկացվեն երկշաբաթյա դասընթացներ արդիական թեմաներով

Լիանա ՍԱՐԳՍՅԱՆ
l.sargsyan@hhpress.am


Հուլիսի 1-ից Երեւանի պետական համալսարանում կմեկնարկեն «Տարածաշրջանային անվտանգության հիմնախնդիրները եւ մարտահրավերներն արդի աշխարհակարգի համապատկերում» խորագրով ամառային դպրոցի երկշաբաթյա դասընթացները։ Այս տարի դասընթացների ընթացքում քննարկվելու են արդի աշխարհակարգի անվտանգային հիմնահարցերն ու հարակից ոլորտներին վերաբերող այլ հիմնախնդիրներ։ Մասնակիցները հնարավորություն կունենան ծանոթանալու ռազմարվեստի նորագույն փուլի պատմությանը, ուսումնասիրելու տարածաշրջանի երկրների աշխարհաքաղաքական տեսլականները, քննարկելու եւ վերլուծելու Հայաստանի ներկայիս իրավիճակը՝ արցախյան հակամարտության պայմաններում։ Դասընթացը վարելու է պատմական գիտությունների թեկնածու, ՀՀ պաշտպանության նախարարի մամուլի քարտուղար Արծրուն Հովհաննիսյանը։ Դասախոսությամբ հանդես են գալու նաեւ ոլորտի փորձառու այլ մասնագետներ։
Ինչպես «ՀՀ»—ի հետ զրույցում մանրամասնեց Ա. Հովհաննիսյանը՝ դասընթացն անցկացվում է իր նախաձեռնությամբ, աջակցում են ԵՊՀ—ն եւ ՀՀ պաշտպանության նախարարությունը։
«Ամեն տարի ունեցել ենք երկու—երեք, առավելագույնը չորս տասնյակ ունկնդիրներ։ Ինչպես նկատում եք՝ թեմաները բովանդակային առումով այնքան էլ հասարակ ու հասանելի չեն։ Ուստի մասնակիցների թիվն այս իմաստով նորմալ եմ գնահատում։ Դասընթացներն արդեն չորրորդ տարին է անցկացնում ենք, արձագանքները միշտ եղել են բավականին լավը։ Մեր նպատակն է մասնավորապես երիտասարդության շրջանում ռազմական, ռազմաքաղաքական գիտելիքների իմացության մակարդակի բարձրացումը։ Փորձը ցույց է տվել, որ մասնակցում են հիմնականում այն անձինք, որոնք ունեն այս թեմաների մասին նվազագույն գիտելիքներ»,–ասաց Հովհաննիսյանը։
Նշեց նաեւ, որ դասախոսական կազմը ընտրվել է ըստ թեմատիկ ուղղությունների։ Դասընթացի շրջանակներում բանախոսությամբ հանդես են գալու ոլորտի մեկ տասնյակ մասնագետներ՝ Արծրուն Հովհաննիսյանը, Արմեն Պետրոսյանը, Սարգիս Գրիգորյանը, Լեւոն Հովսեփյանը, Մենուա Սողոմոնյանը, Մհեր Հակոբյանը, Աբրահամ Գասպարյանը, Նարեկ Գալստյանը, այլք։
«Քննարկվող թեմաները ուշագրավ են ու բավականին արդիական. արցախյան պատերազմ, սպառազինությունների տարածաշրջանային «մրցավազք», ռեգիոնալ եւ աշխարհաքաղաքական խոշոր ուժային փոփոխություններ, արաբական աշխարհում կատարվող կոնֆլիկտներ, Իրանի հարաբերությունները ԱՄՆ—ի հետ։ Թեմաներն ընտրվել են ակտուալության սկզբունքով, որպեսզի օգտակար լինեն ինչպես սկսնակ, այնպես էլ փորձառու մասնագետների համար։ Ունկնդիրներից շատերը ուսանողներ են՝ արդեն բարձր, մագիստրոսական կուրսերի, ունեն նաեւ աշխատանքի որոշակի փորձ։ Այս իմաստով դասընթացը նաեւ պրակտիկ նշանակություն ունի։ Այն անցկացվելու է երեկոյան ժամերին՝ աշխատանքին ու դասերին չխանգարելու համար, դինամիկ, ինտերակտիվ սկզբունքով։ Մասնակիցները կկատարեն նաեւ ավարտական հետազոտական աշխատանք։ Դասընթացի ավարտին կստանան հավաստագրեր։ Սա ողջունելի մոդել է եւ ի դեպ՝ շատ տարածված ամբողջ աշխարհում»,–նկատեց Հովհաննիսյանը։ Դասընթացների ընթացքում քննարկվելու են նաեւ ղարաբաղա—ադրբեջանական հարաբերություններին վերաբերող առանցքային հարցեր։
Ինչպե՞ս եք այսօր գնահատում Հայաստանի եւ Ադրբեջանի հարաբերությունը՝ մասնավորապես սահմանում տիրող իրավիճակի առումով, հարցին ի պատասխան ՊՆ խոսնակն ասաց. «Ոչ շատ լարված, ոչ էլ շատ թուլացած։ Ստանդարտ վիճակ է։ Ցավոք, թեեւ վերջին տարիներին արտաքին գործերի նախարարները հանդիպում են, քննարկում են բանաձեւեր, փաթեթներ, փորձում են իրավական, բանակցային լուծումներ գտնել, այդուհանդերձ սահմանին շարունակում են պահպանվել որոշակի լարվածություն, կրակոցներ։ Բարեբախտաբար, մի փոքր թուլացել են կրակոցների հետեւանքները, բայց ընդհանուր առմամբ իրավիճակը մնում է նույնը, տեւական ժամանակ ինչ—որ առանցքային փոփոխություն այս հարցում չկա»։
Հ. Գ. Արցախյան պատերազմի, ինչպես նաեւ ապրիլյան պատերազմի մասնակիցներն ու նրանց երեխաները դասընթացին կարող են մասնակցել անվճար հիմունքներով։ Դիմելու վերջնաժամկետը այսօր է։

29-06-2019





17-09-2019
Մեդալներ եւ ուղեգրեր՝ աշխարհի առաջնությունում
Արթուր Ալեքսանյանը չկարողացավ մասնակցել եզրափակիչին, սակայն մեզ համար ...


17-09-2019
Շենգենյան գոտու մուտքի արտոնագրի ստացման գործընթացում փոփոխություն չի եղել
Փաստաթղթերի ուսումնասիրման ժամկետների երկարաձգումը զուտ տեխնիկական է

Լուսինե ՆԱԶԱՐՅԱՆ
l.nazaryan@hhpress.am




17-09-2019
ԱՌՁԵՌՆ ԱՌԱԾԱՆԻ
«Անունը կա, ամանում չկա»

Սա սովորաբար ասում ենք, ...


 
17-09-2019
Մուտք
Ինչպես խուսափել անհարմար իրավիճակներից

Մեր կյանքը լի է ...


17-09-2019
Թուրքիան վտանգ է ո՛չ միայն տարածաշրջանի համար
Արցախի խնդիրը՝ թուրք-ադրբեջանական ծրագրերում

Արմենուհի ՄԵԼՔՈՆՅԱՆ
a.melqonyan@hhpress.am


Ինչպես միշտ, այնպես ...


17-09-2019
«Հայաստանը կարող է ունենալ ժամանակակից պղնձաձուլարան»
Ասում է «Թեղուտ» ՓԲԸ գործադիր տնօրեն Կարեն Ղազարյանը

Լիանա ...


17-09-2019
Ի՞նչ պայմաններում են պահվում դատապարտյալները
Խաղամոլության «դեմն առնելու» լավագույն տարբերակն աշխատանքն է

Լիանա ՍԱՐԳՍՅԱՆ
l.sargsyan@hhpress.am





17-09-2019
Քանակի նվազում, որակի բարձրացում
Քայլեր են արվում վարչական դատարանների ...

17-09-2019
«Արցախը ժողովրդավարության զարգացման լավագույն օրինակն է Հարավային Կովկասում»
Միջազգային գիտաժողովն ամփոփեց ...

17-09-2019
Հուսիների հարձակումը մեծացրել է լարվածությունը Միջին Արեւելքում
Կրկին ամերիկյան եւ իրանական կողմերը ...

17-09-2019
Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը
Հայաստանի լրագրողների ֆուտբոլի ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO