Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.02.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Փոքրիկ հեյդարներից՝ մահապարտների ջոկատներ

Ինչպես են հարեւան երկրում խաղաղության պատրաստվում

Թամարա ՄՈՒՐԱԴՅԱՆ
t.muradyan@hhpress.am


Ադրբեջանը երկրում ռազմահայրենասիրական դաստիարակությունը ոչ միայն խրախուսում է պետական մակարդակով, այլեւ այդ ուղղությամբ լուրջ ֆինանսական միջոցներ է հատկացնում։ Այս մասին բարձրաձայնում է ռազմական փորձագետ Կարեն Հովհաննիսյանը։
«Այս տարի Ադրբեջանում ռազմահայրենասիրական դաստիարակությունը շատ ավելի լայն թափ է ստացել ու շատ ավելի ընդգրկուն է դարձել։ 1994թ. սկսած այդպիսի բան տեղի չի ունեցել։ Տեղի են ունենում ռազմահայրենասիրական կրթության, դաստիարակության լայնամասշտաբ տարատեսակ միջոցառումներ՝ պետական աջակցությունը վայելող, պետության կողմից ֆինանսավորվող ու ռազմական գերատեսչության անմիջական հովանավորությամբ»,–«ՀՀ»—ի հետ զրույցում նշեց նա։
Նա տեղեկացնում է, որ Ադրբեջանում մեկնարկել է 18—25 տարեկանների բանակումը՝ ռազմահայրենասիրական մոտիվներով։ Եվ արդեն ազդարարվել է «Պատանի հեյդարներ» ռազմահայրենասիական ամառային ճամբարի բացումը։
Այն 10—16 տարեկան երեխաների համար է, որոնք ճամբարում լինելու են բացառապես զինվորական կարգ ու կանոնով։ Հովհաննիսյանը հատկանշական է համարում, որ մինչ ճամբար մեկնելը, երեխաների հետ հանդիպմանը ելույթով հանդես է եկել Ադրբեջանի ռազմական գերատեսչության անձնակազմի հետ տարվող բարոյահոգեբանական պատրաստության եւ դաստիարակության գլխավոր վարչության պետ, գեներալ—մայոր Ռասիմ Ալիեւը։
Փորձագետի դիտարկմամբ՝ Ռասիմ Ալիեւն իր խոսքով բացահայտ հակահայ եւ հայատյաց քարոզչություն է իրականացրել։ Մասնավորապես նշել է, որ «հաջորդ ռազմահայրենասիրական ճամբարը լինելու է թշնամու կողմից «օկուպացված» հայրենիքի լեռներում»։ Նաեւ խորհուրդ է տվել երկրի բոլոր գործարարներին՝ ստեղծել ռազմահայրենասիրական ճամբարներ՝ իրենց աշխատողների երեխաների համար։
Կարեն Հովհաննիսյանը պատմում է, որ մինչեւ «Պատանի հեյդարներ» ռազմահայրենասիրական ճամբարի ստեղծումը, ստեղծվել էր մեկ ուրիշը՝ դարձյալ ռազմահայրենասիրական ոգով։ Դա էլ նախատեսված է 18—25 տարեկանների համար։
«Այն, ինչ նրանք փորձում են մատուցել, ըստ իս, շատ վտանգավոր է։ Գաղտնիք չէ, որ տաքարյունությունը հենց այդտեղից է գալիս։ Նրանց բարձրաստիճան սպայական կազմը բացման խոսքում բազմաթիվ անգամ շեշտում է «թշնամիներ» բառը՝ նկատի ունենալով հայերին։ Մինչեւ անգամ ասում են, որ հաջորդ ճամբարը լինելու է թշնամիների կողմից «օկուպացված» տարածքներում՝ նկատի ունենալով Հայաստանը, Արցախի Հանրապետությունը»,–մեկնաբանեց Հովհաննիսյանը։
Ռազմահայրենասիրական նման դաստիարակության մեջ փորձագետը վտանգ տեսնում է, որովհետեւ այդ երեխաներին հիմա նախապատրաստում են որպես հետագայի մահապարտ ջոկատներ։ Ասում է՝ Ադրբեջանում երեխաների ուղեղը «լվանում» են՝ պատրաստելով մահապարտների ջոկատներ, որոնք բանակում կանգնելու են հենց մեր դիրքապահ զինվորի դիմաց։
Դիտարկմանը՝ դա դաստիարակությու՞ն է, թե՞ ավելի շատ նման է ագրեսիա սերմանելու՝ մեր զրուցակիցը պատասխանեց. «Ոչ թե դաստիարակություն է, այլ ավելի շատ հանգեցնում է ագրեսիայի։ Այդ ոճով դաստիարակությունը, ի վերջո, ավելի շատ տանում է դեպի մարդասպանության, քան հայրենիքի պաշտպանության»։
Հովհաննիսյանը կարծում է, որ մենք եւս պետք է մեր ռազմահայրենասիրական կրթությունը, դաստիարակությունը բալանսավորենք եւ ուշադրություն դարձնենք դրան. «Պարտավոր ենք պարզապես մեր երեխաներին ռազմահայրենասիրության ոգով դաստիարակել, բայց ոչ թե նրանց ոճով, այլ պարզապես հայրենիքի նկատմամբ սերը, հարգանքը երեխաների ներսում ամրապնդենք»։

Պատերազմ... ներքին քաղաքական կյանքը վերահսկողության տակ պահելու համար


Հարցին՝ պատերազմ սկսող կողմը մյուս կողմին հանկարծակիի բերելու փոխարեն շարունակ կբարձրաձայնի՞ այդ մասին, թե՞ Ադրբեջանի ռազմատենչ հայտարարությունները միտված են ընդամենը վախի մթնոլորտ ստեղծելուն՝ ռազմական փորձագետը պատասխանեց, որ Ադրբեջանը մեկ գնդակով փորձում է երկու նապաստակ խփել։ Ըստ նրա՝ առաջինն ազդում է իր հասարակության վրա, անընդհատ թարմ է պահում պատերազմը վերսկսելու վտանգի զգացումը, այն, որ եկել են «ազատագրելու» տարածքները, հողերը եւ այլն։ Կարեն Հովհաննիսյանը նշում է, որ այդպես Ալիեւը փորձում է իր իշխանության ժամկետն ավելի երկարացնել։
«Եվ երկրորդ՝ վերջ ի վերջո, երբ Ադրբեջանի հասարակությունը գիտակցի, որ այլեւս այդ ամենն իրեն պարզապես շեղելու միջոց է, որ պատերազմական գործողությունների վերսկսման մասին հայտարարությունները սին են եւ դատարկ, նրանք անցնելու են կոնկրետ գործողությունների, որպեսզի իրենց հասարակությանը կարողանան պահել պատերազմական վիճակում, որ ներքին քաղաքականությունը չսրվի։ Գաղտնիք չէ, որ բռնապետական երկրում Ալիեւը բռնապետ է եւ ամեն կերպ փորձում է իր իշխանությունը, կլանը պահպանել»,—նշեց Հովհաննիսյանը՝ ավելացնելով՝ պատերազմը ոչ թե սկսելու են, որ հողեր «ազատագրեն», այլ որ երկրում ներքին քաղաքական կյանքը մնա վերահսկողության տակ։

17-07-2019





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO