Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ՆԵՐՔԻՆ ԿՅԱՆՔ


Մարզպետի ինստիտուտի կայացման ճանապարհին

Պետք է ընդլայնվի տեղական հանրաքվեների անցկացման շրջանակը

Լուսինե ՄԽԻԹԱՐՅԱՆ
l.mkhitaryan@hhpress.am


Սահմանադրական վերջին փոփոխություններից հետո բացակայում են մարզերում պետական կառավարման հետ կապված հարաբերությունները կարգավորող իրավական ակտերը։ Այդ բացը լրացնելու համար ՀՀ կառավարության կողմից մշակվել է «Տարածքային կառավարման մասին» ՀՀ նոր օրենքի նախագիծը, որն արդեն ներկայացվել է խորհրդարան։ Նախքան սահմանադրական փոփոխությունների իրականացումը մարզերում պետական կառավարման հետ կապված հարաբերությունները կարգավորվել են ՀՀ նախագահի 1997 թվականի հրամանագրով։
Օրենքի նախագծի շուրջ «ՀՀ»—ն զրուցել է ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նախագահի տեղակալ Սերգեյ Բագրատյանի հետ։ «Մարզպետի ինստիտուտի հետ կապված բազմաթիվ խնդրահարույց հարցեր կան։ Եթե հաշվի առնենք, որ տարածքում գործող հանրապետական կառույցները, ինչպես օրինակ՝ ազգային անվտանգության տարածքային մարմինները չեն ենթարկվում մարզպետին, ապա անհասկանալի է դառնում «համակարգել» ասված եզրույթը։ Մարզպետը, որը հայեցողական պաշտոն զբաղեցնող անձ է, որեւէ լիազորություն չունի ժողովրդի կողմից ընտրված եւ առաջնային մանդատ ունեցող համայնքապետի նկատմամբ։ Ժողովրդավարության տրամաբանությամբ ընտրովի մարմինը կարող է ղեկավարել նշանակված մարմնին, այլ ոչ հակառակը»,— ասաց նա։
Նախկինում մարզպետների ինստիտուտի կարիքը զգացվում էր, որովհետեւ քաղաքական շահերից ելնելով նրանք ազդեցություն էին գործում ընտրական գործընթացների վրա։ Այսօր, երբ հայտարարում ենք ժողովրդավար երկիր լինելու մասին, արդեն այդ գործառույթը տեղ չպիտի ունենա։ Պատգամավորը նպատակահարմար է գտնում մարզպետի պաշտոնը նույնպես ընտրովի դարձնել, որպեսզի իրավական առումով հարաբերությունները ճիշտ կառուցվեն։
Խնդիրն առկա է եղել նաեւ նախկինում. համայնքապետերն ընտրվել են, իսկ մարզպետները՝ նշանակվել, սակայն մարզպետները հիմնականում քաղաքական իշխանության ազդեցությամբ են կառավարել, կամ այլ կերպ ասած՝ կիրառվել է ուժի իրավունքը, այլ ոչ թե իրավունքի ուժը։ «Նոր պայմաններում չեն կարող ուժի իրավունքը կիրառել։ Հասկանալի է, որ պետք է առաջնորդվել օրենքի վրա հիմնված աշխատելաոճով»,— ասաց Բագրատյանը։
Նախագծով մարզպետի թեկնածուին ներկայացվող պահանջները շատ չեն. այն է՝ վերջին չորս տարում միայն ՀՀ քաղաքացի հանդիսանալու եւ մշտապես բնակվելու, ինչպես նաեւ հայերենի իմացությունը, որի հանգամանքը կարող է փաստել «ուսումնական հաստատություններում հայերենով կրթություն ստացած կամ կրթական ծրագրերով նախատեսված հայոց լեզու առարկայի ուսումնառությունն ավարտած եւ ամփոփիչ ատեստավորում անցած լինելու վերաբերյալ ուսումնական հաստատությունների տված վկայականը, ատեստատը կամ դիպլոմը»։
Բավարա՞ր է արդյոք այսքանը մարզպետի պաշտոնում նշանակվելու համար։ Պատգամավորի համոզմամբ, մարզպետների, պատգամավորների եւ մյուս պատասխանատու պաշտոնների համար պետք է հստակեցվի պաշտոնի անձնագիրը, իսկ ցենզերի մասով ընդհանուր փոփոխության ենթարկվեն ներկայացվող պահանջները, հատկապես կարեւորելով կրթական ցենզը եւ աշխատանքային փորձի առկայությունը։ «Ինչպե՞ս կարող է նորավարտը, առանց աշխատանքային փորձ ունենալու, կատարել պատասխանատու աշխատանք։ Փորձի պակասը շատ անգամ պատուհաս է դառնում պետության համար։ Առաջիկայում պետք է անդրադառնալ այս հարցին, քանի որ հակառակ պարագայում շատ ենք թուլացնում այս ինստիտուտները»,— ընդգծեց զրուցակիցս։

Միավորումը պետք է լինի կամավոր

Վերոնշյալ հանձնաժողովի նախագահ Վարազդատ Կարապետյանի եւ հանձնաժողովի անդամ Վահե Ղալումյանի կողմից շրջանառության մեջ է դրվել տեղական հանրաքվեի մասին եւ ԱԺ կանոնակարգ օրենքներում փոփոխությունների փաթեթը, որով համայնքների միավորման եւ բաժանման դեպքում համայնքի բնակչությունը կարող է նախաձեռնել տեղական հանրաքվե եւ արտահայտել հավաքական դիրքորոշում։ Մյուս նախագծով նախատեսվում է պարտադիր խորհրդարանական լսումներ անցկացնել յուրաքանչյուր համայնքային միավորման դեպքում։
Համայնքների միավորման դեպքում տեղական հանրաքվեի անցկացումը, բնականաբար, օրինաչափ եւ տրամաբանական է, քանի որ առաջնային կարեւորություն ունի համայնքների համաձայնությունը։ Բագրատյանը մատնանշեց նախկին սխալը, երբ համայնքները միավորվում էին կամայականորեն, դրանից հետո խնդիրներն ավելանում էին։ Իսկ կա՞ արդյոք անհրաժեշտություն ընդլայնելու եւ նշելու հարցերի այն շրջանակը, որոնց վերաբերյալ կարող են անցկացվել տեղական հանրաքվեներ։ Օրինակ՝ բնապահպանական հարցերի դեպքում ազդակիր համայնքները զրկված են իրենց վերաբերող որոշումների ընդունման վրա ազդեցություն ունենալուց, մինչդեռ ժողովրդավարության սկզբունքներից է բխում այն, որ համայնքն իրավունք ունենա տնօրինելու իր ճակատագիրը։ Այս առումով «Հանրաքվեի մասին» ՀՀ օրենքում նշվում են այն սահմանափակումները, որոնց դեպքերում տեղական հանրաքվե չի կարելի անցկացնել, այնինչ ԱԺ պատգամավորի կարծիքով, կարելի է քննարկել եւ լրացնել օրենքը՝ նշելով, թե որ դեպքերում կարելի է անցկացնել տեղական հանրաքվե։ «Չեմ հիշում մի դեպք, երբ տեղական հանրաքվե անցկացրած լինենք։ Փաստացի օրենքի այդ կետը մնացել է թղթի վրա եւ չի կենսագործվել, հետեւաբար մենք պետք է այդ ինստիտուտը դարձնենք աշխատող»,— նշեց նա։
Տեղական հանրաքվեի ինստիտուտի կայացման համար միայն քաղաքական կամքի առկայությունը չի կարող բավարար լինել, քանի որ դրա բացակայությունը կվտանգի ինստիտուտի կայացումն ու զարգացումը։ Հայեցողական մոտեցում չցուցաբերելու համար պատգամավորն անհրաժեշտ է համարում այնպես մշակել օրենքը, որ անկախ տվյալ պահին իշխող քաղաքական ուժից՝ տեղական հանրաքվեի ինստիտուտը գործող դառնա։
Տարբեր հարցերի վերաբերյալ անցկացվում են ստորագրահավաքներ։ Տեղական հանրաքվեի անցկացման հիմքում նույնպես կարող է դրվել ստորագրահավաքը։ Զրուցակցիս կարծիքով, դրա համար պետք է ամրագրել ցածր թվեր, օրինակ՝ պայմանականորեն ընտրելու իրավունք ունեցող քաղաքացիների 10 տոկոսի չափով։ Արդարացված չէ, երբ դժվարացվում է տեղական հանրաքվեի անցկացումը, ընդհակառակը՝ այն պետք է հնարավորինս պարզեցված լինի, ինչը կօգնի հանրային կարիքների սպասարկմանը։ «Եթե ընդհանուր շահերը չհամապատասխանեն, ապա հանրաքվեն բնականաբար կմերժվի։ Սակայն պետք է հնարավորություն տանք մարդկանց հարցը բարձրացնելու, ներկայացնելու, ապացուցելու համայնքին դրա կարեւորությունը»,— հավելեց նա։
Փորձը ցույց է տալիս, որ, բացի հարցը բարձրաձայնելուց, խորհրդարանական լսումներին որեւէ գործնական քայլեր չեն հետեւում։ Պատգամավորի խոսքով, խորհրդարանական լսումները չպետք է մնան անհետեւանք, այսինքն՝ ոչ միայն պետք է հարցը բարձրաձայնել, այլեւ կազմել հաշվետվություն եւ եզրակացություն, որը ենթակա կլինի կատարման կամ առնվազն ուղեցույց կհանդիսանա այն կողմի համար, որին վերաբերում է այդ հարցը։ «Խորհրդարանական լսումները կարգավիճակ պետք է ունենան»,— ընդգծեց Բագրատյանը։

26-09-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO