Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.11.2019
ԳԻՏՈՒԹՅՈՒՆ


Հայաստանը կդիրքավորվի ՏՏ միջազգային քարտեզում

Ինչպիսի՞ն են ակնկալիքները «WCIT-2019-ից»

Լուսինե ՆԱԶԱՐՅԱՆ
l.nazaryan@hhpress.am


Աշխարհի շուրջ 70 երկրից հանրային եւ մասնավոր ոլորտի ավելի քան 2500 գործիչների մասնակցությամբ առաջին անգամ ՏՏ համաշխարհային համաժողովը կանցկացվի Հայաստանում։ Համաժողովը, որը կկայանա հոկտեմբերի 6-9-ը Երեւանում, անցկացվելու է ՀՀ կառավարության բարձր հովանու ներքո եւ աջակցությամբ, կազմակերպիչն է Առաջատար տեխնոլոգիաների ձեռնարկությունների միությունը։ Տարիներ ի վեր համաժողովի անցկացման ուղղությամբ միության կուտակած ահռելի փորձը հնարավորություն է տվել այս հեղինակավոր միջոցառումն անցկացնելու Հայաստանում, ինչը կազմակերպիչներին հաջողվել է համառ աշխատանքի եւ երկարատեւ գործընթացների շնորհիվ։
Նախորդ տարի փետրվարին ՏՏ համաշխարհային համաժողովը (World Congress on Information Technology WCIT) կայացել է Հնդկաստանի Հայդարաբադ քաղաքում, որին մասնակցություն է ունեցել նաեւ ՏՏ ընկերությունների հայկական պատվիրակությունը, որի շրջանակներում Հայաստանին պաշտոնապես փոխանցվել է «WCIT—2019»—ի անցկացման հնարավորությունը, որի իրավունքը Հայաստանին ընձեռվել էր դեռեւս 2014—ին։
WCIT—ը անցկացվում է 1978 թվականից Տեղեկատվական տեխնոլոգիաների եւ ծառայությունների համաշխարհային ալյանսի (World Information Technology and Services Alliance—WITSA) կողմից, որին Առաջատար տեխնոլոգիաների ձեռնարկությունների միությունը անդամակցում է 2004 թվականից։
ՏՏ ոլորտի զարգացման առումով Հայաստանի համար ինչպիսի նոր հնարավորություններ ու համագործակցության հեռանկարներ կստեղծի համաշխարհային համաժողովի անցկացումը, «ՀՀ»–ն զրուցեց Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանի հետ։
«Դա այն միջոցառումն է եւ այն վայրը որտեղ ամբողջ աշխարհի գործարարներն ու նորարարները մեկտեղվում են եւ հիմնական քննարկման նյութ դարձնում ՏՏ ոլորտի ապագան։ Ու քանի որ այսօր ՏՏ ոլորտը աշխարհում շատ արագ է զարգանում, եւ ապագայի տեսլականը շատ կարեւոր է, այդ պատճառով էլ համաժողովի հանդեպ մեծ է աշխարհի բոլոր երկրների հետաքրքրությունը։ Հայաստանում համաժողովի անցկացումը կտա մեզ հնարավորություն տեխնոլոգիական ոլորտի աշխարհի խոշորագույն ներկայացուցիչների հետ հանդիպելու, նրանց ունկնդրելու, կխթանվի աշխարհի ՏՏ քարտեզում Հայաստանի դիրքավորումը՝ զարգացման նոր հեռանկարներ բացելով»,— ասաց Կարեն Վարդանյանը՝ մատնանշելով ՏՏ հեղինակավոր մասնագետների հետ հաղորդակցվելու կարեւորությունը, ինչը, ըստ նրա, հնարավորություն կտա հայ մասնագետներին ձեռքները միշտ զարկերակի վրա պահելու։ «Համաժողովը մեզ կընձեռի հնարավորություն նաեւ ծանոթանալու աշխարհի տեխնոլոգիական զարգացումներին, տարբեր երկրների ներուժի ու փորձի հետ, որը վաղը հնարավոր կլինի վերածել բիզնեսի եւ լրացուցիչ զարգացում հաղորդել Հայաստանի տեխնոլոգիական ոլորտին»,–նշեց ԱՏՁՄ գործադիր տնօրեն Կարեն Վարդանյանը։
Իսկ ինչպես հաջողվեց միջոցառման անցկացումը կազմակերպել Հայաստանում, զրուցակիցս ասաց, որ այս ուղղությամբ աշխատանքներ են սկսել իրականացնել դեռեւս 2004թ.—ից, երբ միությունը դարձավ Տեղեկատվական տեխնոլոգիաների եւ ծառայությունների համաշխարհային ալյանսի անդամ։ Այդ ժամանակաշրջանից սկսած նախապատրաստվել են, փորձ կուտակել եւ վստահ են, որ այն Հայաստանում կարողանալու են այն բարձր մակարդակով անցկացնել։
Ըստ «WCIT 2019 — ՏՏ համաշխարհային համաժողովի» ծրագրի ղեկավար Սյուզաննա Ազոյանի՝ միջոցառումը կբացահայտի ոլորտում առկա նոր հնարավորությունները եւ հեռանկարային ազդեցությունը։
Նշենք, որ WCIT—ը բիզնես հաղորդակցությունների եւ գործարքների միջազգային հարթակ է գործարարների, նորարարների, պետական ներկայացուցիչների, վերազգային կազմակերպությունների, ներդրողների եւ նշանավոր գիտնականների համար։ Համաժողովի ներկայացուցիչները միջոցառման շրջանակներում քննարկումներ են ծավալում ոլորտի զարգացման ուղղությունների ու մարտահրավերների շուրջ, B2B հանդիպումներ ունենում։

20-09-2019





22-11-2019
«Խաղաղության աստղը՝ Արցախի երկնակամարում»
Նկարահանվում է ֆիլմ աշխարհի միստիկ վայրերի մասին, որում ...


22-11-2019
Բյուրականի աստղազարդ երկինքն ու Արագածի ջրերը
Նոր գաղափարներ՝ զբոսաշրջության զարգացման համար

Թամարա ՄՈՒՐԱԴՅԱՆ
t.muradyan@hhpress.am


Բյուրական համայնքի ...


22-11-2019
Կշահեն արագ գործող եւ հավատարիմ դաշնակիցները
Պետք է առավելագույնի հասցնենք մեր դիվանագիտական ու ռազմաքաղաքական ...


22-11-2019
Դեպի միասնական ֆինանսական շուկա
ԵԱՏՄ երկրների օրենսդրությունն այդ ոլորտում կներդաշնակեցվի մինչեւ 2025 ...


22-11-2019
Ադրբեջանից բռնագաղթածները կապահովվեն մշտական օթեւանով
Այս փուլում 112 ընտանիքի խնդիր կլուծվի

Արմենուհի ՄԵԼՔՈՆՅԱՆ
a.melqonyan@hhpress.am


1988-1992 ...


22-11-2019
Գրքերը կզեղչվեն 40 տոկոսով
Մեկնարկում է Գրքի երեւանյան 3-րդ փառատոնը

Լիանա ՍԱՐԳՍՅԱՆ
l.sargsyan@hhpress.am


Հայ ...


22-11-2019
Հանդիպում Սենատում
Վարչապետ Նիկոլ Փաշինյանը Միլանում նախատեսված հանդիպումներից եւ միջոցառումներից հետո ...



22-11-2019
Արախիշի զարմանահրաշ խաչքարը
Այսօրվա Քաշաթաղի մայր գետի՝ Հակարիի 3 մեծ վտակի՝ ...

22-11-2019
Գրապահարանները, որպես տան կահույք, «մոդայիկ» չեն
Իսկ գրքե՞րը...

Թամարա ...

22-11-2019
«Հնարավոր չէ լուծել Լեռնային Ղարաբաղի հարցը առանց ծանր ու հետեւողական ջանքերի, առանց փոխզիջման»
Վարչապետ Նիկոլ Փաշինյանի հանդիպումներն ...

22-11-2019
ՀՖՖ նախագահն ու գործկոմը դադարեցրեցին իրենց լիազորությունները
Նախորդ նախագահի ընտրությունից 1 տարի եւ 2 ամիս անց ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO