Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ՄԱՐԶԵՐ


Յուրաքանչյուր հայ պետք է կարողանա սեփական քրտինքով սեփական հացը վաստակել

Ճանաչված բարերար ու գործարար Հրաչյա Պողոսյանի օրինակը կարող է ոգեշնչել արտերկրում գտնվող մեր հայրենակիցներին

Նախորդ տարի մարզի Ագարակ համայնքում, գյուղի վերածննդի 10—ամյակին նվիրված տոնական միջոցառումների շրջանակում, հիմնվել է կարի ֆաբրիկա, որի բացման հանդիսավոր արարողությանը մասնակցում էր նաեւ ՀՀ վարչապետ Նիկոլ Փաշինյանը։
Կառավարության ղեկավարը նախ մասնակցել է կարի ֆաբրիկայի բացմանը։ Այն հիմնվել է գործարար Հրաչյա Պողոսյանի կողմից։ Վարչապետի խոսքով՝ այս օրը առանձնահատուկ է, որովհետեւ քաղաքացիները միմյանց աչքերի մեջ նայում են հպարտությամբ, սիրով, որովհետեւ ազնիվ են միմյանց նկատմամբ։

«Սանկտ Պետերբուրգում հանդիպման ժամանակ ծանոթացա Հրաչյա Պողոսյանի հետ՝ հայ գործարարների հետ հանդիպման ընթացքում։ Երբ խոսում էինք Հայաստանի զարգացման մոդելի մասին, թե ինչպես պետք է զարգանա Հայաստանը, եկանք եզրակացության, որ կառավարության հիմնական դերն է՝ ստեղծել հնարավորություններ, որպեսզի գործարարները Հայաստանում ներդրումներ անեն։ Պարոն Պողոսյանը խոստացավ, որ ներդրում կանի Ագարակում, այն մարդիկ, ովքեր ասում են եւ անում, իրենց խոսքի տերն են, մեր ամենակարեւոր գործընկերներն են, նրանք, ովքեր կարող են ոչ միայն բարեգործություն անել, այլ հնարավորություն ստեղծել, որ յուրաքանչյուր հայ կարողանա սեփական քրտինքով սեփական հացը վաստակել»,–ասել է վարչապետը՝ հավելելով, որ անկախությունից ի վեր սա առաջին արտադրամասն է, որ բացվել է Ագարակում։ Կառավարության ղեկավարը հույս է հայտնել, որ այս փոքր արտադրամասը կմեծանա եւ այլ արտադրամասեր կստեղծվեն։
Այո, Հրաչյա Պողոսյանն արձագանքելով վարչապետի կոչին՝ նոր ներդրումների արդյունքում հարազատ Ագարակ համայնքում հիմնել է կարի ֆաբրիկա՝ ստեղծելով գրեթե երեք տասնյակ նոր աշխատատեղ։
Ընթացքի մեջ են ֆաբրիկայի նոր արտադրամասի կառուցման աշխատանքները։ Նախատեսվում է ընդլայնման արդյունքում աշխատատեղերի թիվը հասցնել 100—ի։ Արտադրանքն առայժմ իրացվելու է տեղական շուկայում, սակայն ծրագրեր կան կազմակերպել նաեւ արտահանում։
Այնուհետեւ վարչապետը մասնակցել է Ագարակի կենտրոնում գտնվող «Արարատ—73» ֆուտբոլային թիմի հաղթանակի 40—ամյակին նվիրված հուշակոթողի մոտ կազմակերպված ծառատունկին։ Ագարակի հրապարակը վերանվանվել է «Արարատ—73»՝ վերջինիս հաղթանակի 45—ամյակի առթիվ։ Նիկոլ Փաշինյանն ընդգծել է, որ Ագարակը մեր երկրի գյուղատնտեսական կարեւոր կենտրոններից է, որին կառավարությունը պետք է ապահովի ջրով, առաջարկի նոր տեխնոլոգիաներ եւ լավ մթնոլորտ՝ աշխատելու համար. «Ոչ ոք ձեզ չի խանգարելու, մենք օգնելու ենք ձեզ, սիրելի ժողովուրդ։ Մեր կառավարությունը, ես՝ ինքս, պետք է հող դառնանք ժողովրդի ոտքերի տակ, որպեսզի մեր վրա հենվելով՝ դուք ոտքի կանգնեք, զարգանաք եւ հզորանաք։
Մեր ժողովուրդը մարդկության առաջամարտիկ ժողովուրդներից մեկն է, որովհետեւ կարողացել է անել մի բան, քաղաքական այնպիսի հեղափոխություն, որը նախկինում երբեք չի արձանագրվել մարդկության հազարամյա պատմության մեջ։ Հայ ժողովուրդը եղել է քաղաքակրթության առաջամարտիկ եւ այսօր վերանվաճել է այդ պատիվը։ Սիրում եմ բոլորիդ, համբուրում եմ բոլորիդ, կեցցե՛ Ագարակը, կեցցե՛ն ագարակցիները, կեցցե՛ Հայաստանի Հանրապետությունը»։
Ի դեպ, Հրաչյա Պողոսյանը միաժամանակ հետաքրքրված է մարզում նոր ներդրումներ կատարելու եւ գործարարությամբ զբաղվելու հնարավորությամբ։ Մասնավորապես, ցանկանում է օգտագործել Ագարակ համայնքի ջրի հարուստ պաշարները եւ հիմնել ջրի արտադրության գործարան։
Աշխատանքներն այժմ ընթացքի մեջ են, կատարվել է հորատում, վերցված փորձանմուշների նախնական եզրակացության համաձայն՝ ջուրը խմելու համար պիտանի է ճանաչվել, իրականացվել է ջրի լաբորատոր կառուցվածքի վերաբերյալ համալիր փորձաքննություն։ Գործարանի բացմամբ Ագարակ համայնքին տնտեսական ակտիվություն կհաղորդվի, համայնքում նոր աշխատատեղեր կստեղծվեն։
Խոսելով այսօր անցկացվելիք գործարար համաժողովի մասին, Հրաչյա Պողոսյանը հույս հայտնեց, որ այն նոր խթան կդառնա մարզի տնտեսական կյանքի աշխուժացման համար եւ կծառայի իր բուն նպատակին. «Ես մի քանի անգամ պատիվ եմ ունեցել մասնակցելու նման միջոցառումների, երբ Հայաստանի վարչապետ Նիկոլ Փաշինյանը Սանկտ Պետերբուրգ է ժամանել։
Տեսել եմ, թե որքան մարդ է ցանկանում մասնակցել այդ հանդիպմանը։ Իսկ եթե ցանկանում են հանդիպել, նշանակում է՝ ասելիք ունեն, ցանկություն կա, մտահոգող խնդիր։ Շատերը, ցավոք, չեն տեսնում այդ ճանապարհը, եւ ահա այստեղ մենք պիտի տանք այդ հնարավորությունը, փորձենք օգնել մարդկանց։
Մարդիկ երբ շփվում են, գործակցում միմյանց հետ, ուրեմն ընդհանուր հետաքրքրություններ են առաջ գալիս։ Որքան մեծ լինի այդ շրջանակը, այնքան արդյունքն ավելի մեծ կլինի։ Բիզնեսի առաջին խնդիրն, ինչ խոսք, գումար աշխատելն է, եթե կա նման հնարավորություն, ապա պիտի իրագործել, քանի որ այս գումարն աշխատելով՝ օգտակար ես լինում քո համագյուղացուն, հարազատին եւ, ընդհանուր հաշվով, հայրենի երկրին։ Հնարավոր չէ միանգամից շատ բանի կամ ամեն ինչի հասնել։
Դա ժամանակի խնդիր է, որ պետք է կյանքի կոչվի։ Հնարավոր չէ միանգամից դրա արդյունքը տեսնել, ուստի մեզ մնում է գործել ու լավատես լինել։ Դա նման է այն բանին, որ այսօր ծառ ենք տնկում, ծառը պիտի աճի, մեծանա, հետո միայն բերք տա։ Հավատանք, համբերատար սպասենք, որ այն ծաղկի, բերք տա, եւ մենք կարողանանք պտուղը վայելել։ Ի վերջո, մեր մարզը մեծ պոտենցիալ ունի, եւ դա պետք է լավագույնս օգտագործել, դրա իրացման արդյունավետ ճանապարհներ գտնել...»։

12-10-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO