Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.01.2021
ՆԵՐՔԻՆ ԿՅԱՆՔ


Ջուրը գողանում են, անունը դնում՝ ջրի կորուստ

Գույքագրելով հողատարածքները՝ կկանխեն նաեւ ջրի գողությունը

Լիանա ՍԱՐԳՍՅԱՆ
l.sargsyan@hhpress.am


ՀՀ Ազգային ժողովը երկրորդ ընթերցմամբ եւ ամբողջությամբ ընդունեց «Բարգավաճ Հայաստան» խմբակցության անդամ Սերգեյ Բագրատյանի ներկայացրած «Ջրօգտագործողների ընկերությունների եւ ջրօգտագործողների ընկերությունների միությունների մասին» օրենքում լրացում կատարելու մասին նախագիծը, որով առաջարկվում է «Ջրօգտագործողների ընկերությունների եւ ջրօգտագործողների ընկերությունների միությունների մասին» ՀՀ օրենքում ամրագրել մատակարարված ոռոգման ջրի դիմաց բացառապես անկանխիկ ձեւով վճարում կատարելու ջրօգտագործողի պարտականությունը։ Ակնկալվում է, որ այս փոփոխությունը թույլ կտա խուսափել հնարավոր անճշտություններից, ինչպես նաեւ հաշվի առնելով այն հանգամանքը, որ անկանխիկ գործառնությունները ենթակա են առավել հեշտ կարգով վերահսկման, կապահովվի ՋՕԸ—երի գործունեության թափանցիկությունը՝ նվազագույնի հասցնելով կոռուպցիոն ռիսկերը։
«ՀՀ»—ի հետ զրույցում Սերգեյ Բագրատյանը նշեց, որ խնդրին հրատապ կերպով անդրադառնալու անհրաժեշտությունն առաջացել է հենց գյուղացիների դժգոհությունները հաշվի առնելով։ Մարզեր կատարած այցելությունների ընթացքում պարզվել է, որ բազմաթիվ գյուղացիներ դատական քաշքշուկների մեջ են՝ ջրի վարձի մեծ կուտակումների հետեւանքով։ «Պարզվում է գյուղացիները ժամանակին կանխիկ վճարումներ են արել, որի դիմաց ստացել են համապատասխան փաստաթուղթ առ այն, որ վճարում իսկապես կատարվել է։ Սակայն խնդիրը առաջացել է երեքից—հինգ տարի անց, երբ դատարանից ջրի վարձի ծանուցագիր է եկել։ Վճարման մասին փաստող անդորրագիրը չպահպանելու հետեւանքով չեն կարողացել փաստել, որ վճարումը ժամանակին կատարել են։ Գյուղացիները խնդրեցին օգնել իրենց։ Գտա այս տարբերակը, որ այլեւս կանխիկ գումարով ջրի վարձ որեւէ մեկը իրավունք չունենա ընդունելու»,—հստակեցրեց պատգամավորը։ Բոլոր գյուղերում կան փոստային բաժանմունքներ, ուստի վճարում հնարավոր է կատարել նաեւ փոստի միջոցով։ Բայց, ենթադրենք, այնքան հեռավոր գյուղ է, որ նույնիսկ փոստ չունի։ «Այդ դեպքում, երբ նախկինում ջրբախշը բերում է վճարման մասին համապատասխան կտրոն, այսուհետ կբերի բանկային անդորրագիր։ Այդ պահանջը դնելու դեպքում այլեւս ոչ մի խնդիր չի առաջանում։ Ցանկացած դեպքում բանկից կարող ենք հանել վճարման մասին տվյալները։ Բանկի եւ փոստի միջոցով կատարված վճարումը համակարգով մուտքագրվում է տվյալ ընկերության ջրի վարձի դիմաց։ Բանկային համակարգի միջոցով ընկերությունը ցանկացած ժամի կարողանում է հանել քաղվածքը, որն էլ հիմք է դառնում դատարանում առ այն, որ քաղաքացին վճարել է։ Անդորագիրը կորցնելը տվյալ դեպքում որեւէ դեր չի կարող խաղալ»,—պարզաբանեց Բագրատյանը։
Փոփոխությունը վերաբերում է միայն ոռոգման ջրին։ Վճարման խնդիրը փոքրիշատե համարենք, որ լուծված է։ Սակայն ոլորտում դեռեւս օրակարգային մի շարք հարցեր մնում են անլուծելի։ Մասնավորապես, ամռան սեզոնին, ջրի սակավության պատճառով հողագործությամբ զբաղվող գյուղացին փաստի առաջ է կանգնում։ Գյուղեր կան, որ ոռոգման ջուր ամիսը մեկ—երկու անգամ են ունենում։ Իսկ այս խնդրին ի՞նչ լուծում է նախատեսված հարցին ի պատասխան, Բագրատյանը շեշտեց՝ լուծումը համակարգային է, որի մի բաղկացուցիչը այս օրենքով կարգավորվում է։ Տրամաբանական շարունակությամբ հաջորդ օրենքն, ըստ պատգամավորի, պետք է վերաբերի հողատարածքների գույքագրմանը, որի առկայության դեպքում այլեւս չեն կարողանա խաբեությամբ աշխատել, կամ «ձախ» ջուր տալ տնտեսավարողին։ «Խնդիրն այն է, որ ջուրը գողանում են եւ դրա անունը դնում՝ ջրի կորուստ։ Մեծ այգիներ ունեցող տնտեսավարողները շատ դեպքերում ջուրօգտագործող ընկերությունների հետ պայմանավորվում են ցույց չտալ ամբողջ հողատարածքը, որպեսզի կարողանան քիչ գումարով ջուրը ստանալ։ Սա երկուստեք էլ ձեռնտու է, մեկը քիչ է վճարում, մյուսը «ձախ» գումարներ է աշխատում։ Եթե այս երկրորդ քայլով էլ կարողանանք ամբողջությամբ գույքագրել ոռոգվող տարածքները, այդպիսով կվերացնենք ջրի գողության դեպքերը։ Իսկ եթե ջուրը չգողացվի, բոլորին էլ կհասնի»,—ընդգծեց Բագրատյանը։
Այսպիսով՝ յուրաքանչյուր ամսվա ընթացքում մատակարարված ոռոգման ջրի դիմաց վճարը կատարվելու է ընկերության համապատասխան հաշվին՝ բանկային, փոստային կամ այլ փոխանցման ձեւով, մուտքագրման եղանակով, մինչեւ այդ ամսվան հաջորդող ամսվա 15—ը։ Սույն օրենքն ուժի մեջ կմտնի 2020 թվականի հունվարի 1—ից։

12-09-2019





19-01-2021
Բաշխման էլեկտրական ցանցերում տեխնոլոգիական կորուստները կնվազեն
Ինչ է նախատեսված 10-ամյա ներդրումային ծրագրով

Հայաստանի էլեկտրական ...


19-01-2021
Մեծ Բրիտանիան նոր «Մեծ խաղ» է նախաձեռնել
Լոնդոնը Թուրքիային դարձրել է իր զենքը սեփական շահերի առաջխաղացման ...


19-01-2021
«Իմ մահը պիտի ըլլա ոտքի վրա…»
Նա քաջ գիտակցում էր, թե ինչ է նշանակում հայ ...


19-01-2021
Նվազեցվում են ՊԵԿ աշխատակից-հարկատու շփումները
Ներդրվում է վարչական իրավախախտումների վերաբերյալ վարույթների էլեկտրոնային կառավարման համակարգ


19-01-2021
Թուրքիան չի հրաժարվում սպառնալիքի լեզվով խոսելուց
Կարսում նախատեսվում են թուրք-ադրբեջանական համատեղ զորավարժություններ

Հայաստանին սահմանակից ...


19-01-2021
Հայաստանի բազմաբնակարան շենքերի երեք տոկոսից ավելին անբավարար վիճակում է
Կառավարման մարմինները բնակֆոնդի պահպանման գործառույթներ պետք է իրականացնեն


19-01-2021
Սուրբ Հոգու պարգեւները
«Պարգեւները զանազան են, բայց Հոգին նոյնն է: Եւ պաշտօնները ...



19-01-2021
Կստանձնի ՀՀ վարչապետի աշխատակազմի ղեկավարի պաշտոնը
ՀՀ վարչապետ Նիկոլ Փաշինյանի որոշմամբ այսուհետ ...

19-01-2021
Քննարկման է ներկայացվել հակակոռուպցիոն կոմիտե ստեղծելու նախագիծ
Կառավարությունը ՀՀ Ազգային ժողովի քննարկմանն է ...

19-01-2021
Հոբելյանը կնշվի համերգային ծրագրերով
ԽՍՀՄ ժողովրդական արտիստ, պետական մրցանակների ...

19-01-2021
Այս տարի էլ հաղթեց Հովիկ Հայրապետյանը
Արցախցի գրոսմայստեր Հովիկ Հայրապետյանը երկրորդ ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO