Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.10.2019
ԱՅԼՔ...


Ուղեւորի իրավունքներն ու ավիափոխադրողի պարտավորությունները

Խնդիրը օրենսդրական կարգավորման բացակայությունն է

Լուսինե ՄԽԻԹԱՐՅԱՆ
l.mkhitaryan@hhpress.am


Ուշացած թռիչք, լարված, սպասողական վիճակում գտնվող ուղեւորներ։ Մեղմ ասած՝ հաճելի իրավիճակներից չէ, առավել եւս, երբ ուղեւորների թվում նաեւ մանկահասակ երեխաներ են։ Միայն այս տարի մեր հայրենակիցները մի քանի անգամ հայտնվել են նման իրավիճակում, երբ ավիափոխադրող ընկերության ինքնաթիռը այդպես էլ չէր ժամանել ուղեւորներին Հայաստան փոխադրելու համար։
Խնդրի կարգավորումը նախեւառաջ օրենսդրական դաշտում է. չկա օրենք, որը կկարգավորի ավիափոխադրողների եւ ուղեւորների հարաբերությունները։ Այդ բացը լրացնելու նպատակով ԱԺ «Իմ քայլը» խմբակցության անդամ Նարեկ Մկրտչյանը հանդես է գալու օրենսդրական նախաձեռնությամբ։ Դրա շրջանակներում կարգավորում է ստանալու նաեւ ուշացած չվերթների դեպքում պատասխանատու ավիաընկերությունների պարտավորությունների հարցը։ «Հայաստանի Հանրապետությունը պետք է ունենա օրենք եւ ցանկացած ավիափոխադրող, որը կգա Հայաստան, պետք է գործի՝ հաշվի առնելով այդ օրենքը։ Դա նորմալ եւ բնական է, ամբողջ քաղաքակիրթ աշխահում այդպես է։ Ներկայումս այդ խնդիրը կարգավորող որեւէ օրենք չկա։ Նոր օրենքով ցանկացած ավիափոխադրող ուշացման դեպքում կպարտավորվի ապահովել ուղեւորների համար ամենաանհրաժեշտ տարրական պայմանները։ Սա ՀՀ քաղաքացուն հարգելու շատ կարեւոր ինստիտուտներից մեկն է»,–«ՀՀ»—ի հետ զրույցում ասաց պատգամավորը։ Նա հիշեց, որ վերջերս ականատես եղանք, երբ մի շարք երկրներում ավիափոխադրողների ուշացումների պատճառով մեր քաղաքացիները ստիպված են եղել ժամեր շարունակ մնալ օդանավակայանում, իսկ պատճառած անհարմարությունների համար այդպես էլ որեւէ աջակցություն կամ փոխհատուցում չեն ստացել։ Ուղեւորներին ոչ միայն հյուրանոց, այլեւ սնունդ չէին տրամադրել, եւ քաղաքացիները ստիպված են եղել իրենց միջոցներով հոգալ այդ ծախսերը։ Մինչդեռ աշխարհի տարբեր երկրներում թռիչքը երեք ժամից ավելի ուշացման դեպքում ավիափոխադրողը պարտավորված է ուղեւորներին ապահովել սնունդով, կեցավայրով անկախ այն հանգամանքից, թե որոնք են եղել հետաձգման պատճառները՝ սկսած եղանակային վատ պայմաններից մինչեւ տեխնիկական խնդիրներ եւ այլն։
Մկրտչյանի խոսքով, օրենքի առկայությունը կստիպի ավիափոխադրողներին ավելի զգույշ լինել, քանի որ հակառակ դեպքում կենթարկվեն ֆինանսական պատասխանատվության։ Իհարկե, կան ավիաընկերություններ, որոնք բարեխիղճ են եւ նման դեպքերում պատասխանատվություն են ստանձնում, սակայն այդ ամենը, այնուամենայնիվ, պետք է դրվի իրավական հիմքերի վրա։
Նախագիծը դեռեւս գտնվում է քննարկման փուլում. հաշվի առնելով այն հանգամանքը, որ ընդհանրապես ոլորտը կարգավորող օրենք չկա, պետք է առավել մանրակրկիտ ուսումնասիրվի դաշտը։ «Մասնագիտական շրջանակների հետ ենք քննարկումներ անցկացրել, առաջիկայում հարցը կքննարկենք նաեւ Քաղավիացիայի կոմիտեի ներկայացուցիչների հետ եւ փորձագիտական շրջանակների հետ՝ ակնկալելով ունենալ այնպիսի նոր օրենք, որն ավելի նպաստավոր պայմաններ կստեղծի մեր քաղաքացիների համար»,– ասաց նա։
Նախատեսվում է առաջիկա մեկ ամսվա ընթացքում պատրաստ ունենալ նախագիծը եւ քննարկման դնել արդեն աշնանային նստաշրջանի ընթացքում։ «Առայժմ սպասում ենք մի քանի փորձագիտական շրջանակների եզրակացությունների»,–հավելեց պատգամավորը։

25-09-2019





23-10-2019
Հայաստանը զբոսաշրջային քարտեզի վրա
Ինչպիսի քայլեր են արվում մեր երկրի վարկանիշը բարձրացնելու ...


23-10-2019
Հովհաննես Թումանյանի «բարի ուժի» փիլիսոփայությունը
Լիակատար ներումը հնարավոր է դարձնում «սիրելը»

Մինչ հայոց ...


23-10-2019
Ներքաղաքական կյանքն ընթանում է բնականոն հունով
Խորհրդարանական ուժերը՝ տեղական իրադարձությունների մասին

Թամարա ՄՈՒՐԱԴՅԱՆ
t.muradyan@hhpress.am


Ինչպիսի՞ն է ...


23-10-2019
Թյուրքալեզու երկրների հավաք՝ Մերձավոր Արեւելքն ու Կովկասը վերահսկելու օրակարգով
Համաթուրքական համերաշխության ներքին անհամերաշխությունը

Արմենուհի ՄԵԼՔՈՆՅԱՆ
a.melqonyan@hhpress.am


Պետք է խոսել ...


23-10-2019
Սառույց հալեցնելու աղի փոխարեն կերակրի՛ աղ օգտագործեք
Եթե, իհարկե, թանկ է առողջությունը

Արմենուհի ՄԵԼՔՈՆՅԱՆ
a.melqonyan@hhpress.am


Գաղտնիք հայտնաբերած ...


23-10-2019
Քրդերը մնացել են մենակ թուրքական թնդանոթների դեմ
Հասկանալի չէ, թե երբ քրդերը կազատվեն թուրքական իշխանության ...


23-10-2019
Բիզնես... կարմիր գծերին
Երեւանի փողոցներում՝ հատկապես կենտրոնում, կարմիր գծերին հաճախ կարելի է ...



23-10-2019
Վաշինգտոնն ու Մոսկվան ասացին իրենց խոսքը. ո՞րն է լինելու լուծումը
Եվ ինչ նոր սադրանքների կդիմի ...

23-10-2019
Գինու արտահանումն աճել է
Հայկական արտադրանքը կներկայացվի ...

23-10-2019
«Դրախտի դարպասը»՝ Արցախի էկրանին
Դավիթ ՄԻՔԱՅԵԼՅԱՆ
d.miqayelyan@hhpress.am



23-10-2019
Ռազմական խաղերում Հայաստանն ունի 1 մեդալ
Եվս մի քանիսի ակնկալիք

USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO