Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.02.2020
ՀԱՍԱՐԱԿՈՒԹՅՈՒՆ


IPSE DIXIT

Արդ, անհատը պարտավոր է մանրազնին (ոչ այնպես, ինչպես սովորաբար անում են նրանք, ովքեր չափից դուրս են իրենք իրենց սիրում եւ ներողամիտ են իրենց հանդեպ) կշռել եւ գնահատել սեփական ընդունակությունները, արժանիքներն ու առավելությունները, ինչպես նաեւ սեփական թերությունները, գործունեության այս կամ այն տեսակների համար անկարողությունը եւ առհասարակ այն ամենը, ինչը կարող է նրան խոչընդոտ դառնալ՝ ջանալով այդ վերլուծության ընթացքում իրականի համեմատ մշտապես մեծացնել իր թերությունները եւ փոքրացնել արժանիքները։ Նմանօրինակ գնահատման պարագայում հույժ կարեւոր է նկատի առնել հետեւյալը։
Առաջին՝ անհատը պարտավոր է ուշադրություն դարձնել, թե սեփական խառնվածքը եւ բնատուր հատկությունները որքանով են համապատասխանում ժամանակին։ Եթե պարզվի, որ դրանք լիովին համահունչ են ժամանակաշրջանի ներկայացրած պահանջներին, ապա նա կարող է գործել միանգամայն ազատ՝ ենթարկվելով սեփական բնույթի մղումներին՝ իրեն ոչնչով կաշկանդված չզգալով։ Իսկ եթե որոշակի հակասություն կա անհատի բարքերի եւ իր ժամանակի բարքերի միջեւ, ապա նա իր կենսական բոլոր գործողություններում պարտավոր է դրսեւորել զգուշավորություն, հնարավորինս քողարկված լինել եւ ջանալ սակավ հայտնվելու հանրային վայրերում....
Երկրորդ՝ անհատը պետք է պարզի, թե որքանով են իրեն համապատասխանում գործունեության եւ ապրելակերպի՝ տվյալ ժամանակ առավել տարածված եւ առավել բարձր գնահատվող տեսակները, որոնցից ինքը պետք է ընտրի իրեն ամենից պատշաճը։ Եթե դեռեւս չի կայացվել գործունեության տեսակն ընտրելու մասին որոշում, ապա նմանօրինակ գիտելիքը կօգնի կանգ առնելու սեփական բնավորությանն ու ապրելակերպին առավել համապատասխան տեսակի վրա։
Դե, իսկ եթե նախկինում արդեն ընտրվել է կենսական մի ուղի, որին անհատն իր բնատուր հատկություններով, նախասիրություններով բոլորովին հարմարված չէ, ապա առաջին իսկ պատեհ առիթով պետք է դուրս գալ այդ ուղուց եւ բռնել ուրիշ ուղի....
Երրորդ՝ անհատը պիտի համեմատի իրեն հասակակիցների, հակառակորդների հետ, որոնք հնարավոր է, որ կենսական պայքարում նրա մրցակիցը լինեն, ապա իր համար ընտրի գործունեության մի այնպիսի ոլորտ, որտեղ հատկապես սուր է զգացվում ականավոր մարդկանց պակասը, ուստի եւ նա կկարողանա, ամենայն հավանականությամբ, մյուսներից առաջ անցնել....
Չորրորդ՝ ամեն ոք ընկերներ եւ ծանոթներ ընտրելիս պետք է հաշվի առնի իր բնավորության առանձնահատկությունները։ Չէ՞ որ տարբեր մարդկանց հարկավոր են տարբեր ընկերներ. ոմանց համապատասխանում են լրջմիտ ու լռակյաց ընկերները, մյուսներին՝ հանդուգն ու պարծենկոտ, եւ այսպես շարունակ....
Հինգերորդ՝ անհրաժեշտ է խուսափել օրինակներից եւ այլոց ընդօրինակելու հիմար ձգտումից, մանավանդ երբ համարում են, թե մի բան, որ դյուրին է եղել մեկի համար, պետք է որ նույնքան դյուրին լինի նաեւ մյուսների համար. բնավ չեն խորհում այն մասին, թե որքան մեծ կարող են լինել նմանակողի եւ վերջինիս ընտրած տիպարի բնատուր հատկությունների ու խառնվածքի միջեւ տարբերությունները։ Ակնհայտ է, որ նման սխալ կատարեց Պոմպեոսը (Ցիցերոնի խոսքով), երբ սովորություն էր դարձրել կրկնելու. «Սուլլան կարողացել է, ես ինչո՞ւ չեմ կարողանա»։
Հենց դրանում նա չարաչար սխալվում էր, քանզի իր բնավորությունն ու գործելակերպը տարբերվում էին Սուլլայինից ինչպես երկինքը երկրից։ Սուլլան անզուսպ էր, դաժան, եւ նրան հետաքրքրում էր արարքների զուտ գործնական կողմը։ Մինչդեռ Պոմպեոսը խիստ էր, հարգում էր օրենքները, ամեն մի արարք կատարելիս հոգում էր իր բարի անվան մասին, ուստի եւ ունակ չէր Սուլլային բնորոշ հաջողությամբ իրականացնելու իր մտահղացումները....
Բայց իրեն ճանաչելը դեռ բավական չէ. անհատը պետք է գտնի այն եղանակը, որով կկարողանա խելամտորեն եւ հմտորեն դրսեւորել իրեն, արտահայտել իրեն, վերջիվերջո՝ նաեւ ձեւավորել եւ փոփոխել իրեն։
 Ինչ վերաբերում է իրեն ցույց տալու հմտությանը, ապա որքան հաճախ ենք տեսնում մարդկանց, որոնք աչքի չեն ընկնում մեծ արժանիքներով, բայց կարողանում են ստեղծել դրանց թվացողությունը, թողնում են արտաքին ուժեղ տպավորություն։
Ուստի եւ մեծ խելքի վկայություն պիտի համարենք անհատի ունակությունը՝ վարպետորեն եւ արժանավայել կերպով իրեն մատուցել ուրիշներին լավագույն կողմով. հմտորեն ընդգծել սեփական արժանիքները, վաստակը եւ նույնիսկ հաջողակ լինելը (սակայն խուսափելով գոռոզությունից եւ այլոց հանդեպ արհամարհանքից) եւ, ընդհակառակը, խնամքով քողարկել սեփական արատները, թերությունները, անհաջողություններն ու ձախողումները, մանրամասն կանգ առնել առաջինների վրա ու ներկայացնել շահեկան լույսով, երկրորդները ջանալ թաքցնելու կամ դրանց համար գտնել պատշաճ արդարացում։
Ֆրենսիս ԲԵԿՈՆ

Պատրաստել է Վ. ՄԻՐԶՈՅԱՆԸ

07-09-2019





18-02-2020
Արցախյան շարժում եւ 2020 թվական
Մեր հայրենիքին վերաբերող ցանկացած խնդիր մենք պետք է ...


18-02-2020
Նոր օրենսդրական փոփոխությունները կուժեղացնեն երկրի պաշտպանության համակարգը
Մասնավոր ընկերությունները կներգրավվեն երկրի անվտանգության ապահովման գործընթացներում

Պետության ...


18-02-2020
Հայերի սպանդ, կոտորածներ եւ ջարդեր…
Բաքվում վայրագությունների ենթարկված հայերի թիվն այդպես էլ առայսօր ...


18-02-2020
Հայաստանի ազգային հերոս
Գեղազնիկ Միքայելյան (Չաուշ)

Ազգային-ազատագրական պայքարի նվիրյալ, կամավորական ջոկատների ...


18-02-2020
Հայոց ցեղասպանության հարցը Սիրիայի խորհրդարանում բարձրացվել էր
Բայց սա առաջին պաշտոնական ճանաչումը եւ դատապարտումն էր



18-02-2020
Փաշինյան–Ալիեւ բանավեճը մեկ անգամ եւս վկայեց
Ադրբեջանը պատրաստ չէ կառուցողական երկխոսության

Օրերս Մյունխենի անվտանգության ...


18-02-2020
Վարչապետի մոտ զինված ուժերում մահվան դեպքերի հետ կապված՝ տեղի է ունեցել խորհրդակցություն
Վարչապետ Նիկոլ Փաշինյանի մոտ տեղի է ունեցել խորհրդակցություն, ...



18-02-2020
«Այո» կամ «ոչ»՝ սա է խնդիրը
Պաշտոնապես մեկնարկել է սահմանադրական ...

18-02-2020
«Իմացի'ր, երբ կանգ առնել»
Որո՞նք են էսթետիկ բժշկության դրական ու ...

18-02-2020
Վանաձորն ունի մի շարք լուրջ առավելություններ
«Վանաձորն ունի մի շարք լուրջ ...

18-02-2020
Ովքեր են հավակնում նախագահի պաշտոնին եւ պատգամավորական մանդատներին
Մարտի 31—ին Արցախում կկայանան ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO