Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.09.2019
ՀԱՍԱՐԱԿՈՒԹՅՈՒՆ


Փաստաբանական փորձառության աղետը

Կամ պաշտպանության չգրված 10 ոսկե կանոն

Երջանիկ են նրանք, ովքեր երբեւէ չեն դիմել փաստաբանի ծառայության, իսկ ովքեր էլ դիմել են, կարծում եմ, ձեռք են բերել օրենքն ինքնուրույն ընթերցելու փորձ եւ հասկացել ինքնապաշտպանության մեխանիզմի Ոսկե կանոնները։
Այսպես, ոսկե կանոններից առաջինն ամրագրում է.
1. Հիշի՛ր, որ քո պայքարում դու մենակ ես։ Կարեւորը՝ երբեք չվախենալ մենակությունից եւ չանել միամիտ արտահայտություններ։ Նախքան փաստաբանին դիմելը ուսումնասիրել գործն ինքնուրույն, ծանոթանալ դրա հետ առնչվող օրենքներին ու դրանց կիրառությանը։ Բոլոր դեպքերում ցույց տալ, որ գիտես ավելին, բայց երբեք չասել ավելին, քան պահանջվում է այդ պահին։ Միշտ ունենալ անակնկալ մատուցելու պահեստային տարբերակ, որը կզինաթափի հակառակորդին, եւ որից հետո անիմաստ կլինի նրա պայքարը։
2. Փաստաբան ընտրելիս մի՛ շտապիր փորձառու փաստաբան գտնել։ Հիշի՛ր, որ նա համագործակցում է բոլորի հետ՝ սկսած հակառակորդից՝ վերջացրած դատախազով ու դատավորով։ Փորձառու փաստաբանը սերտաճած աշխատանքային բազմամյա հարաբերություններ ունի դատական համակարգի բոլոր աստիճանների ծառայողների հետ, եւ քո շահերը ի սկզբանե չեն համընկնում նրանց շահերին, եւ ամեն վայրկյան քո փաստաբանը կարող է շրջվել քո դեմ, էլ չեմ ասում, որ նա քո դեմ սկսում է աշխատել ծանոթության առաջին իսկ պահից։
3. Օրենքներն ուսումնասիրելու հետ միասին հետեւողական ու պահանջատեր մնա դրանց կիրառության հարցում, որքան էլ քո փաստաբանը այլ բան համոզի, այլ կարծիք հայտնի, քանի որ քո փաստաբանի կարծիքը չպետք է տարբերվի քո կարծիքից, հատկապես եթե այն հակասում է քո շահերին։ Սա արդեն փաստաբանական օրենքի խախտում է, եւ դու կարող ես ամեն վայրկյան հրաժարվել նրա ծառայություններից։
4. Փաստաբան ընտրելիս, իմացի՛ր, որ դու փաստաբան ես ընտրում ոչ միայն քեզ համար, այլեւ հակառակորդիդ, քանի որ քո փաստաբանը ցանկացած գումարի դիմաց հանգիստ կաշխատի հակառակորդիդ օգտին կամ երկուսիդ միասին ծուղակը կգցի՝ երկուսիցդ էլ գումարներ շորթելով... Ի վերջո, կհայտարարի, որ ինքը պատասխանատու չէ գործի ելքի համար, եւ սա կարող է ճշմարտանման թվալ։
5. Երբեք մի՛ մտերմացիր ու մի՛ անկեղծացիր փաստաբանիդ հետ եւ տեղեկություններ մի տուր քո անձնական կյանքի մասին, այլապես նա հանգիստ այդ ամենը կօգտագործի քո դեմ։ Բավարարվիր նրա հետ զուտ գործի շրջանակներում մտքեր փոխանակելուց ու շփվելուց։ Փորձառու փաստաբանը նախ եւ առաջ քայլեր է անում սողոսկելու անձնական կյանք ու հետաքրքրությունների շրջանակ, ինչը գործին ամենեւին չի վերաբերում, խոսում ամեն ինչից, բացի գործին վերաբերող նյութերից ու օրենքներից ու դրանց կիրառությունից։ Նա կարող է հանգիստ մանեւրել, քեզ թողնել մենակ եւ գործին նայել մատների արանքով՝ պատճառաբանելով իր զբաղվածությունը, հիվանդությունը կամ այլ հանգամանքներ, այնպես, որ դու ակամայից սկսում ես կարեկցել ու պաշտպանել նրան, պաշտպանել, որքան էլ անհեթեթ թվա, որ նա ի վիճակի լինի պաշտպանել քեզ։
Փորձառու փաստաբանը կարող է խուսափել միասին գործի հանգամանքները քննելուց՝ ձեւացնելով, թե լավատեղյակ է գործից, եւ ընդհանուր հայտարարի գալու խնդիր չկա, իսկ դատավարական պրոցեսի ընթացքում անակնկալ մատուցել՝ ամենեւին էլ ոչ քո օգտին նպաստավոր կարծիք հայտնելով՝ չխորշելով մեջբերել իր փորձառությունն ու գիտակ լինելը։
6. Հիշի՛ր, փաստաբանը լավագույն միջնորդն է բոլոր կողմերի միջեւ, եւ որքան էլ նա համոզիչ կերպով քարոզի, թե տանել չի կարողանում այս կամ այն դատավորին, նա առավել դատավորի՛ փաստաբանն է, քան քո, քանի որ որեւէ դատավոր առանց փաստաբանի միջնորդության ու վստահության չի համարձակվի կաշառք վերցնել, իսկ կաշառք վերցնում են նրանից, ում վստահում են, ով արդեն իսկ կաշառք տալու ճանապարհ ունի անցած, ու եթե դու երբեւէ որեւէ մեկին որեւէ գործով կաշառք չես առաջարկել ու չես տվել եւ պայքարում ես անօրինականության ու կաշառքի դեմ, դու ի սկզբանե ես տանուլ տվել դատը, քանի որ ո՛չ փաստաբանը, ո՛չ դատախազը, ո՛չ էլ դատավորը քեզանից ակնկալիք չունեն, եւ նրանք միանգամից անցնում են նրա կողմը, ում դեմ պայքարում ես եւ ում մեղադրում ես անօրինական գործողությունների մեջ, իսկ անօրինական գործողությունները առանց կաշառքի չեն լինում։
7. Երբեք մի՛ հավատա սեփական ազնվության ու անբասիրության մասին փաստաբանի քարոզներին, քանի որ հենց այդ քարոզներով է փորձում իր խարդախությունն ու ծախվածությունը քողարկել փորձառու փաստաբանը՝ միամիտի տեղ դնելով վստահորդին։ Սա հոգեբանական այնքան պարզ տրյուկ է, որ պետք չէ անգամ հոգեբան լինել՝ հասկանալու համար, թե ինչո՞ւ են արվում նման հավաստիացումները։ Որեւէ ազնիվ մարդ, եթե չի պատրաստվում անազնիվ քայլի դիմել, չի խոսի ազնվությունից, քանի որ ոչ թե խոսքի, այլ գործի մեջ է բացահայտվում մարդու ազնիվ լինել—չլինելու հանգամանքը, ուստի պետք չէ կուլ տալ բառերով արտահայտված որեւէ խայծ, եթե գործի մեջ այլ բան է նշմարվում։
8. Իհարկե, սույն կանոններից բխող հետեւությունները փաստաբանի գործողությունների ու նրան վստահելու առումով կարող են հուսահատական թվալ. ի վերջո, դատական պրոցեսն այնպիսի հիմքերի վրա է դրված, որ առանց փաստաբանի ծառայության քեզ միանգամից կմեխեն պատին։ «Ի՞նչ անել» դասական հարցը կախվում է ուղիղ քթիդ առջեւ. լինել խելացի, քան ցանկացած փաստաբան եւ մանեւրել նույն մեթոդներով, ինչպես նա՝ ա) չիմանալու տալ, բ) ցույց տալ, թե անվերապահորեն հավատում ես իրեն, գ) աշխատել նրա փոխարեն, դ) առաջարկել ստորագրել քո ներկայացրած նյութերի տակ, ե) դատարանում հայտնել ինքնուրույն կարծիք՝ կանխելով նրան, զ) ստիպելով նրան ներկայացնել այն նյութը, որ պաշտպանում է քո շահը՝ անկախ նրա վերաբերմունքից ու խույս տալու մանեւրներից,–է) միշտ պատրաստ լինել նրա անգործունեության կամ հակագործունեության հակահարվածին՝ պահպանելով ջերմ—բարեկամական վերաբերմունք նրա հանդեպ, ը) բանի տեղ չդնել նրա մունաթները քո հանդեպ, երբ քո գործի հետ կապ չունի ո՛չ նրա զբաղվածության աստիճանը, ո՛չ հիվանդության հաճախականությունն ու բնույթը, ո՛չ էլ հակառակորդի տեսակն ու կշիռը։
9. Այս բոլորը հաշվի առնելով, երբ, միեւնույն է, ստիպված ես բոլոր օրենքներն անգիր իմանալ, լավագույնը փորձ չունեցող, երիտասարդ, անգամ նորավարտ փաստաբան վարձելն է, ով ավելի քիչ գործ կունենա ձեռքի տակ եւ ով շահագրգռված կլինի սեփական դաÕ՛տը շահել՝ թեկուզ կարիերայի՛ համար եւ ոչ թե հանուն փողի, ու եթե բախտի բերմամբ ունենա չծախվելու համառություն, նրա անփորձությունը կամ քիչ փորձառու լինելը չի խանգարի դատը շահելուն։
10. Եվ, վերջապես, 10—րդ ոսկե կանոնը. երբեք մի՛ հուսահատվիր, անգամ, եթե տանուլ տաս դատդ, դատավարական այդ ողջ շիլաշփոթի մեջ բազում դիմակներ կպատռես եւ կապացուցես, որ պարտված արդարությունից Ճշմարտության գլուխն ավելի է բարձրանում։
Էլեոնորա ՆԵՐՍԻՍՅԱՆ

04-09-2019





17-09-2019
Մեդալներ եւ ուղեգրեր՝ աշխարհի առաջնությունում
Արթուր Ալեքսանյանը չկարողացավ մասնակցել եզրափակիչին, սակայն մեզ համար ...


17-09-2019
Շենգենյան գոտու մուտքի արտոնագրի ստացման գործընթացում փոփոխություն չի եղել
Փաստաթղթերի ուսումնասիրման ժամկետների երկարաձգումը զուտ տեխնիկական է

Լուսինե ՆԱԶԱՐՅԱՆ
l.nazaryan@hhpress.am




17-09-2019
ԱՌՁԵՌՆ ԱՌԱԾԱՆԻ
«Անունը կա, ամանում չկա»

Սա սովորաբար ասում ենք, ...


 
17-09-2019
Մուտք
Ինչպես խուսափել անհարմար իրավիճակներից

Մեր կյանքը լի է ...


17-09-2019
Թուրքիան վտանգ է ո՛չ միայն տարածաշրջանի համար
Արցախի խնդիրը՝ թուրք-ադրբեջանական ծրագրերում

Արմենուհի ՄԵԼՔՈՆՅԱՆ
a.melqonyan@hhpress.am


Ինչպես միշտ, այնպես ...


17-09-2019
«Հայաստանը կարող է ունենալ ժամանակակից պղնձաձուլարան»
Ասում է «Թեղուտ» ՓԲԸ գործադիր տնօրեն Կարեն Ղազարյանը

Լիանա ...


17-09-2019
Ի՞նչ պայմաններում են պահվում դատապարտյալները
Խաղամոլության «դեմն առնելու» լավագույն տարբերակն աշխատանքն է

Լիանա ՍԱՐԳՍՅԱՆ
l.sargsyan@hhpress.am





17-09-2019
Քանակի նվազում, որակի բարձրացում
Քայլեր են արվում վարչական դատարանների ...

17-09-2019
«Արցախը ժողովրդավարության զարգացման լավագույն օրինակն է Հարավային Կովկասում»
Միջազգային գիտաժողովն ամփոփեց ...

17-09-2019
Հուսիների հարձակումը մեծացրել է լարվածությունը Միջին Արեւելքում
Կրկին ամերիկյան եւ իրանական կողմերը ...

17-09-2019
Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը
Հայաստանի լրագրողների ֆուտբոլի ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO