Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.01.2020
ԶԱՆԱԶԱՆ


Կխաղարկվեն օլիմպիական ուղեգրեր

Մարմնամարզիկները պատրաստվում են օլիմպիական շրջափուլի որոշիչ մրցմանը

Հայաստանի մարմնամարզիկները շարունակում են նախապատրաստությունը հոկտեմբերի սկզբին կայանալիք աշխարհի առաջնությանը, որն այս տարի առանձնանալու է օլիմպիական ուղեգրերի խաղարկությամբ՝ դրանով իսկ դառնալով կրկնակի նշանակալի։ Այս փուլում նրանք մասնակցում են միջազգային մրցաշարերի, իսկ մեր երկրի ազգային հավաքականի մարզիչները նշագրում են այն բացերը, որոնք պետք է լրացվեն արդեն ամփոփիչ հավաքի ընթացքում։
Օգոստոսին մեր ընտրանու երկու առաջատարները մասնակցեցին Իսրայելի միջազգային մրցաշարին եւ առաջին երկու տեղերը գրավեցին օղակների վրա վարժությունում։ Ավետյաց երկրում վերստին բարձրության վրա գտնվեց Վահագն Դավթյանը, որը, սակայն, բաց է թողնելու համաշխարհային ստուգատեսը։ Իսկ դրա մասնակիցներից Արթուր Դավթյանը մրցանակակիր դարձավ իր ոչ ամենաուժեղ մրցաձեւում։ Ինչպես հայտնի է, բազմամարտի ծրագրով հանդես եկող մեր միակ մարմնամարզիկը հենացատկերի վարպետ է։ Ինչեւէ, ընդամենը մի քանի օրից Բաթումում մրցահարթակ դուրս կգան նաեւ համամոլորակային մրցման մեր մյուս երկու մասնակիցներ Հարություն Մերդինյանը եւ Արթուր Թովմասյանը։ Միայն դրանից հետո կհստակեցվեն շատ հարցեր, այդ թվում՝ նրանց հնարավորությունները օլիմպիական ուղեգրերի համար սպասվող պայքարում։
Մինչ այդ սպորտային մարմնամարզության Հայաստանի տղամարդկանց ազգային հավաքականի գլխավոր մարզիչ Հակոբ Սերոբյանից հետաքրքրվեցինք Թել Ավիվի մրցաշարի մասին։ Նա նշեց, որ դա ուժերը փորձելու լավ առիթ էր, քանզի կազմակերպիչները ստանձնել էին հրավիրյալ մարզիկների մասնակցության բոլոր ծախսերը։ Ասել է թե, առանց մեր ֆեդերացիայի սուղ բյուջեին դիպչելու հնարավոր եղավ տղաներին ստուգել մրցակցային պայմաններում։ «Ըստ էության, իսրայելական կողմն առաջնորդվել էր սեփական շահով, քանզի մրցաշարն ազդարարեց նաեւ աշխարհի առաջնությանը նրանց հավաքականի նախապատրաստության մեկնարկը։ Ասպարեզ ելան 6 երկրների առաջատար մարմնամարզիկները, որոնց թվում կային օլիմպիական ու եվրոպական խաղերի չեմպիոններ։ Այնուհանդերձ, դա ավելի շատ ընկերական հանդիպում էր հիշեցնում, քանզի հասկանալի պատճառներով կողմերը մինչեւ վերջ չբացեցին իրենց խաղաքարտերը։ Իսկ բուն մրցաշարն անցկացվեց մեկ փուլով, որի ընթացքում էլ միանգամից խաղարկվեցին մրցանակային տեղերը։ Այնպես որ, չարժե նրա արդյունքներից անել հեռու գնացող հետեւություններ, թեպետ վերլուծության որոշակի նյութ այն, իհարկե, տվեց»,–նշեց մեր զրուցակիցը։
Այդ առումով շատ ավելի մեծ են սպասելիքները սեպտեմբերի 2—7—ը Բաթումում անցկացվելիք մրցաշարից, որով սկսվելու է մեր մարզիկների նախապատրաստության վրացական՝ ամփոփիչ փուլը։ Ստուգատեսին գրեթե միանգամից հաջորդելու է երկշաբաթյա ուսումնամարզական հավաքը Թբիլիսիում, որը սկսվելու է սեպտեմբերի 12—ից։ Իսկ արդեն նույն ամսվա 28—ին Հայաստանի հավաքականը կմեկնի Գերմանիայի Շտուտգարտ քաղաք, որտեղ էլ հոկտեմբերի 4—13—ն անցկացվելու է աշխարհի առաջնությունը։
Հատկանշական է, որ թբիլիսյան հավաքին հրավիրված են նաեւ մեր երկրի երիտասարդական հավաքականի անդամները եւ աղջիկների թիմի չորս առավել խոստումնալից մարզուհիները։ Ի դեպ, նրանցից մեկին կվիճակվի մասնակցել աշխարհի առաջնությանը։ Արդեն հայտնի է, որ այդ հնարավորությունն ընձեռվելու է ամերիկահայ մարզուհի Անահիտ Ասադուրյանին, որը դեռ 2017—ին է առաջին անգամ հանդես եկել Հայաստանի դրոշի ներքո։ Նրա մարզական կարիերայի առաջխաղացման մասնակիցներից է 2016 թվականի Ռիոյի օլիմպիադայում մեր երկիրը ներկայացրած Հուռի Գեբեշյանը։ Հ. Սերոբյանի խոսքերով, դեռատի մարզուհին տրամադրված է պայքարելու հաջորդ տարի Տոկիոյում կայանալիք օլիմպիական խաղերի ուղեգրի համար։ Ինքը Հուռին պատրաստվում է ուղեկցել Անահիտին համաշխարհային առաջնությունում։
Խոսելով իր սաների հնարավորությունների մասին, գլխավոր մարզիչը նշեց, որ օլիմպիական ուղեգրերին իրապես հավակնելու համար նրանց նախ անհրաժեշտ է աշխարհի առաջնությունում հաղթահարել որակավորման փուլը։ Ամենից բարդն, իհարկե, Արթուր Դավթյանի խնդիրն է, քանզի նա մասնակցելու է բազմամարտի ծրագրով։ Հարություն Մերդինյանը ներկայանալու է նժույգթափի, իսկ Արթուր Թովմասյանը՝ օղակների վրա վարժությունում։ «Առանձին վարժություններում խաղարկվելու է 3—ական օլիմպիական ուղեգիր, բայց դրանք նվաճելու համար ամենեւին էլ պարտադիր չէ մրցանակակիր դառնալ։ Եթե մեդալներ նվաճած մարզիկների թվում լինեն իրենց հավաքականների կազմում օլիմպիադային մասնակցելու պատվին արժանացած մարզիկներ, ապա ուղեգրերը բաշխվելու են եզրափակիչներում 4—6—րդ տեղերը զբաղեցրած մարզիկների միջեւ։ Այնպես որ՝ դժվար է կանխատեսել, թե ինչպես այդ ամենը կավարտվի մերոնց համար։ Կարող եմ միայն ասել, որ իրենց հնարավորությունների սահմանում հանդես գալու դեպքում նրանք ընտրյալների թվում հայտնվելու շատ լավ հնարավորություն կունենան»,–հավաստիացրեց ազգային հավաքականի գլխավոր մարզիչը՝ հավելելով, որ հակառակ պարագայում նրանց տրամադրության տակ կլինեն նաեւ այս տարվա վերջին Գերմանիայում եւ հաջորդ գարնանը Քաթարում անցկացվելիք աշխարհի գավաթի խաղարկության հերթական փուլերը։ Դրանք արդեն կլինեն վերջին հնարավորությունը։
Հրայր ՆԱԶԱՐՅԱՆ

30-08-2019





25-01-2020
Ճակատամարտ, որը լավ դաս էր թշնամու համար
Քարին տակի հերոսամարտի 28-րդ տարեդարձը

Դավիթ ՄԻՔԱՅԵԼՅԱՆ
d.miqayelyan@hhpress.am


Հունվարի 26-ին ...


25-01-2020
Ադրբեջանի քաղբանտարկյալների հարցը՝ ԵԽԽՎ օրակարգում
Խոշորացույցի տակ կհայտնվի նաեւ Թուրքիան

Լուսինե ՄԽԻԹԱՐՅԱՆ
l.mkhitaryan@hhpress.am


Ստրասբուրգում հունվարի ...


 
25-01-2020
ԱՌՁԵՌՆ ԱՌԱԾԱՆԻ
«Բերնե բերան՝ կելնի գերան

Ասացվածքը պարզում է մարդկային ...


25-01-2020
Գրականագիտությունը, գրականությունը, ժամանակը
Տաղանդավոր գրողներ եւ միջակ գրականություն

Թադեւոս ԽԱՉԱՏՐՅԱՆ
t.khachatryan@hhpress.am


Հնարավոր առարկությունները ...


25-01-2020
Հայ պոեզիայի անլռելի զանգակատունը
Հունվարի 24-ը Պարույր Սեւակի ծննդյան օրն է։ «Պարույր Սեվակ ...


25-01-2020
«Ոստիկանության բարեփոխումների կարեւորագույն նպատակը պետք է լինի ոստիկանություն—քաղաքացի նոր հարաբերությունների հաստատումը»
Վարչապետ Նիկոլ Փաշինյանի մոտ երեկ տեղի ունեցած խորհրդակցության ընթացքում ...


25-01-2020
Քանդակագործի տան ճանապարհի ոդիսական պատմությունը
«Մերօրյա արտառոց իրավիճակներ» շարքից

Օրերս անվանի քանդակագործ Արամ ...



25-01-2020
Ինչպե՞ս կայացավ
32-ամյա Կոմիտասի եւ 29-ամյա Չոպանյանի ...

25-01-2020
Ցանքատարածքների վիճակը մտահոգիչ է
Անցած տարվա հոկտեմբերի վերջին Քաշաթաղի ...

25-01-2020
Կարդարանա՞ն Լիբանանում ճգնաժամը հաղթահարելու հույսերը
«Փրկության խումբը» անցավ ...

25-01-2020
Մենք զբաղված ենք մեր աշխատանքով
Ձգտելով կատարելագործել մեր մարզիկների ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO