Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.09.2019
ՄՇԱԿՈՒՅԹ


Կրոն, բարոյականություն, հավատք, մարդկային էություն

ՀԱՊ-ում կբացվի Վոն Գուանյիի «Մարդաբանական հանրամատչելի ուսումնասիրություն» խորագրով ցուցադրությունը

Լիանա ՍԱՐԳՍՅԱՆ
l.sargsyan@hhpress.am


Հայաստանի ազգային պատկերասրահում սեպտեմբերի 13-ին կբացվի Չինաստանի ժամանակակից խոշորագույն արվեստագետներից մեկի՝ Վոն Գուանյիի «Մարդաբանական հանրամատչելի ուսումնասիրություն» խորագրով ցուցադրությունը։ Արվեստագետի գործերը Հայաստանում ցուցադրվում են առաջին անգամ։ Ցուցադրվող գործերում հեղինակն անդրադառնում է արդիական թեմայի՝ մարդու ֆիզիկական հատկանիշների դասակարգմանը։ Այցելուներն այդ օրը առիթ կունենան ոչ միայն ծանոթանալ չինացի նկարչի գործերին, այլեւ անձամբ լսել դրանց մեկնաբանությունը եւ ծագումնաբանությունը, քանի որ ցուցահանդեսի հանդիսավոր բացման օրը ներկա կլինի նաեւ Գուանյին։
Այս մասին «ՀՀ»—ի հետ զրույցում տեղեկացրեց Հայաստանի ազգային պատկերասրահի գիտքարտուղար Մարինա Հակոբյանը։ Վերջինս նշեց, որ Գուանյին 1989 թվականից հետո Չինաստանում սկիզբ առած «Նյու—արտ» ուղղության առաջնորդներից մեկն է եւ հայտնի է իր «Մեծ քննադատություն» շարքի գործերով, որոնք ներկայացնում են «Մշակութային հեղափոխության» (1966—1976) պրոպագանդան արտացոլող պատկերներ եւ արեւմտյան գովազդներից վերցրած ժամանակակից բրենդների անվանումներ։ Հակոբյանի մեկնաբանմամբ՝ Գուանյիի նպատակն էր մշակել դասական արվեստից շեղված մի ոճ, ստեղծել արտահայտման մի այնպիսի ձեւ, որը բխում էր այն ամենից, ինչ կարդացել էր Գոմբրիխի աշխատություններում։ «Մարդաբանական հանրամատչելի ուսումնասիրությունը, որը բաղկացած է «Անհայտության քող», «Ռասա, բռնություն եւ էսթետիկա», «Ռասաների վերլուծություն» ծավալուն բաժիններից, վերհանում է ֆիզիկական հատկանիշների վրա հիմնված կամայական մեկնաբանությունները եւ թվարկում այն հանգամանքները, որոնք հանգեցրել ու շարունակում են հանգեցնել ռասայական հետապնդման եւ էթնիկ շեղումների։
Գուանյին ծնվել է 1957 թ. Հեյկունցզյան նահանգի Հարբին քաղաքում։ Հայրը աշխատում էր Հյուսիսարեւելյան Չինաստանի երկաթուղում։ Շատերի պես Վոնը նույնպես կրել է «Մշակութային հեղափոխության» ազդեցությունը եւ ստիպված է եղել երեք տարի աշխատել գյուղում։ Նա եւս աշխատել է երկաթուղում։ Չորս տարի փորձել է քոլեջ ընդունվել։ Մի քանի ձախողված փորձերից հետո ընդունվել է Չժեցզյանի գեղարվեստի ակադեմիան։ Ավարտել է գեղանկարչության բաժինը 1984 թվականին։ Ապրում եւ ստեղծագործում է Պեկինում։ Վոն Գուանյին, ինչպես օրինակ՝ Ֆան Լիցզյունը, դարձել է միլիոնատեր՝ Չինաստանի «նորահարուստներից» («nouveau riche») մեկը։ Չինաստանում այդպիսի գեղանկարիչներին՝ իրենց ընդարձակ արվեստանոցներով, թանկարժեք տներով ու մեքենաներով, անվանում են bopu dashi կամ պոպ վարպետներ»,–արվեստագետի կյանքից մանրամասներ ներկայացրեց պատկերասրահի գիտքարտուղարը։
Անդրադառնալով նկարչի ստեղծագործական գործունեությանը, Հակոբյանն ասաց, որ նրա վաղ աշխատանքներում կրկնվում է Հյուսիսային բեւեռի թեման։ Նրա խոսքով՝ դա պայմանավորված չէ աշխարհագրական առանձնահատկություններով։ Այն ավելի խորը հոգեբանական բացատրություն ունի. «Սա խորհրդանշական վայր է, որտեղ ծնունդ է առել մի նոր հավատք եւ որտեղ անհատը սկզբունքորեն պետք է գործ ունենա ինքն իր հետ՝ առանց իրեն շրջապատից կտրելու։ «Սառած Հյուսիսային բեւեռ» շարքի աշխատանքներում (1984—1985) մի խումբ նկարիչներ հյուսիսից, որոնց մեջ էր նաեւ Վոն Գուանյին, ներկայացրել են արեւմտյան փիլիսոփայությունը։ Իր հետդասական շարքերում (1986—1988) Գուանյին վերանայել է արեւմտյան արվեստի խոշոր գործերը, որոնք արտացոլում են կրոնի, բարոյականության, հավատքի ու գաղափարախոսության թեման։ Այդ գործերը կրում են մոխրագույնի տարբեր երանգներ, ներկայացնում են մարդու մարմինը եւ շրջապատը՝ առանց բազմաթիվ մանրամասների»։
Ցուցահանդեսը կգործի մինչեւ հոկտեմբերի 18—ը։ Վոն Գուանյին անհատական ցուցահանդեսներ է ունեցել նաեւ Փարիզում, Հոնկոնգում, Բազելում, Սինգապուրում, Լյուցեռնում, Լոնդոնում, այլ երկրներում։

07-09-2019





17-09-2019
Մեդալներ եւ ուղեգրեր՝ աշխարհի առաջնությունում
Արթուր Ալեքսանյանը չկարողացավ մասնակցել եզրափակիչին, սակայն մեզ համար ...


17-09-2019
Շենգենյան գոտու մուտքի արտոնագրի ստացման գործընթացում փոփոխություն չի եղել
Փաստաթղթերի ուսումնասիրման ժամկետների երկարաձգումը զուտ տեխնիկական է

Լուսինե ՆԱԶԱՐՅԱՆ
l.nazaryan@hhpress.am




17-09-2019
ԱՌՁԵՌՆ ԱՌԱԾԱՆԻ
«Անունը կա, ամանում չկա»

Սա սովորաբար ասում ենք, ...


 
17-09-2019
Մուտք
Ինչպես խուսափել անհարմար իրավիճակներից

Մեր կյանքը լի է ...


17-09-2019
Թուրքիան վտանգ է ո՛չ միայն տարածաշրջանի համար
Արցախի խնդիրը՝ թուրք-ադրբեջանական ծրագրերում

Արմենուհի ՄԵԼՔՈՆՅԱՆ
a.melqonyan@hhpress.am


Ինչպես միշտ, այնպես ...


17-09-2019
«Հայաստանը կարող է ունենալ ժամանակակից պղնձաձուլարան»
Ասում է «Թեղուտ» ՓԲԸ գործադիր տնօրեն Կարեն Ղազարյանը

Լիանա ...


17-09-2019
Ի՞նչ պայմաններում են պահվում դատապարտյալները
Խաղամոլության «դեմն առնելու» լավագույն տարբերակն աշխատանքն է

Լիանա ՍԱՐԳՍՅԱՆ
l.sargsyan@hhpress.am





17-09-2019
Քանակի նվազում, որակի բարձրացում
Քայլեր են արվում վարչական դատարանների ...

17-09-2019
«Արցախը ժողովրդավարության զարգացման լավագույն օրինակն է Հարավային Կովկասում»
Միջազգային գիտաժողովն ամփոփեց ...

17-09-2019
Հուսիների հարձակումը մեծացրել է լարվածությունը Միջին Արեւելքում
Կրկին ամերիկյան եւ իրանական կողմերը ...

17-09-2019
Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը
Հայաստանի լրագրողների ֆուտբոլի ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO