Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.10.2019
ՍՈՑԻՈՒՄ


Նպաստները կբարձրանան

Կբարձրանա նաեւ առաջին երեխայի ծննդյան միանվագ նպաստը

Լիանա ՍԱՐԳՍՅԱՆ
l.sargsyan@hhpress.am


Հայաստանի ժողովրդագրական իրավիճակի բարելավման նպատակով 2020 թվականից մեկնարկելու են ծնելիության խրախուսման, երիտասարդ եւ երեխաներ ունեցող ընտանիքների աջակցության նոր ծրագրեր։ Այս մասին հայտարարել է ՀՀ փոխվարչապետ Տիգրան Ավինյանը։ Ըստ Ավինյանի՝ վեց անգամ բարձրանալու է առաջին երեխայի ծննդյան միանվագ նպաստը՝ 50 հազար դրամից դառնալով 300 հազար դրամ։ Երկու անգամ բարձրանալու է երկրորդ երեխայի ծննդյան միանվագ նպաստը՝ 150 հազար դրամից հասնելով մինչեւ 300 հազար դրամի։ 41 տոկոսով բարձրանալու է աշխատող մայրերին տրվող ամսական նպաստը՝ 18 000 դրամից կդառնա 25 500 դրամ։ Գյուղական բնակավայրերում երեխայի խնամքի նոր նպաստի տեսակ է մտցվելու. մինչեւ երեխայի երկու տարեկանը լրանալը մայրերին ամսական վճարվելու է 25 500 դրամ։
ՀՀ աշխատանքի եւ սոցիալական հարցերի նախարարության ժողովրդագրության բաժնի պետ Արտակ Մարկոսյանը «ՀՀ»—ի հետ զրույցում անդրադառնալով սպասվող փոփոխություններին՝ ասաց, որ ներկայիս ժողովրդագրական իրավիճակի շուրջ արված տարբեր հետազոտություններ ցույց են տվել, որ ծնողների համար առաջնային տեղում հենց դրամական խրախուսումն է։ Ըստ նրա՝ սոցիալական ապահովման բաղադրիչն այստեղ շատ մեծ դերակատարում ունի։ Մարկոսյանի դիտարկմամբ՝ նախկինում առաջին երեխայի համար տրվող 50 հազար դրամը վերջին 11 տարիների գնաճի, կատարվող անհրաժեշտ ծախսերի հետ համարժեք չէ։ «Սկսում ենք առաջին երեխայից, քանի որ 2011 թվականից ունենք առաջին եւ երկրորդ երեխաների ծնելիության մեծ անկում։ Երրորդ, չորրորդ, հինգերորդ եւ ավելի երեխաների թիվը պահպանվել է։ 2014 թվականից գործում է դասակարգված մոտեցում՝ առաջին երեխային 50 հազար, երկրորդին՝ 150, երրորդ եւ չորրորդ երեխաներին՝ 1 միլիոն դրամ եւ հինգերորդ եւ ավելի երեխաների դեպքում՝ 1,5 մլն դրամ։ Հետազոտությունները ցույց են տալիս, որ այս գումարները որոշակի դերակատարում ունեցել են, խրախուսման միջոց են հանդիսացել»,—նկատեց Մարկոսյանը։
Առաջին երեխայի համար տրվող 300 հազար դրամը պետությունը ծնողին կտա որպես օգնություն երեխայի համար առաջին անհրաժեշտ պարագաների գնման համար։ Գումարը կստանան այնպես, ինչպես ստանում էին 50 հազար դրամի պարագայում. «Պետությունը սա տալիս է, որպեսզի ծնողն առանց որեւէ բարդությունների հոգա երեխայի առաջնային ծախսերը։ Այսպես պետությունը փաստացի ասում է, որ ինքն է կատարում բոլոր ծախսերը։ Առավել տարբերակված մոտեցում է ցուցաբերվել նպաստների հարցում։ Որոշում կայացվեց, որ նպաստները 2020 թվականից պետք է բարձրանան»։ Հետազոտությունները ցույց են տվել, որ 2012 թվականից սկսած ծնելիության մեծ անկում է արձանագրվել հատկապես գյուղական բնակավայրերում։ Մարկոսյանի խոսքով՝ վերջին 20 տարիներին գյուղական բնակավայրերին ընդհանրապես ուշադրություն չի դարձվել։ «Գյուղում ծննդաբերող կինը երբեք օգնություն չի ստացել պետությունից։ Երեխայի խնամքի նպաստ երբեք չի ստացել։ Այս որոշմամբ՝ գյուղական բնակավայրերի բոլոր մայրերը՝ աշխատող թե չաշխատող, ստանալու են խնամքի նպաստ՝ 25.500 դրամ, մինչեւ երեխայի երկու տարեկան դառնալը»,—մանրամասնեց ժողովրդագրության բաժնի պետը։
Ի դեպ, Ավինյանը հայտարարության մեջ նաեւ նշել էր, որ աշխատանք են տանելու, իր ձեւակերպմամբ՝ «մանկապարտեզի հերթ» կոչված արատավոր երեւույթը փուլային եղանակով վերացնելու ուղղությամբ։ Նախադպրոցական եւ դպրոցական հաստատություններում տեղի կունենա երկարօրյա խնամքի եւ ուսման ծառայությունների ընդլայնում, մասնավորապես՝ համավճարի տարբերակով կազմակերպվելու է խնամք ժամը 08։30—ից մինչեւ 19։00—ն։ Դրա շնորհիվ աշխատող ծնողը, ըստ փոխվարչապետի, հնարավորություն կունենա իր բնակավայրին կամ աշխատատեղին մոտ նախադպրոցական եւ դպրոցական հաստատություններում երեխայի խնամքը կազմակերպել։ «Ամենակարեւոր դրույթներից մեկը, իհարկե, երիտասարդ ու երեխա ունեցող ընտանիքների բնակարանային կարիքները բավարարելու ծրագրերն են, եւ 2020 թվականը մեկնարկելու ենք հավակնոտ ծրագրերով, որոնց շրջանակներում երեխայի ծնունդով պայմանավորված հիպոթեքային վարկով բնակարան ձեռք բերելու համար պետությունը տրամադրելու է ե՛ւ միանվագ դրամական աջակցություն, ե՛ւ կանխավճարի ապահովագրություն մարզային բնակավայրերում։ Նախնական ծրագրի բյուջեն կկազմի մոտավորապես 500 մլն դրամ, բայց սկզբի համար, կարծում եմ, սա ավելի քան բավարար կլինի։ Զուգահեռաբար աշխատանքներ կտարվեն մարզային բնակավայրերում նպատակային բնակարանաշինական ծրագրերով, որով քաղաքաշինության կոմիտեն արդեն զբաղվում է»,—ասել է փոխվարչապետը՝ հավելելով, որ այս ծրագրերն ընդամենը սկիզբն են։

25-09-2019





23-10-2019
Հայաստանը զբոսաշրջային քարտեզի վրա
Ինչպիսի քայլեր են արվում մեր երկրի վարկանիշը բարձրացնելու ...


23-10-2019
Հովհաննես Թումանյանի «բարի ուժի» փիլիսոփայությունը
Լիակատար ներումը հնարավոր է դարձնում «սիրելը»

Մինչ հայոց ...


23-10-2019
Ներքաղաքական կյանքն ընթանում է բնականոն հունով
Խորհրդարանական ուժերը՝ տեղական իրադարձությունների մասին

Թամարա ՄՈՒՐԱԴՅԱՆ
t.muradyan@hhpress.am


Ինչպիսի՞ն է ...


23-10-2019
Թյուրքալեզու երկրների հավաք՝ Մերձավոր Արեւելքն ու Կովկասը վերահսկելու օրակարգով
Համաթուրքական համերաշխության ներքին անհամերաշխությունը

Արմենուհի ՄԵԼՔՈՆՅԱՆ
a.melqonyan@hhpress.am


Պետք է խոսել ...


23-10-2019
Սառույց հալեցնելու աղի փոխարեն կերակրի՛ աղ օգտագործեք
Եթե, իհարկե, թանկ է առողջությունը

Արմենուհի ՄԵԼՔՈՆՅԱՆ
a.melqonyan@hhpress.am


Գաղտնիք հայտնաբերած ...


23-10-2019
Քրդերը մնացել են մենակ թուրքական թնդանոթների դեմ
Հասկանալի չէ, թե երբ քրդերը կազատվեն թուրքական իշխանության ...


23-10-2019
Բիզնես... կարմիր գծերին
Երեւանի փողոցներում՝ հատկապես կենտրոնում, կարմիր գծերին հաճախ կարելի է ...



23-10-2019
Վաշինգտոնն ու Մոսկվան ասացին իրենց խոսքը. ո՞րն է լինելու լուծումը
Եվ ինչ նոր սադրանքների կդիմի ...

23-10-2019
Գինու արտահանումն աճել է
Հայկական արտադրանքը կներկայացվի ...

23-10-2019
«Դրախտի դարպասը»՝ Արցախի էկրանին
Դավիթ ՄԻՔԱՅԵԼՅԱՆ
d.miqayelyan@hhpress.am



23-10-2019
Ռազմական խաղերում Հայաստանն ունի 1 մեդալ
Եվս մի քանիսի ակնկալիք

USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO