Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.10.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Համահայկական եւ համաեվրոպական օրակարգով՝ ԵԽԽՎ-ում

Եվ կրկին Ադրբեջանի ահաբեկչական բնույթի մասին

Լուսինե ՄԽԻԹԱՐՅԱՆ
l.mkhitaryan@hhpress.am


ԵԽԽՎ նստաշրջանի չորրորդ մասի աշխատանքներին մասնակցելու համար սեպտեմբերի 29-ին Ստրասբուրգ էր մեկնել ԵԽԽՎ-ում հայաստանյան պատվիրակությունն ամբողջ կազմով՝ չորս մշտական եւ չորս փոխարինող անդամները։ ԱԺ «Իմ քայլը» խմբակցության պատգամավոր, ԵԽԽՎ—ում հայաստանյան պատվիրակության անդամ Տաթեւիկ Հայրապետյանը «ՀՀ»—ի հետ զրույցում նշեց, որ բավականին հետաքրքիր եւ հաջող էր նստաշրջանը, որի ընթացքում պատվիրակության անդամներից յուրաքանչյուրը արել է իր աշխատանքը։ «ԵԽԽՎ—ում կամ միջազգային այլ հարթակներում իշխանություն— ընդդիմություն տարբերություններ չկան։ Կա պետական շահ, որն առաջ է մղում մեզանից յուրաքանչյուրը»,–ընդգծեց Տ. Հայրապետյանը։
Մեր պատվիրակության անդամները ելույթ են ունեցել ամենաբազմազան թեմաների շուրջ, անդրադարձել են ոչ միայն Արցախի հիմնախնդրին եւ դրա հետ կապված հարցերին, այլեւ խոսել են համաեվրոպական եւ միջազգային օրակարգի մեջ տեղավորվող թեմաներից։ ԵԽԽՎ—ում որպես կողմնակի միջոցառում (side event) զրուցակիցս կարեւորեց հատկապես Արցախի Հանրապետության մարդու իրավունքների պաշտպան Արտակ Բեգլարյանի մասնակցությունը «Արդյո՞ք մարդու իրավունքները համընդհանուր են. «գորշ գոտիների» մոռացված մարդիկ» խորագրով միջոցառմանը, որը կազմակերպվել էր հայաստանյան պատվիրակության նախաձեռնությամբ։ Քննարկման մյուս հիմնական բանախոսն է եղել ԵԽԽՎ նախկին փոխնախագահ, Ֆրանսիա—Հայաստան պատգամավորական բարեկամության խմբի նախկին ղեկավար Ռընե Ռուքեն։ «Ներկայացվել են առկա խնդիրները, ինչպես նաեւ «գորշ գոտիներում» մարդկանց իրավունքները չանտեսելու եւ նրանց հետ աշխատելու կարեւորությունը»,–ասաց պատգամավորը։ Միջոցառմանը ներկա են գտնվել ԵԽԽՎ պատգամավորներ, փորձագետներ, դիվանագետներ, հայ համայնքի ներկայացուցիչներ։ Թեեւ ադրբեջանական կողմից երկու հոգի, որոնք պատվիրակության անդամ չէին, փորձել են բողոքի ակցիա կազմակերպել, սակայն հայկական կողմը սադրանքի չի ենթարկվել։
«Բարգավաճ Հայաստան» խմբակցության անդամ Նաիրա Զոհրաբյանն իր ելույթում կարեւոր քայլ էր համարել Արցախի մարդու իրավունքների պաշտպանի մուտքը ԵԽԽՎ եւ նման օրակարգով հայկական պատվիրակության նախաձեռնությունը Արցախում մարդու իրավունքների խնդիրները եվրոպական օրակարգ բերելու առումով։
Ն. Զոհրաբյանը անդրադարձել է նաեւ սեպտեմբերի 8—ին Արցախում կայացած ՏԻՄ ընտրություններին։ «Իր անկախությունը հաստատելուց հետո Արցախում տեղի են ունեցել համապետական եւ տեղական ինքնակառավարման բազմաթիվ ընտրություններ, որոնք ապացուցել են Արցախի ժողովրդի՝ իրենց երկրի ժողովրդավարական զարգացման եւ մարդու իրավունքների հանդեպ հարգանքը։ Ես կրկին ստիպված եմ օգտագործել Մարդու իրավունքների հռչակագրի լեզուն եւ բոլորիս հիշեցնել, որ որեւէ անձ՝ անկախ իր բնակության վայրի կամ երկրի քաղաքական, իրավական կարգավիճակից, չի կարող խտրականության ենթարկվել»,–ասել է պատգամավորը՝ կոչ անելով ԵԽ—ին չանտեսել Արցախում տեղի ունեցող ժողովրդավարական գործընթացները եւ աջակցել Արցախի ժողովրդին՝ կատարելագործելու իր օրենքներն ու ժողովրդավարական ինստիտուտները։ «Դրանից շահելու է մարդը։ Իսկ մարդն ավելին է, քան ցանկացած փաստաթուղթ եւ կարգավիճակ»,–հավելել է նա։
Տաթեւիկ Հայրապետյանն անդրադարձել է սպորտում ատելության դրսեւորումներին, որոնք Ադրբեջանի պարագայում կրկնվում են։ ԵԽ քարտուղարություն էր ներկայացվել բանաձեւ՝ սպորտում ատելության խոսքը բացառելու համար, սակայն տարբեր հանգամանքներից ելնելով, քարտուղարությունը որոշել էր այն ներկայացնել ոչ թե որպես բանաձեւ, այլ որպես գրավոր հայտարարության տեքստ։ «Այդուհանդերձ, ատելության դրսեւորումը կրկնվեց այս անգամ ՀՀ շախմատի կանանց չեմպիոն Մարիա Գեւորգյանի հետ կապված, երբ վերջինս չկարողացավ մասնակցել Թուրքիայում անցկացվող մրցումներին՝ ադրբեջանական պատվիրակության պահանջի պատճառով։ Հենրիկ Մխիթարյանի եւ Մարիա Գեւորգյանի դեպքերը հաշվի առնելով՝ նպատակահարմար գտա այդ մասին մատնանշել, որպեսզի հաջորդ անգամ, երբ մենք նման նախաձեռնությամբ հանդես գանք, եվրոպացի գործընկերները հասկանան, թե ինչու ենք անում, եւ որ դա ինքնանպատակ չէ։ Կան հստակ փաստեր, որոնք մեզ պարտադրում են դիմելու նման քայլերի»,–մեզ հետ զրույցում ասաց պատգամավորը։
«Իմ քայլը» խմբակցության անդամ Սոս Ավետիսյանն իր ելույթում անդրադարձել է «Ահաբեկչության զոհերին պաշտպանելու եւ աջակցելու մասին» ԵԽ պատգամավոր Մարիետտա Կարամանլիի զեկույցին՝ նշելով, որ ահաբեկչության զոհի պաշտպանությունը, ինչպես նաեւ աշխարհի ցանկացած մասում դրա դեմ պայքարը շարունակում է մնալ համաշխարհային մարտահրավերներից մեկը բոլոր պետությունների համար։
Այս համատեքստում հայաստանյան պատվիրակության անդամը հիշել է նաեւ Ռամիլ Սաֆարովի կողմից հայ սպային՝ Գուրգեն Մարգարյանին ՆԱՏՕ—ի խաղաղապահ առաքելությունն իրագործելու ժամանակ կացնով սպանելու դեպքը եւ Ադրբեջանի կողմից պետական մակարդակով մարդասպանին հերոսացնելու փաստը, ինչը, Ավետիսյանի բնորոշմամբ, պետության կողմից ահաբեկչության հովանավոր հանդիսանալու վառ օրինակ է։ «Պատերազմը հաճախ օգտագործվում է որպես ծխածածկույթ ահաբեկչական գործողությունները կոծկելու համար։ Դժբախտաբար, սա այն դեպքն էր, երբ 2016—ին Ադրբեջանը ագրեսիայի ենթարկեց Լեռնային Ղարաբաղի Հանրապետությունը, եւ այս անօրինական ռազմական գործողության ընթացքում ԼՂՀ խաղաղ բնակիչները կտտանքների եւ խոշտանգման ենթարկվեցին, որը չուներ ոչ մի ռազմական նպատակ»,–ասել է նա իր ելույթում։
Ադրբեջանի կողմից ահաբեկչական գործողություններ կատարելու եւ ԵԽԽՎ ամբիոնից ժողովրդավարական արժեքներից խոսելու անթույլատրելիության մասին խոսել է «Լուսավոր Հայաստան» խմբակցության ղեկավար Էդմոն Մարուքյանը՝ Ադրբեջանին համեմատելով ահաբեկչական խմբավորման՝ Իսլամական պետության հետ՝ հիշեցնելով 3 տարի առաջ Թալիշի խաղաղ բնակչության հանդեպ ցուցաբերած առանձնակի դաժան եւ անմարդկային վերաբերմունքը։ «Մենք խնդիր ունենք ահաբեկչության սահմանման հետ։ Ի՞նչ նկատի ունեք ահաբեկչության զոհ ասելով։ Հայաստանի քաղաքացիները, որ գիշերը չեն կարողանում քնել ադրբեջանական հարձակումների պատճառով, ահաբեկչության զո՞հ են, թե՞ ոչ։ Պե՞տք է արդյոք խոսենք նրանց մասին եւս»,–ասել է պատգամավորը՝ հավելելով, որ ահաբեկչությունն ու ահաբեկչական հարձակումները, խաղաղ բնակչությանը սպանելն ու գլխատելը, մարդկանց իրենց դաշտերում աշխատել չթողնելը, հարձակումները երեխաների եւ ընտանիքների վրա Ադրբեջանի զինված ուժերի ամենօրյա համակարգված գործողություններն են։

05-10-2019





23-10-2019
Հայաստանը զբոսաշրջային քարտեզի վրա
Ինչպիսի քայլեր են արվում մեր երկրի վարկանիշը բարձրացնելու ...


23-10-2019
Հովհաննես Թումանյանի «բարի ուժի» փիլիսոփայությունը
Լիակատար ներումը հնարավոր է դարձնում «սիրելը»

Մինչ հայոց ...


23-10-2019
Ներքաղաքական կյանքն ընթանում է բնականոն հունով
Խորհրդարանական ուժերը՝ տեղական իրադարձությունների մասին

Թամարա ՄՈՒՐԱԴՅԱՆ
t.muradyan@hhpress.am


Ինչպիսի՞ն է ...


23-10-2019
Թյուրքալեզու երկրների հավաք՝ Մերձավոր Արեւելքն ու Կովկասը վերահսկելու օրակարգով
Համաթուրքական համերաշխության ներքին անհամերաշխությունը

Արմենուհի ՄԵԼՔՈՆՅԱՆ
a.melqonyan@hhpress.am


Պետք է խոսել ...


23-10-2019
Սառույց հալեցնելու աղի փոխարեն կերակրի՛ աղ օգտագործեք
Եթե, իհարկե, թանկ է առողջությունը

Արմենուհի ՄԵԼՔՈՆՅԱՆ
a.melqonyan@hhpress.am


Գաղտնիք հայտնաբերած ...


23-10-2019
Քրդերը մնացել են մենակ թուրքական թնդանոթների դեմ
Հասկանալի չէ, թե երբ քրդերը կազատվեն թուրքական իշխանության ...


23-10-2019
Բիզնես... կարմիր գծերին
Երեւանի փողոցներում՝ հատկապես կենտրոնում, կարմիր գծերին հաճախ կարելի է ...



23-10-2019
Վաշինգտոնն ու Մոսկվան ասացին իրենց խոսքը. ո՞րն է լինելու լուծումը
Եվ ինչ նոր սադրանքների կդիմի ...

23-10-2019
Գինու արտահանումն աճել է
Հայկական արտադրանքը կներկայացվի ...

23-10-2019
«Դրախտի դարպասը»՝ Արցախի էկրանին
Դավիթ ՄԻՔԱՅԵԼՅԱՆ
d.miqayelyan@hhpress.am



23-10-2019
Ռազմական խաղերում Հայաստանն ունի 1 մեդալ
Եվս մի քանիսի ակնկալիք

USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO