Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.09.2019
ՏՆՏԵՍՈՒԹՅՈՒՆ


ՀԱԷԿ-ը միացել է էներգահամակարգին

Ոչ պակաս ծավալային աշխատանքներ էլի են պլանավորվում

Արմենուհի ՄԵԼՔՈՆՅԱՆ
a.melqonyan@hhpress.am


Ընդամենը օրեր առաջ «ՀՀ»-ն խոսել էր այն մասին, թե Հայկական ատոմային էլկայանի տարբեր արտադրամասերում պլանային նախազգուշական վերանորոգման ինչ աշխատանքներ են տարվում (ՊՆՎ—2019)։ Եվ ահա, ինչպես տեղեկացանք «ՀԱԷԿ» ՓԲԸ—ից, սեպտեմբերի 8—ին, ժամը 11։48—ին, ՀԱԷԿ—ի թիվ 2 էներգաբլոկի N3 տուրբագեներատորը 2019թ. ՊՆՎ—ից հետո դուրս եկավ հզորության էներգետիկ մակարդակ եւ միացվեց Հայաստանի միասնական էներգահամակարգին։
Ռեակտորը աշխատանքային պարամետրերի բերելուց եւ N3 տուրբագեներատորը ընդհանուր էլեկտրացանցին միացնելուց հետո 2019թ. ՊՆՎ—ն համարվում է ավարտված։
Ի դեպ, N3 տուրբագեներատորը կրում է 236 ՄՎտ բեռնվածք։
Եվ, ի միջի այլոց, ի պատասխան թյուրքական «մասնագիտական» քննարկումների, ընդգծենք, որ կայանում եւ դրա հարակից տարածքում ճառագայթումային ֆոնը էներգաբլոկների բնականոն շահագործմանը համապատասխանող մակարդակի վրա է եւ չի գերազանցում բնական ֆոնային արժեքները։ Եվ սա իրապես մասնագիտական գնահատական է։
«ՀԱԷԿ» ՓԲԸ—ն տեղեկացնում է նաեւ, որ արդեն 4—րդ տարին է, ինչ ՀԱԷԿ—ը համատեղում է ստանդարտ ՊՆՎ—ների պրոֆիլակտիկ վերանորոգման աշխատանքները ՀԱԷԿ—ի շահագործման ժամկետի երկարացման ծրագրի իրականացման հետ, քանի որ այս ուղղությամբ կատարվող աշխատանքների մեծ մասը տեխնոլոգիապես հնարավոր է իրականացնել միայն կանգնած էներգաբլոկի դեպքում։ Եվ մեծածավալ գործ է արվել։
Ընկերությունը հատ առ հատ թվարկում է դրանք. 1. ռեակտորից միջուկային վառելիքի լրիվ բեռնաթափում, դրա լվացում եւ նախապատրաստում վերահսկման անցկացմանը, 2. ռեակտորի իրանի գործիքային հետազոտում եւ արդյունքների նախնական վերլուծություն, 3. անվտանգության 1—ին եւ 2—րդ դասի տարրերի գործիքային հետազոտման ավարտ նախնական եզրակացությամբ, 4. ռեակտորի կառավարման եւ պաշտպանության համակարգի (ԿՊՀ) չորս անցուղիների վերականգնողական նորոգում ռեակտորի վերին բլոկում, 5. ԿՊՀ—ի արդիականացում (էլեկտրասարքավորումների փոխարինում), 6. վթարային իրավիճակներում ռեակտորային բաժանմունքի շենքի ամբողջականությունն ապահովող սպրինկլերային (ցայտաջրմուղային) համակարգի արդիականացում, 7. միջուկային վառելիքի ջերմային էներգիան դեպի տուրբիններն ուղղվող «սուր շոգու» էներգիայի կերպափոխող առաջին կոնտուրի խողովակաշարերի եւ սարքավորումների ջերմամեկուսիչների փոխարինման ավարտ, 8. անվտանգության 2—րդ եւ 3—րդ դասի համակարգերի առանձին պոմպերի, արմատուրի, խողովակաշարերի տարրերի փոխարինում, 9. հուսալի սնուցման համակարգի ուժային կուտակիչների բլոկների փոխարինում։
Իսկ եթե ոչ մասնագիտական տերմինաբանությամբ, ապա՝ սրանք այն աշխատանքներն են, որոնք էապես բարձրացնում են էներգաբլոկի շահագործման անվտանգությունն ու հուսալիությունը։
Հավելենք, որ ոչ պակաս ծավալային աշխատանքներ էլ պլանավորվում են էլեկտրաէներգիայի գեներացման համակարգերի վրա (մեքենասրահում)։
Շարունակվում են աշխատանքները տուրբին—գեներատոր—տրանսֆորմատոր երկրորդ լրակազմի սարքավորումների վրա (մասնավորապես՝ բարձր ճնշման գլանի, երկու ցածր ճնշման գլանի, N4 տուրբինի երեք խտուցքահան պոմպի, N4 տուրբագեներատորի եւ օժանդակ համակարգերի տարրերի փոխարինում)։
Այս աշխատանքներով կավարտվի տուրբինային արտադրամասում մեքենասրահի սարքավորումների արդիականացումը, որի արդյունքում սպասվում է էներգաբլոկի թողարկման հզորության զգալի աճ (մոտավորապես 10 տոկոսով) օգտակար գործողության գործակցի հաշվին։
«ՀԱԷԿ» ՓԲԸ—ն հարկ է համարում նշել, որ «այս հսկայական պլանների հաջող ավարտը հնարավոր դարձավ միայն շնորհիվ ամբողջ գործընթացի հստակ կազմակերպման եւ Հայկական ԱԷԿ—ի անձնակազմի՝ վերջնական արդյունքի հասնելու նպատակաուղղվածության։ Ինչպես նաեւ, ինչը ոչ պակաս կարեւոր է, շնորհիվ փոխըմբռնման, ներգրավված ռուսական կազմակերպությունների հետ առողջ գործնական փոխհարաբերությունների, որոնք ձեւավորվել են արդեն մի քանի տարվա համատեղ աշխատանքի ընթացքում։ Ավարտված ՊՆՎ—ի տարբեր ժամանակահատվածներում կայանում աշխատել է այդ կազմակերպությունների 200—600 մասնագետ, եւ նրանք բոլորը ցուցաբերում են բարձր պրոֆեսիոնալիզմ եւ, ինչը հատկապես արժեքավոր է, ՀԱԷԿ—ում սպեցիֆիկ իրավիճակների ըմբռնում ու ծագող խնդիրները լուծելու պատրաստակամություն»։

10-09-2019





17-09-2019
Մեդալներ եւ ուղեգրեր՝ աշխարհի առաջնությունում
Արթուր Ալեքսանյանը չկարողացավ մասնակցել եզրափակիչին, սակայն մեզ համար ...


17-09-2019
Շենգենյան գոտու մուտքի արտոնագրի ստացման գործընթացում փոփոխություն չի եղել
Փաստաթղթերի ուսումնասիրման ժամկետների երկարաձգումը զուտ տեխնիկական է

Լուսինե ՆԱԶԱՐՅԱՆ
l.nazaryan@hhpress.am




17-09-2019
ԱՌՁԵՌՆ ԱՌԱԾԱՆԻ
«Անունը կա, ամանում չկա»

Սա սովորաբար ասում ենք, ...


 
17-09-2019
Մուտք
Ինչպես խուսափել անհարմար իրավիճակներից

Մեր կյանքը լի է ...


17-09-2019
Թուրքիան վտանգ է ո՛չ միայն տարածաշրջանի համար
Արցախի խնդիրը՝ թուրք-ադրբեջանական ծրագրերում

Արմենուհի ՄԵԼՔՈՆՅԱՆ
a.melqonyan@hhpress.am


Ինչպես միշտ, այնպես ...


17-09-2019
«Հայաստանը կարող է ունենալ ժամանակակից պղնձաձուլարան»
Ասում է «Թեղուտ» ՓԲԸ գործադիր տնօրեն Կարեն Ղազարյանը

Լիանա ...


17-09-2019
Ի՞նչ պայմաններում են պահվում դատապարտյալները
Խաղամոլության «դեմն առնելու» լավագույն տարբերակն աշխատանքն է

Լիանա ՍԱՐԳՍՅԱՆ
l.sargsyan@hhpress.am





17-09-2019
Քանակի նվազում, որակի բարձրացում
Քայլեր են արվում վարչական դատարանների ...

17-09-2019
«Արցախը ժողովրդավարության զարգացման լավագույն օրինակն է Հարավային Կովկասում»
Միջազգային գիտաժողովն ամփոփեց ...

17-09-2019
Հուսիների հարձակումը մեծացրել է լարվածությունը Միջին Արեւելքում
Կրկին ամերիկյան եւ իրանական կողմերը ...

17-09-2019
Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը
Հայաստանի լրագրողների ֆուտբոլի ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO